Медик коронавируска каршы эмдөөгө даярданып атат. Архивдик сүрөт

Ош шаарында коронавируска каршы 47 эмдөөчү жай ачылды. Даректер

85
Вакцина алууну каалаган жаран эмдөө пунктуларына кайрылууга укуктуу. Болгону жанында паспорту болушу керек.

БИШКЕК, 14-июл. — Sputnik. Ош шаарында коронавируска каршы эмдөө жүргүзгөн 47 борбор ачылды. Бул тууралуу шаар мэриясынан кабарлашты.

Ош шаардык оорулардын алдын алуу жана мамлекеттик санитардык-эпидемиологиялык көзөмөлдөө борборунун маалыматы боюнча, эмдөө жайлары жарандарды 13-июлдан тарта кабыл ала баштады. Вакцина алгысы келген адамдын жанында паспорту болушу керек.

Эмдөө жайларынын даректери:

  • №1, 2, 3, 4, 5, 6, 7, 8, 9, 10 жана 11-үй-бүлөлүк дарыгерлер борборлору;
  • Ош мамлекеттик университетинин дарылоо пункту;
  • "Аэропорт" авиашаарчасы;
  • "Алмалык", "Пятилетка", "Сулайман-Тоо", "Озгур", "Беш-Калпак" ФАПтары;
  • Сай, Орке, Тээке, Арек, Төлөйкөн, Жапалак айылдарындагы ФАПтар;
  • Гагарин, Алтыбаев, №27 Партсъезд жана Горький атындагы мектептер;
  • Ош шаарынын борбордук базары, "Фрунзе" жана "Келечек" кичи базарлары;
  • "Глобус", "Фрунзе" дүкөндөрү;
  • Амир-Тимур аймагында жайгашкан почтада ачылды.

Эске салсак, 11-июлдан бери Кыргызстанда Кытайдын Sinopharm вакцинасы менен массалык эмдөө жүргүзүлүп жатат.

85
Белгилер:
дарек, вакцина, эмдөө, коронавирус, Ош
Тема:
Коронавируска каршы эмдөө (191)
Тема боюнча
Эмдөөдөн өткөндөр да маска тагынышы керекпи? Иммунолог эмне дейт
Кытай элчилиги: КР элинин 70 пайызы эмделсин деген талап коюлган эмес
Адис ооруп айыккан жана эмделгенден кийинки иммунитеттин айырмасын айтты
Кайгуул милициянын унаасы. Архивдик сүрөт

Ичип алып рулга отургандар көбөйдү. Чүйдөгү рейддин көңүл чөгөргөн жыйынтыгы

15
(жаңыланган 10:54 26.07.2021)
Акыркы убакта Чүй жана Ысык-Көл облустарында адам өмүрүн алган ири жол кырсыктары катталды. Президент рейддик чараларды күчөтүүнү тапшырса, ИИМ башчысы кызматкерлер үч смен менен иштээрин айткан.

БИШКЕК, 26-июл. — Sputnik. Чүй облусунда узаган жумада ичип алган айдоочулар андан мурдагы аптага караганда көп аныкталды. Бул тууралуу облустук ЖКККБ билдирди.

Эске сала кетсек, акыркы убакта Чүй жана Ысык-Көл облустарында адам өмүрүн алган ири жол кырсыктары катталган. Президент Садыр Жапаров жума күнү, 23-июлда, ИИМге мас айдоочуларды аныктоо боюнча рейддик чараларды күчөтүүнү тапшырган. Ошол эле күнү ички иштер министри Улан Ниязбеков Жол кыймылы коопсуздугун камсыздоо башкы башкармалыгынын кызматкерлерине үч смен менен иштөөгө тапшырма берген.

Редакция узаган жума жана андан мурдагы аптадагы маалыматтарды салыштырып, мыйзам бузуунун эки түрү көбөйгөнүн аныктады. Кеп бир гана Чүй облусу тууралуу сөз болуп жатат.

Мыйзам бузуулардын жалпы саны — 2 258 (эки жума мурда — 1 733), анын ичинен:

  • 32 айдоочу мас болуп рулга отурган (андан мурдагы жумада — 23);
  • 814 айдоочу ылдамдыкты ашыра айдаган (андан мурдагы аптада — 793).
15
Белгилер:
мас, айдоочу, рейд, жол кырсык, ЖКККББ, Чүй облусу
Тема боюнча
Чүйдөгү жол кырсыгында дагы эки киши көз жумду, айдоочунун мас экени аныкталды
Жаңы кол кармашкан жуптар сүрөткө түшөбүз деп "жол кырсыгына кабылды". Видео
Чүйдө жол кырсыгынан төрт адам каза тапты. Таш-талканы чыккан унаанын сүрөтү
Кабинет в городской клинической больнице имени Е. О. Мухина.

Вирусолог коронавирустун "дельта" штаммынын өзгөчөлүгүн айтып берди

16
(жаңыланган 10:18 26.07.2021)
Адис белгилегендей, "дельта" штаммын жуктургандар илдетти өтө оор көтөрөт деген так аныктама жок. Бирок дарыгерлерге коронавирустун жаңы түрүн жуктургандарды дарылоо кыйынга турууда.

БИШКЕК, 26-июл. — Sputnik. "Дельта" штаммы чакырган коронавирус эмнеси менен айырмаланып, дарылоого кандай таасир этерин Sputnik радиосуна Фундаменталдык жана трансляциялык медицина боюнча Федералдык изилдөө борборунун өтө кооптуу инфекциялар лабораториясынын башчысы Александр Чепурнов айтып берди.

Алгач Индияда аныкталган коронавирустун "дельта" штаммы дүйнө жүзүнө, анын ичинде Россияга тарады.

Адистин айтымында, анын негизги өзгөчөлүгү — оорунун козгогучунун мурдагы түрлөрүнө караганда инкубациялык мезгилинин кыскалыгында. Мындан тышкары, ал бейтаптарда ашказан, ичеги-карындын иштешинин бузулушу сыяктуу белгилерди пайда кылат.

Чепурнов белгилегендей, "дельта" штаммын жуктургандар илдетти өтө оор көтөрөт деген так аныктама жок. Бирок дарыгерлерге коронавирустун жаңы түрүн жуктургандарды дарылоо кыйынга турууда.

"Дельта" штаммын дарылоо кыйыныраак, анткени "Ухань" варианты көп изилденип, ал үчүн далай нерсе иштелип чыккан. Бул жерде гастроэнтерологиялык компонент жана оорунун өнүгүү темпи өзгөчөлөнүп жатат", — деген вирусолог.

Адис ак халатчандар азыр дарылоо протоколуна өзгөртүү киргизүүгө аргасыз болуп жатканын кошумчалаган. Ошондой эле ПЦР-тесттер да штаммдарды көрсөтпөй турганын, бул үчүн өзүнчө изилдөө жүргүзүлүп жатканын айткан.

16
Белгилер:
ичеги, симптом, штамм, вирусолог, коронавирус
Тема:
Дүйнөгө жайылган коронавирус
Тема боюнча
COVID-19дун курч фазасынан өткөн адам кандай кыйынчылыкка туш болот
COVID менен ооруганын жашырып хиджаб кийип учкан индонезиялык киши камалды