Шайлоо участокторунан тышкары жерде добуш берүү. Архивдик сүрөт

Шаардык үч кеңештин шайлоосу: саат 18:00гө карата добуш бергендердин саны

51
(жаңыланган 20:26 10.07.2021)
Бүгүн Бишкек шаарында шайлоо участокторунан тышкары жерде добуш бергендердин катарында президет Садыр Жапаров да болду.

БИШКЕК, 10-июл. — Sputnik. Шайлоо жана референдум өткөрүү боюнча борбордук комиссия жергиликтүү кеңештердин депутаттарына шайлоо участокторунан тышкары жерде добуш бергендердин саны боюнча билдирди.

БШКнын маалымат кызматы Токмокто шайлоо участокторунан тышкары жерде добуш берүү аяктаганын кабарлады. Бардыгы болуп 20 УШКга депутаттарды тандайм деген арыздар түшкөн. Бүгүн 222 шайлоочунун 203ү добуш берип кеткен.

Бишкек шаардык кеңешине шайлоодо коомдук тартипти камсыз кылуу үчүн милициянын шаардык түзүмү атайын даярдыктан өттү
© Фото / Пресс-служба ГУВД города Бишкек
Бишкек шаары боюнча 10-июль, кечки саат алтыга карата 179 шайлоо участогунан тышкары жерде добуш берүү аяктады, анда 2 276 адам өзүнүн тандоосун жасады. 228 шайлоо тилкенин ичинен 183үнө добуш берүү жөнүндө арыздар келип түшкөн.

Ош шаары боюнча 78 шайлоо участогунун 65инде жарандардан өз тандоосун бүгүн жасай турганы жөнүндө арыз беришкен. 10-июль, саат 18.00гө карата 30 УШК боюнча добуш берүү аяктады. Баш-аягы 1 168 шайлоочунун 1 027си добуш берди.

Айтмакчы, бүгүн Бишкек шаарында шайлоо участокторунан тышкары жерде добуш бергендердин катарында президент Садыр Жапаров жана биринчи айым Айгүл Жапарова болду. Мамлекет башчынын маалымат кызматы бул кадам кечээ мамлекет башчынын жеке коопсуздук боюнча кызматкерлеринин биринен коронавирус катталгандыгына байланыштуу болгонун кабарлады.

"Президенттен коронавирус аныкталган эмес. Бирок Жапаров эпидемиологдордун сунушун эске алып, башкалардын ден соолугуна коркунуч келтирип албоо үчүн обочолонуп добуш берген", — деп түшүндүрүштү.

Бишкек, Ош жана Токмок шаардык кеңештеринин депутаттарын кайрадан шайлоо эртең, 11-июлда өтөт.

Мындан үч ай мурда, жазында өткөн шайлоонун жыйынтыгы добуш берүүдө мыйзам бузуу абдан көп кездешкендиктен жокко чыгарылган эле.

51
Белгилер:
Кыргызстан, шаардык кеңеш, шайлоо, добуш берүү
Тема:
Бишкек, Ош жана Токмок шаарларында кайрадан өтө турчу шайлоо (59)
Тема боюнча
Шаардык милициянын эртеңки шайлоого даярдыгы. Сүрөт
Бишкек, Ош жана Токмоктогу шайлоочулардын акыркы тизмеси жарыяланды
Эркек адам. Архив

Өзү 50 жашта. Жапжаш көрүнгөн Британия тургуну сыры менен бөлүштү

19
Жигиттей көрүнгөн киши жумасына үч ирет спорт залга бара турганын айткан. Ошондой эле ал эти жок тамактарды гана жеп, кумшекер, ичимдиктен баш тарткан.

БИШКЕК, 5-авг. — Sputnik. Улуу Британиянын 25теги жигиттей көрүнгөн 50 жаштагы тургуну Тристан Ли жаштык сыры менен бөлүштү. Бул тууралуу The Daily Mail басылмасы жазды.

Ли 35 жылдан бери терисине жакшылап кам көрө турганын айтып, ошол себептен жаш көрүнөрүн белгилеген. Тристан туура тамактанып, терини жумшартуучу жана күндөн сактаган кремдердин сапаттуусун колдонорун да кошумчалаган.

"Териге кам көрүүдө табигый каражаттарды колдоном жана буга көп деле каражат жумшабайм. Жыты жок каражаттарды табууга аракет кылам. Анткени өтө жыттуулар терини дүүлүктүрүп жибериши ыктымал", — деди ал.

Мындан сырткары, ал күндө жарым сааттык сейилдөөгө чыгып, жумасына үч ирет спорт залга бара турганын айткан. Эти жок тамактарды гана жеп, кумшекер, ичимдиктен баш тарткан.

"Мен абдан жаш көрүнгөндүктөн улгайып калган адамдар кантип баарлашууну билбей, ыңгайсыз боло беришет. Ошол эле учурда канчада экенимди билген жаштар да кыйналат. Ошол себептен баары жакшы эмес", — деген Ли.

Ли сырткы келбетинен улам айрымдар аны алдамчы деп ойлой турганын кошумчалаган.

19
Белгилер:
Улуу Британия, жаштык, жигит
Тема боюнча
Төрөттөн кийин дароо 40 килограммга арыктаган аял сыры менен бөлүштү
Бишкектеги киберспорттук мелдештин катышуучулары. Архив

Бишкекте киберспорттук мелдеш өтөт. Жеңүүчүлөр дүйнө чемпионатына катышат

38
(жаңыланган 15:26 05.08.2021)
Кыргызстандыктарга өз өлкөсүн эл аралык аренада даңазалоого жана квалификациялык мелдеште байгелүү орундарды алууга мүмкүнчүлүк түзүлдү.

БИШКЕК, 5-авг. — Sputnik. Бишкекте киберспорттун төрт түрүнөн IESF World Championship 2021 дүйнөлүк мелдешке тандап алуу боюнча турнир өтөт. Бул тууралуу өлкөнүн Компьютердик спорт федерациясы билдирди.

Тандоо турунун жалпы байге фонду 82 миң сом. Кыргызстандыктар үчүн ачык болгон мелдеш аталган оюндун CSGO (14-август), DOTA 2 (15-август), Tekken 7 жана PES 2020 (22-август) түрлөрүнөн болот.

Спорттук федерация өзүнүн расмий сайтына командалардын катталуусу үчүн шилтемелерди жана байге фонду, демөөрчүлөр, мелдеш өтүүчү жайдын дареги тууралуу маалыматтарды чыгарды. Мелдештин шарттары тууралуу төмөнкү шилтемеден кенен маалымат алууга болот.

Оюндун ар бир түрү боюнча жеңүүчүсү өз өлкөсүнүн атынан дүйнө чемпионатына катышат.

Эл аралык киберспорт федерациясы жыл сайын IESF World Championship мелдешин өткөрүп келет. Ал эми улуттук федерациялар тандоо оюндарын уюштуруп, мыктыларды тандап, курама команда түзүшөт. Быйыл дүйнөлүк биринчилик Израилде өтөт. Ага 106 өлкөнүн киберспортчулары катышары күтүлүүдө.

38
Белгилер:
Кыргызстан, киберспорт, мелдеш, Компьютердик спорт федерациясы
Тема боюнча
Турусбеков: өлкөдө компьютердик жана мобилдик оюн индустриясы өнүгүүдө