Кыргызстандын БУУдагы жана башка эл аралык уюмдардагы туруктуу өкүлү Алмазбек Бейшеналиев аталган уюмдун Качкындар иштери боюнча жогорку комиссары Филиппо Гранди менен жолугушту

БУУнун качкындар боюнча комиссариаты Кыргызстанга жардам берерин билдирди

86
Тараптар Кыргызстан менен БУУнун комиссариатынын ортосундагы эки тараптуу кызматташуунун актуалдуу маселелерин талкуулашкан.

БИШКЕК, 13-июл. — Sputnik. Кыргызстандын БУУдагы жана башка эл аралык уюмдардагы туруктуу өкүлү Алмазбек Бейшеналиев аталган уюмдун Качкындар иштери боюнча жогорку комиссары Филиппо Гранди менен жолугушту. Бул туурасында Тышкы иштер министрлиги билдирди.

Тараптар Кыргызстан менен БУУнун комиссариатынын ортосундагы эки тараптуу кызматташуунун актуалдуу маселелерин талкуулашкан.

"Өлкөдөгү долбоордук иш-чараларды уюштуруу, ошондой эле качкындардын, баш калка сурагандардын укуктарын коргоо жана жарандыгы жок жүргөндөрдү алдын алуу жаатындагы кызматташуу тууралуу кеп козголду. Ушул жагдайда Бейшеналиев БУУнун качкындар иштери боюнча комиссариаты өлкөнүн компетенттүү органдары менен биргеликте табигый жана техногендик мүнөздөгү өзгөчө кырдаалдарды жоюу үчүн техника жана жабдуулар менен камсыздоо долбоорун ишке ашыруу мүмкүнчүлүгүн карап чыгууну суранды. Бул качкындар жана өлкө ичинде жер которгон адамдарга лагерь, талаа госпиталдарын ачуу максатын көздөйт", — деп айтылат маалыматта.

Өз кезегинде жогорку комиссар Кыргызстанга ар тараптуу техникалык, эксперттик жана гуманитардык жардам көрсөтүүгө даяр экендигин белгилеп, Бейшеналиевдин сунуштарын кылдаттык менен карап чыгарын билдирди.

86
Белгилер:
жардам, комиссариат, БУУ, Кыргызстан
Тема боюнча
Россия БУУ программасынын алкагында Кыргызстанга кезектеги жардамын көрсөттү
БУУнун КРдеги координатору Баткенге жардам берүү боюнча иштерди айтып берди
Кабинет в городской клинической больнице имени Е. О. Мухина.

Вирусолог коронавирустун "дельта" штаммынын өзгөчөлүгүн айтып берди

6
(жаңыланган 10:18 26.07.2021)
Адис белгилегендей, "дельта" штаммын жуктургандар илдетти өтө оор көтөрөт деген так аныктама жок. Бирок дарыгерлерге коронавирустун жаңы түрүн жуктургандарды дарылоо кыйынга турууда.

БИШКЕК, 26-июл. — Sputnik. "Дельта" штаммы чакырган коронавирус эмнеси менен айырмаланып, дарылоого кандай таасир этерин Sputnik радиосуна Фундаменталдык жана трансляциялык медицина боюнча Федералдык изилдөө борборунун өтө кооптуу инфекциялар лабораториясынын башчысы Александр Чепурнов айтып берди.

Алгач Индияда аныкталган коронавирустун "дельта" штаммы дүйнө жүзүнө, анын ичинде Россияга тарады.

Адистин айтымында, анын негизги өзгөчөлүгү — оорунун козгогучунун мурдагы түрлөрүнө караганда инкубациялык мезгилинин кыскалыгында. Мындан тышкары, ал бейтаптарда ашказан, ичеги-карындын иштешинин бузулушу сыяктуу белгилерди пайда кылат.

Чепурнов белгилегендей, "дельта" штаммын жуктургандар илдетти өтө оор көтөрөт деген так аныктама жок. Бирок дарыгерлерге коронавирустун жаңы түрүн жуктургандарды дарылоо кыйынга турууда.

"Дельта" штаммын дарылоо кыйыныраак, анткени "Ухань" варианты көп изилденип, ал үчүн далай нерсе иштелип чыккан. Бул жерде гастроэнтерологиялык компонент жана оорунун өнүгүү темпи өзгөчөлөнүп жатат", — деген вирусолог.

Адис ак халатчандар азыр дарылоо протоколуна өзгөртүү киргизүүгө аргасыз болуп жатканын кошумчалаган. Ошондой эле ПЦР-тесттер да штаммдарды көрсөтпөй турганын, бул үчүн өзүнчө изилдөө жүргүзүлүп жатканын айткан.

6
Белгилер:
ичеги, симптом, штамм, вирусолог, коронавирус
Тема:
Дүйнөгө жайылган коронавирус
Тема боюнча
COVID-19дун курч фазасынан өткөн адам кандай кыйынчылыкка туш болот
COVID менен ооруганын жашырып хиджаб кийип учкан индонезиялык киши камалды
Адам муштумдарын түйүп жатат. Иллюстративдик сүрөт

КРдин Москвадагы элчилигинде мушташ чыктыбы? Расмий түшүндүрмө

36
(жаңыланган 10:09 26.07.2021)
Элчиликтен билдиришкендей, кыргызстандык аялды коштоп келген эркек киши кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес.

БИШКЕК, 26-июл. — Sputnik. Кыргызстандын Россиядагы элчилигинин маалымат кызматы дипломатиялык өкүлчүлүктүн имаратындагы мушташ тууралуу комментарий берди.

Бул тууралуу маалыматты 25-июль күнү Россиянын айрым ЖМКлары жазган. Элчиликтен билдиришкендей, 24-июль күнү кыргызстандык аялга консулдук жардам көрсөтүлүп жатканда, аны менен чогуу келген эркек киши кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес. Ошондон улам тараптар мушташа кетип, ал эркек консулдук бөлүмдөн күч колдонулуп сыртка чыгарылган.

Мындан соң ал КРдин ИИМинин Россиядагы өкүлчүлүгү жана полицияга өткөрүп берилген.

"Сөз болуп жаткан киши Россиянын жараны экени белгилүү болду. Ошол эле учурда маалыматтар базасы аркылуу анда Кыргызстандын паспорту дагы бар экени аныкталды. Анын өзүн кандай алып жүргөндүгүн кабылдамада кезек күтүп турган жарандар дагы көрүштү. Кабыл алып, кызмат көрсөтүп жаткан кызматкер ага карата тиешелүү чара кабыл алуусун өтүнүп укук коргоо органдарына арыз жазды", — деп айтылат билдирүүдө.

Ошондой эле элчилик учурда кызматтык иликтөө жүргүзүлүп жатканын кошумчалады. Эгер кызматкер тарабынан катачылык кеткени далилденсе, тиешелүү чара көрүлөт.

36
Белгилер:
мушташ, элчилик, Россия, Кыргызстан
Тема боюнча
РФтеги элчилик кыргыздардын массалык депортациясы тууралуу маалыматты төгүндөдү