Кош бойлуу аял. Архивдик сүрөт

Кош бойлуулар канча айында вакцина сайдырса болот? Эпидемиологдун жообу

400
(жаңыланган 21:18 09.07.2021)
Адис эмдөөнү курсактагы баланын органдары жана системалары калыптанганда жүргүзсө мүмкүн экенин белгилеген. Бул кош бойлуулуктун 28-40 жумасы.

БИШКЕК, 9-июл. — Sputnik. Боюнда бар келиндер канча айында вакцина алса болорун Роспотребнадзордун алдындагы Эпидемиология борборунун илим-изилдөө институтунун директорунун илимий иштер боюнча орун басары, профессор Александр Горелов РИА Новостиге айтып берди. 

"Вакцинаны кош бойлуулуктун үчүнчү триместрде (28-40 жума), баланын бардык органдары жана системалары калыптанганда жүргүзсө болот", — деген эпидемиолог.

Ал Израилде эмдөөдөн өткөн аялдар дени-карды соо бала төрөгөнүн, антитело энеде дагы, балада дагы пайда болгонун белгилеген.

Айрым адистер вакцинаны кош бойлуулар, бала эмизгендер, жашы жете электер жана курч кармаган оорусу барлар алганга болбойт деп айтышканы маалым.

400
Белгилер:
эмдөө, вакцина, кош бойлуулук, эпидемия
Тема:
Коронавируска каршы эмдөө (188)
Тема боюнча
Онкологиялык оорусу барлар вакцина алса болобу? Адистин жообу
Сууга түшкөн балдар. Архивдик сүрөт

Күн кайрадан ысыйбы? Бир жумага аба ырайы

11
Синоптиктердин маалыматына караганда, аптанын басымдуу бөлүгүндө күн ачык болот. Экинчи жарымында айрым жерлерде өткүн өтүп, ылдамдыгы 15-20 метрге жеткен шамал жүрөт.

БИШКЕК, 25-июл. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Бишкек шаары

Борбор калаада 30-июлда жамгыр жаап, күн күркүрөйт. Калган учурда күн ачык болот. Батыштан соккон шамалдын ылдамдыгы секундасына 4-9 метрден, 27-июлда күндүз 14 метрге жетиши күтүлүүдө.

Чүй облусу

Апта бою негизинен күн ачык болот. Болгону 30-июлда күндүз жана 31-июлда түнкүсүн көпчүлүк аймактарда өткүн өтүп, күн күркүрөшү ыктымал.

Талас облусу

Талас өрөөнүндө жуманын көпчүлүк күндөрүндө күндүн көзү бузулбайт. Анткен менен аптанын аягында шамал болору күтүлүүдө. Батыштан соккон шамалдын ылдамдыгы 29-30-июлда кээ бир райондордо 15-20 метрге жетет.

Ош, Баткен, Жалал-Абад облустары

Өлкөнүн түштүгүндөгү облустарда аба ырайы бирдей болору божомолдонууда. Аптанын басымдуу бөлүгүндө күн ачык болуп, 30-июлда кээ бир райондордо өткүн өтүп, күн күркүрөйт. 31-июлда түнкүсүн көпчүлүк райондордо, күндүз тоолуу аймактарда гана өткүн өтөт.

Ысык-Көл облусу

29-30-31-июль күндөрү кээ бир райондордо өткүн өтүп, күн күркүрөшү күтүлүп жатат.

Нарын облусу

25-26-июлда жаан-чачын болбойт. Түштүк-чыгыштан соккон шамалдын ылдамдыгы секундасына 5-10 метрге жетет. 28-30-31-июлда кээ бир райондордо өткүн өтөт.

11
Белгилер:
ысык, аба ырайы, жай, Кыргызстан
Тема боюнча
Мээ кайнаткан ысык болобу? Августка карата аба ырайы
Үйүндө беткап кийген аял. Архивдик сүрөт

COVID 20 пайыздан ашык кыргызстандыктардын психологиясына терс таасир этти

26
Коронавирус көбүнесе Ош шаары менен Талас облусунун тургундарын тынчсыздандырган. Ал эми Нарын, Ысык-Көл жана баткендиктер аны жеңилирээк кабыл алган.

БИШКЕК, 25-июл. — Sputnik. COVID-19 күч алып жаткан учурда өлкө элинин 20 пайыздан ашыгынын эмоционалдык абалы начарлаган. Бул тууралуу Улуттук статистика комитети маалымдады.

"Уйкунун бузулуусу, тынчсыздануу, маанайдын чөгүшү, жакын адамдар менен талашып-тартышып, пикир келишпестиктердин пайда болушу сыяктуу көйгөйлөр шаарда жашаган ар бир төртүнчү үй-бүлөдө, айылда жашаган ар бир алтынчы үй-бүлөдө кезиккен", — деп айтылат билдирүүдө.

Психологиялык жактан кыйналуу көбүнесе Ош шаары (38 пайыз) менен Талас облусунун (29,4 пайыз) тургундарында кездешкен.

"Ошол эле учурда Нарын (1,9 пайыз), Ысык-Көл (4,4 пайыз) жана Баткен (5,9 пайыз) облустарынын жашоочулары вирус тарап жаткан учурда көп тынчсызданган эмес", — деп айтылган Статком тараткан маалыматта.

Бул боюнча сурамжылоону Улуттук статистика комитети 2020-жылдын ноябрь, декабрь айларында жүргүзгөн.

26
Белгилер:
коронавирус, психология, сурамжылоо, калк, Кыргызстан
Тема боюнча
COVID-19дун курч фазасынан өткөн адам кандай кыйынчылыкка туш болот
Кант диабети барлар COVID-19га каршы кандай учурда эмделиши керек