Медициналык кызматкер COVID-19 каршы кытайлык Sinopharm вакцинасы менен. Архив

Бишкекке 1 млн. 250 миң доза Sinopharm вакцинасы алып келинди

69
(жаңыланган 16:34 11.07.2021)
Кыргызстанда алгачкы эмдөө Кытайдын Sinopharm вакцинасын колдонуу менен башталган. Кийинчерээк ал жок калып, кыргызстандыктар "Спутник V" менен эмделип жаткан.

БИШКЕК, 11-июл. — Sputnik. Кытайдын Sinopharm вакцинасынын 1 миллион 250 миң дозасы Бишкекке алып келинди. Бул тууралуу министрлер кабинетинин маалымат кызматынан билдиришти.

Буга чейин кыргыз өкмөтү Кытайдан 1,1 миллион доза Sinopharm сатып алганы жана анын атайын чартердик каттам менен жеткирилери айтылган. Ушул эле борт менен Кытай тарабынан акысыз негизде берилген 150 миң доза вакцина да алып келинди.

  • В Кыргызскую Республику специальным бортом доставили 1 млн 250 тыс. доз вакцины Sinofarm от COVID-19 из Китайской Народной Республики. 11 июля 2021 года
    Кытайдын Sinopharm вакцинасынын 1 миллион 250 миң дозасы Бишкекке алып келинди
    © Фото / Республиканский штаб КР по борьбе с COVID-19
  • В Кыргызскую Республику специальным бортом доставили 1 млн 250 тыс. доз вакцины Sinofarm от COVID-19 из Китайской Народной Республики. 11 июля 2021 года
    Буга чейин кыргыз өкмөтү Кытайдан 1,1 миллион доза Sinopharm сатып алганы жана анын атайын чартердик каттам менен жеткирилери айтылган
    © Фото / Республиканский штаб КР по борьбе с COVID-19
1 / 2
© Фото / Республиканский штаб КР по борьбе с COVID-19
Кытайдын Sinopharm вакцинасынын 1 миллион 250 миң дозасы Бишкекке алып келинди

Өткөн аптада министрлер кабинетинин төрагасынын орун басары Жылдыз Бакашова Sinopharm вакцинасы облустар боюнча төмөнкүдөй бөлүштүрүлө турганын айткан:

  • Бишкек — 240 миң доза;
  • Ош шаары — 110 миң;
  • Ош облусу — 175 миң;
  • Чүй облусу — 200 миң;
  • Ысык-Көл облусу — 120 миң;
  • Жалал-Абад облусу — 165 миң;
  • Баткен облусу — 80 миң;
  • Нарын облусу — 80 миң;
  • Талас — 80 миң.
69
Белгилер:
Кыргызстан, Кытай, вакцина, коронавирус
Тема:
Коронавируска каршы эмдөө (211)
Тема боюнча
Өлкөдө вакцина алганы тууралуу сертификат электрондук түрдө бериле баштады
Коронавируска каршы вакцина алчулар үчүн маанилүү 8 суроого жооп

Кубанарымды же кайгырарымды билбей турам. Акжол менен Мээримдин видео маеги 

69
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

69
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин
UFC уюмунун экс-чемпиону Хабиб Нурмагомедов. Архив

Көлгө келген Хабиб: эртең Олимпиадада алтын алышыңарга тилектешмин

65
(жаңыланган 00:17 04.08.2021)
Ысык-Көлгө ММА боюнча турнирге конок катары келген Нурмагомедов бүгүнкү Олимпиада оюндарын көргөнүн айтып, кыргызстандыктарга ийгилик каалады.

БИШКЕК, 4-авг. — Sputnik. Эртең Олимпиада оюндарында алтын медаль алышыңарга тилектешмин. Бул тууралуу UFC уюмунун экс-чемпиону Хабиб Нурмагомедов Чолпон-Атада өтүп жаткан Eagle Fighting Championship (EFC) турниринде сөз сүйлөп жатып билдирди.  

"Бүгүнкү Олимпиада оюндарын көрдүк. Тилекке каршы, утулуп калды (Акжол Махмудов, — ред.). Бирок күмүш менен коло да жакшы. Эми алтын да болот. Эртең алтын алышыңыздарды каалайм, тилектешмин", - деди Нурмагомедов. 

Белгилей кетсек, ушул тапта аралаш мушташ боюнча Eagle Fighting Championship (EFC) турнири өтүүдө. Анда Хабиб лиганын түптөөчүсү жана конок катары чакырылган. Эске салсак, Олимпиада оюндарында балбандар Акжол Махмудов күмүш алса, Мээрим Жуманазарова коло тагынды. Ал эми Айсулуу Тыныбекова финалга чыкты, эртең алтын үчүн күрөшөт.

65
Белгилер:
Чолпон-Ата, Хабиб Нурмагомедов, Олимпиада-2020, медаль
Тема:
2021-жылы Токиодо өтө турган Олимпиада оюндары
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Олимпиада: эки балбандын жеңишинен кийин Кыргызстан 64-орунга чыкты
Алексей Федосеев Хабибдин турниринде атаандашын муунтуу ыкмасы менен жеңди. Сүрөт