Кыргызстандагы сегиз колледж жалпы суммасы 883 677 доллар болгон компьютер жана кеңсе техникасы менен камсыздалды

Өлкөдөгү сегиз колледж 900 миң долларга техника менен камсыздалды. Сүрөт

66
(жаңыланган 10:21 12.07.2021)
Окуу жайларга техника министрликтин "Секторду өнүктүрүү программасы: Инклюзивдүү өсүү үчүн көндүмдөр" долбоорунун алкагында жеткирилди.

БИШКЕК, 12-июл. — Sputnik. Кыргызстандагы сегиз колледж жалпы суммасы 883 677 доллар болгон компьютер жана кеңсе техникасы менен камсыздалды. Бул тууралуу Билим берүү жана илим министрлигинин маалымат кызматы кабарлады.

Техника министрликтин "Секторду өнүктүрүү программасы: Инклюзивдүү өсүү үчүн көндүмдөр" долбоорунун алкагында жеткирилди.

  • Компьютерная и офисная техника которой оснастили восемь колледжей в Кыргызстане
    Кыргызстандагы сегиз колледж жалпы суммасы 883 677 доллар болгон компьютер жана кеңсе техникасы менен камсыздалды
    © Фото / пресс-служба Министерства образования и науки КР
  • Компьютерная и офисная техника которой оснастили восемь колледжей в Кыргызстане
    Техника министрликтин "Секторду өнүктүрүү программасы: Инклюзивдүү өсүү үчүн көндүмдөр" долбоорунун алкагында жеткирилди.
    © Фото / пресс-служба Министерства образования и науки КР
  • Компьютерная и офисная техника которой оснастили восемь колледжей в Кыргызстане
    Долбоор аркылуу колледждердин базасында сегиз Алдыңкы тажрыйба борбору түзүлгөн
    © Фото / пресс-служба Министерства образования и науки КР
1 / 3
© Фото / пресс-служба Министерства образования и науки КР
Кыргызстандагы сегиз колледж жалпы суммасы 883 677 доллар болгон компьютер жана кеңсе техникасы менен камсыздалды

Долбоор аркылуу колледждердин базасында сегиз Алдыңкы тажрыйба борбору түзүлгөн:

  • Бишкек архитектура жана курулуш менеджменти колледжи;
  • ЖАМУнун Жалал-Абад колледжи;
  • Кулатов атындагы Кызыл-Кыя тоо-техникалык инновациялар жана экономика колледжи;
  • Скрябин атындагы КУАУнун Токмок агроэкономикалык колледжи;
  • Нааматов атындагы НМУнун Агроэкономикалык колледжи;
  • Кара-Балта техникалык-экономикалык колледжи;
  • Индустриалдык-педагогикалык колледж;
  • ОшМУнун Индустриалдык-педагогикалык колледжи.

Алдыңкы тажрыйба борборлоруна санариптик инновациялык окутуу үчүн кеңсе жана компьютердик жабдуулардын 7 148 предмети, окутуучулар жана студенттер үчүн лэптоптор, компьютердик жабдуулар, КФК, принтерлер, акустикалык жана радиосистемалар, видеокамералар жана телевизорлор берилген.

Ошондой эле жатаканалардагы жашоо шартты жакшыртуу максатында медициналык бөлмөлөр үчүн жабдуулар, муздаткычтар, LED экрандар жана башкалар алынды.

66
Белгилер:
камсыздоочулар, компьютер, техника, колледж, Билим берүү жана илим министрлиги, Кыргызстан
Тема боюнча
Билим сапатын жакшыртуу керек. Колледж мугалимдери окутула баштады
Кагазга жазган аял. Архивдик сүрөт

Калкты тейлөө борборлорунан эми соттолбогондук боюнча справка алса болот

22
(жаңыланган 23:36 24.07.2021)
Буюртма берген справканы Ички иштер министрлигинин Маалыматтык технологиялар боюнча башкы башкармалыгынан да алууга болот.

БИШКЕК, 24-июл. — Sputnik. 26-июлдан тарта Бишкектин Калкты тейлөө борборлору соттолбогондук тууралуу справка алуу үчүн арыздарды кабыл ала баштайт. Бул тууралуу Санариптик өнүктүрүү министрлигинин маалымат кызматы билдирди.

Бул кызмат көрсөтүү баш калаанын калкты тейлөө борборлорунда арыз тапшыруунун жана арыз ээсинин убактысын үнөмдөөнүн эң ыңгайлуу жолу катары ишке ашырылууда. Жарандын соттолбогондугу тууралуу кагаз эң зарыл документ болуп саналат.

Толтурулган арыз ИИМге жөнөтүлүп, жети күндөн кийин күбөлүктү министрликтин Маалыматтык технологиялар башкы башкармалыгынын Курманжан датка көчөсү, 115 дарегиндеги Мамлекеттик кызмат көрсөтүүлөр борборунан алууга болот.

Эгерде справканы тез арада алуу зарыл болсо, анда аны бир же үч күндөн кийин акы төлөп алуу мүмкүнчүлүгү жаралды.

Бишкектин Калкты тейлөө борборлорунда "өзүн-өзү тейлөө" аймагы бар, анда жарандар ушул справкаларды алуу үчүн электрондук кызмат көрсөтүүлөрдүн мамлекеттик порталы аркылуу кайрыла алышат. Башкача айтканда, ИИМдин башкармалыгына барып убаракерчилик тартышпайт. Ар бир адам өзү үчүн ыңгайлуу жагын тандай алат.

22
Белгилер:
ИИМ, справка, Калкты тейлөө борбору
Тема боюнча
Бишкектеги Калкты тейлөө борборлорунун тизмеси жана даректери
Чолпон-Атадагы пляж. Архивдик сүрөт

Мээ кайнаткан ысыктагы Чолпон-Ата, автотыгын, батпаган эл. Видео

202
(жаңыланган 23:40 24.07.2021)
Окурмандар күндүз көлдүн жээгинде бут коёрго жер жок экендигин, эс алуучулардын көптүгүнөн дүкөндөрдүн текчеси бошоп калып жаткандыгын билдиришти.

БИШКЕК, 24-июл. — Sputnik. Бүгүн окурмандар туристтик шаар Чолпон-Атада эс алуучулар абдан көп деп билдиришти.

Алардын айтымына караганда, Чолпон-Атада узун автотыгын жаралган. Кыргызстандын курорттук ири калааларынын бирине багыт алгандардын аягы көрүнбөйт.

Дагы бири элдин көп экендигин айткан. Эс алуучу борбор тараптын сүрөтүн, балдар аянтчаларындагы элдин көптүгүн тартып салып жиберген.

Окурмандар күндүз көлдүн жээгинде бут коёрго жер жок экендигин, эс алуучулардын көптүгүнөн дүкөндөрдүн текчеси бошоп калып жаткандыгын билдиришти.

Синоптиктер эртең Чолпон-Атада күндүн ысыктыгы +27…+29 градуска жетерин айтышты

202
Белгилер:
автотыгын, пляж, Ысык-Көл, Чолпон-Ата, Кыргызстан
Тема боюнча
Миллиондогон чыгым болуу коркунучунда. "Аврораны" Эсеп палатасы текшерди
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

0
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

0
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео