Кыргызстанга келген туристтер. Архивдик сүрөт

Бельянинов: Кыргызстандагыдай табият эч жерде жок, бирок туризм тынчтыкты сүйөт

198
(жаңыланган 23:43 13.07.2021)
Бельяниновдун айтымында, Кыргызстандын туризм боюнча мактанарлык мүмкүнчүлүгү бар. Бирок тармакты өнүктүрүү үчүн туристтердин коопсуздугун камсыздоо зарыл.

БИШКЕК, 13-июл. — Sputnik. Кыргызстандагыдай кооз табият эч жерде жок, бирок туризмди өнүктүрүү үчүн өлкөгө саясий туруктуулук зарыл. Мындай пикирин РФтин эмгек сиңирген экономисти, Евразия элдеринин ассамблеясынын башкы катчысы Андрей Бельянинов билдирди.

Ал Sputnik агенттигинин мультимедиалык маалымат борборунда өткөн "ЕАЭБ өлкөлөрүнүн диалогу жана евразиялык интеграцияны өнүктүрүүнүн жолу" аталыштагы Москва — Минск — Ереван — Нур-Султан — Бишкек видеокөпүрөсүнө катышты.

Бельянинов журналисттин "Евразия мамлекеттеринин ортосунда туризмдин мүмкүнчүлүгү канчалык, мындан Кыргызстан кандай пайда көрө алат?" деген суроосуна жооп берген.

"Саясий туруксуздук болгондо туризм өнүкпөйт... Кыргызстандагыдай ажайып, өзгөчө жерлерди башка жактан таба албайсың. Кереметтүү Ысык-Көлдөн тышкары уникалдуу тоолору бар. Деген менен туристтерди тартуу үчүн алардын коопсуздугун, тийиштүү шарттарды камсыздоо зарыл", — деген Бельянинов.

Ал революция өлкөдөгү туризмдин өнүгүүсүнө тескери таасирин тийгизерин белгиледи.

"Өнөктөштөр менен отуруп сүйлөшүү керек, мисалы биз Кыргызстан элдеринин ассамблеясы менен байланышып турабыз. Кыргызстанда көп улуттагы элдер жашайт, орус тили мыкты жайылган. Шарт түзсөңөр эл өзү барат", — деген ал.

Евразия элдеринин ассамблеясынын иш багыттарынын бири бул элдик дипломатия болуп саналат. Өткөн аптада, 9-июлда, ассамблеянын отуруму өткөн. Анда уюмдун төрт жылда аткарган ишинин жыйынтыгы чыгарылып, пландар талкууланган.

Евразия элдеринин ассамблеясы бул мамлекеттик эмес уюмдардын жана активдүү турмуштук позициясы бар адамдардын эл аралык союзу болуп саналат. Евразиялык интеграциянын баалуулугун жана идеяларын ишке ашырууга умтулуу, тынчтыкты коргоо, достукту бекемдөө, өнөктөштүк жана ынак кошуналык мамилени чыңдоо — уюмдун негизги багыттары.

198
Белгилер:
Кыргызстан, Андрей Бельянинов, пикир, өнүктүрүү, туризм
Тема боюнча
Шатманов: Кыргызстанда туризмди өнүктүрүү боюнча ири форум өтөт

Бусурманкулдун нокауту жана ага Хабибдин берген кеңеши. Видео

13
Хабиб Нурмагомедовдун Eagle Fighting Championship (EFC) лигасынын турниринде кыргызстандык Бусурманкул Абдибаит уулу россиялык атаандашы Руслан Яманбаевди техникалык нокаут менен утуп, чемпиондук курун тартып алды.

Абдибаит уулунун жеңишинен кийин Хабиб Нурмагомедов ага кеп-кеңешин берди.

“Жашоодо анын мындай ирмеми эч качан кайталанбаса керек. Анткени биринчи бел курду утуп жатканда аябай кубанасың. Ошого эмоционалдуу болуп турат, колдоп коелу. Дана Уайт (UFC президенти) бул беттешти көрөт. Мен турнир тууралуу айткам. Чемпиондук курду бир-эки жолу коргогондон кийин UFC уюмунда күч сынашууга мүмкүнчүлүк болот. Бел курду тагынгандан кийин көп спортчунун бутасына айланасын, ошон үчүн көп эмгектенүү керек. Бүгүн эс алып, эртең кайра машыгууну улантуу керек. Баарыңарды куттуктайм, чынын айтсам мен ага (Бусурманкулга) күйөрмандык кылдым, атаандашы таарынбасын”, — деди ал.

Бусурманкул 14 беттешти утуп, үч ирет жеңилген. Ал учурда 28 жашта.

13
Белгилер:
Хабиб Нурмагомедов, EFC, Бусурманкул Абдибаит уулу, жеңиш
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Көлгө келген Хабиб: эртең Олимпиадада алтын алышыңарга тилектешмин
Алексей Федосеев Хабибдин турниринде атаандашын муунтуу ыкмасы менен жеңди. Сүрөт

Кубанарымды же кайгырарымды билбей турам. Акжол менен Мээримдин видео маеги 

81
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

81
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин