Манас айылы маданий-этнографиялык комплекси. Архивдик сүрөт

"Манас" айылын кайра куруу үчүн архитекторлор арасында сынак жарыяланды

75
Каалоочулар 18-июлга чейин заявкаларын бере алат. Ал эми эмгектерин ушул жылдын 5-сентябрына чейин даярдап бүтүшү керек. Эки жеңүүчүгө мамлекет тарабынан сый акы каралган.

БИШКЕК, 12-июл. — Sputnik. "Манас" айылы маданий-этнографиялык комплексин кайра куруу боюнча архитекторлор арасында сынак жарыяланды. Бул тууралуу аталган комплекстен кабарлашты.

Сынак КР президентинин иш башкармалыгы менен биргеликте өткөрүлмөкчү.

"Каалоочулар 18-июлга чейин заявкаларын бере алат. Ал эми эмгектерин ушул жылдын 5-сентябрына чейин даярдап бүтүшү керек. Эки жеңүүчүгө кийин мамлекет тарабынан сый акы каралган. Азырынча байге фонду тактала элек", — деп айтылат билдирүүдө.

Сынак боюнча кененирээк маалымат алуу үчүн 0507 991799, 0552 677777 номерлерине кайрылса болот.

"Манас" айылы этнографиялык комплекси Бишкек шаарынын түштүк тарабында жайгашкан. 12 гектардан ашык жерди ээлеген борбор учурда Бишкек эркин экономикалык аймагынын карамагында. 1995-жылы "Манастын" 1000 жылдыгына карата курулуп, анда кыргыздын маданиятын, каада-салтын жайылтуу максаты болгон. Тилекке каршы, анын аймагы кийин каралбай калган. 2019-жылы ошол кездеги президент Сооронбай Жээнбеков комплексти оңдоо тапшырмасын берген.

75
Белгилер:
Бишкек, курулуш, архитектор, сынак, 'Манас айылы' маданий-этнографиялык комплекси
Тема боюнча
Уланбек Калманбетов Архитектура, курулуш агенттигин жетектемей болду
Эгемендүүлүктүн 30 жылдыгына карата логотип даярдоого сынак жарыяланды

Кубанарымды же кайгырарымды билбей турам. Акжол менен Мээримдин видео маеги 

73
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

73
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин
UFC уюмунун экс-чемпиону Хабиб Нурмагомедов. Архив

Көлгө келген Хабиб: эртең Олимпиадада алтын алышыңарга тилектешмин

67
(жаңыланган 00:17 04.08.2021)
Ысык-Көлгө ММА боюнча турнирге конок катары келген Нурмагомедов бүгүнкү Олимпиада оюндарын көргөнүн айтып, кыргызстандыктарга ийгилик каалады.

БИШКЕК, 4-авг. — Sputnik. Эртең Олимпиада оюндарында алтын медаль алышыңарга тилектешмин. Бул тууралуу UFC уюмунун экс-чемпиону Хабиб Нурмагомедов Чолпон-Атада өтүп жаткан Eagle Fighting Championship (EFC) турниринде сөз сүйлөп жатып билдирди.  

"Бүгүнкү Олимпиада оюндарын көрдүк. Тилекке каршы, утулуп калды (Акжол Махмудов, — ред.). Бирок күмүш менен коло да жакшы. Эми алтын да болот. Эртең алтын алышыңыздарды каалайм, тилектешмин", - деди Нурмагомедов. 

Белгилей кетсек, ушул тапта аралаш мушташ боюнча Eagle Fighting Championship (EFC) турнири өтүүдө. Анда Хабиб лиганын түптөөчүсү жана конок катары чакырылган. Эске салсак, Олимпиада оюндарында балбандар Акжол Махмудов күмүш алса, Мээрим Жуманазарова коло тагынды. Ал эми Айсулуу Тыныбекова финалга чыкты, эртең алтын үчүн күрөшөт.

67
Белгилер:
Чолпон-Ата, Хабиб Нурмагомедов, Олимпиада-2020, медаль
Тема:
2021-жылы Токиодо өтө турган Олимпиада оюндары
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Олимпиада: эки балбандын жеңишинен кийин Кыргызстан 64-орунга чыкты
Алексей Федосеев Хабибдин турниринде атаандашын муунтуу ыкмасы менен жеңди. Сүрөт