Кытайыдн Кыргызстандагы элчилиги. Архив

Кытай элчилиги: КР элинин 70 пайызы эмделсин деген талап коюлган эмес

215
(жаңыланган 19:15 12.07.2021)
Мамлекеттик бажы кызматынын төрагасынын орун басары кыргыз-кытай чек арасынан өткөн жүктүн көлөмүн көбөйтүү үчүн коңшу өлкө КР жарандарынын 70 пайызы коронавируска каршы вакцина алсын деген маселени коюп жатканын айткан.

БИШКЕК, 12-июл. — Sputnik. Кытай чек арадан жүк өткөрүүнү көбөйтүү үчүн Кыргызстандын элинин 70 пайызы коронавируска каршы эмделиши керек деген маселени койгон эмес, бул маалымат фейк. Бул тууралуу Кытайдын Кыргызстандагы элчилигинин расмий сайтында жазылды.

"Кытайдын өкмөтү "элдин жашоосу баарынан жогору" деген принципти кармап, өз аймагында вакцинацияга үгүттөйт. Ал эми башка өлкөлөрдүн ички иштерине кийлигишүү эл аралык мамилелердин талаптарына жооп бербейт деп эсептегендиктен, башка мамлекетке калкын эмдөө боюнча талаптарды кое албайт. Буга чейин КРдин Мамлекеттик бажы кызматынын төрагасынын орун басарынын кытай тарап Кыргызстан элинин 70 пайызы эмдөөдөн өткөрүү маселесин коюп жатат деп айтканы чындыкка туура келбейт", — деп айтылат билдирүүдө.

Ошондой эле Кытай тарап кыргыз-кытай чек арасындагы өткөрүү пунктуларынан жүк алып өтүү боюнча бир катар аракеттерди көргөн соң автоунааларды өткөрүү мүмкүнчүлүгү кеңейгени айтылат.

Буга чейин Мамлекеттик бажы кызматынын төрагасынын орун басары Кыялбек Мукашев кыргыз-кытай чек арасынан өткөн жүктүн көлөмүн көбөйтүү боюнча сүйлөшүүлөрдө коңшу өлкө Кыргызстандын жарандарынын 70 пайызы коронавируска каршы вакцина алсын деген маселе коюлганын айткан.

215
Белгилер:
Кыргызстан, Кытай, эмдөө, маалымат, төгүндөө
Тема:
Коронавируска каршы эмдөө (212)
Тема боюнча
Бишкекте COVID-19га каршы вакцинаны кайдан алса болот. Даректер
Кытай жүк ташууну көбөйтүү үчүн КР калкынын 70%ы эмделиш керектигин айтууда
Айаал Лазарев америкалык Гэйбл Стивенсон менен беттеште

Айаал Лазарев Олимпиаданын коло байгеси үчүн таймашат

7
(жаңыланган 17:34 05.08.2021)
Кыргызстандык балбан баштапкы этапта АКШлык Гэйбл Стивенсон менен кармашып, америкалыкка таза техникалык артыкчылык менен утулган.

БИШКЕК, 5-авг. — Sputnik. Кыргызстандык эркин күрөш боюнча балбан Айаал Лазарев Олимпиада оюндарынын коло байгеси үчүн таймашат.

Кыргызстандык балбан баштапкы этапта уткан америкалык Гэйбл Стивенсонго жеңилген.

АКШлык спортчу финалга чыгып, Лазарев көңүл жубатуучу таймашка чыгууга укук алды.

Эң оор салмакта (125 килограмм) ат салышып жаткан Айаал Лазарев эми Рио-де-Жанейро Олимпиадасынын чемпиону, түркиялык Таха Акгүл менен кармашат. Эгер аны утса, коло байге үчүн монголиялык Лхагвагерель Мунхтур менен коло байге талашат.

Көңүл жубатуучу кармаштар эртең, 6-августта, саат 08:00дө, ал эми коло байге үчүн таймаштар саат 17:00дө болот

7
Белгилер:
Айаал Лазарев, Олимпиада-2020, эркин күрөш
Тема:
2021-жылы Токиодо өтө турган Олимпиада оюндары
Тема боюнча
Олимпиада: эркин күрөш балбаны Эрназар Акматалиев индиялык спортчу менен кармашат
Австралиялык спортчу кыз Токио Олимпиадасынан 7 медаль утуп алды. Сүрөт
Эркек адам. Архив

Өзү 50 жашта. Жапжаш көрүнгөн Британия тургуну сыры менен бөлүштү

205
Жигиттей көрүнгөн киши жумасына үч ирет спорт залга бара турганын айткан. Ошондой эле ал эти жок тамактарды гана жеп, кумшекер, ичимдиктен баш тарткан.

БИШКЕК, 5-авг. — Sputnik. Улуу Британиянын 25теги жигиттей көрүнгөн 50 жаштагы тургуну Тристан Ли жаштык сыры менен бөлүштү. Бул тууралуу The Daily Mail басылмасы жазды.

Ли 35 жылдан бери терисине жакшылап кам көрө турганын айтып, ошол себептен жаш көрүнөрүн белгилеген. Тристан туура тамактанып, терини жумшартуучу жана күндөн сактаган кремдердин сапаттуусун колдонорун да кошумчалаган.

"Териге кам көрүүдө табигый каражаттарды колдоном жана буга көп деле каражат жумшабайм. Жыты жок каражаттарды табууга аракет кылам. Анткени өтө жыттуулар терини дүүлүктүрүп жибериши ыктымал", — деди ал.

Мындан сырткары, ал күндө жарым сааттык сейилдөөгө чыгып, жумасына үч ирет спорт залга бара турганын айткан. Эти жок тамактарды гана жеп, кумшекер, ичимдиктен баш тарткан.

"Мен абдан жаш көрүнгөндүктөн улгайып калган адамдар кантип баарлашууну билбей, ыңгайсыз боло беришет. Ошол эле учурда канчада экенимди билген жаштар да кыйналат. Ошол себептен баары жакшы эмес", — деген Ли.

Ли сырткы келбетинен улам айрымдар аны алдамчы деп ойлой турганын кошумчалаган.

205
Белгилер:
Улуу Британия, жаштык, жигит
Тема боюнча
Төрөттөн кийин дароо 40 килограммга арыктаган аял сыры менен бөлүштү