Ош шаардык кеңешине шайлоо. Архивдик сүрөт

Ошто кайра шайлоонун жыйынтыгын жокко чыгарууну талап кылып жатышат

97
(жаңыланган 11:21 14.07.2021)
Ош шаардык кеңешиндеги 45 мандат үчүн кайра шайлоого сегиз партия катышты. Алгач тогуз партия катталып, бирок 10-июль күнү БШК "добуш сатып алуу аракетин көрдү" деген негиз менен "Ынтымак" партиясын четтеткен.

БИШКЕК, 14-июл. — Sputnik. Ош шаардык кеңешине шайлоонун жыйынтыгын жокко чыгарууну талап кылып беш партия аймактык шайлоо комиссиясына (АШК) арыз менен кайрылды. Бул тууралуу "Улуу-Журт" партиясынын өкүлү Мирлан Орозбаев Sputnik агенттигинин кабарчысына билдирди.

Арызды алдын ала жыйынтык боюнча мандат албай калган "Келечек — Будущее", "Нур" "Улуу-Журт", "Бүтүн Кыргызстан" жана шайлоо алдында тизмеден чыгарылган "Ынтымак" партиясы жазган. Аталган партиялардын өкүлдөрү 11-июлда өткөн шайлоодо мыйзам бузуулар көп катталгандыгын, ар бир партияда далилдер бар экенин айтууда.

Ал эми Ош аймактык шайлоо комиссиясы аталган партиялардын талабы тууралуу азырынча комментарий бере элек.

Белгилей кетсек, Ош шаардык кеңешиндеги 45 мандат үчүн кайра шайлоого сегиз партия катышты. Алгач тогуз партия катталып, бирок 10-июль күнү БШК "добуш сатып алуу аракетин көрдү" деген негиз менен "Ынтымак" партиясын жарыштан четтеткен.

Баштапкы жыйынтыкка ылайык, "Ата-Журт Кыргызстан" — 32,61, "Биздин Кыргызстан" — 31,59, "Улуттар биримдиги" — 14,82, "Бир Бол"  7,38 пайыз добуш алган.

97
Белгилер:
шаардык кеңеш, Ош, шайлоо, жыйынтык, нааразычылык, арыз
Тема:
Бишкек, Ош жана Токмок шаарларында кайрадан өтө турчу шайлоо (59)
Тема боюнча
Бир депутат мандатын тапшырса кайра шайлоо өтөт. ЖК тууралуу сунушталган мыйзам
Бишкек шаардык кеңешке шайлоонун алдын ала жыйынтыгы — кол менен саноо
Жалпы 67 иш катталган. Шайлоо мыйзамдары кайсы шаарда көп бузулду

Кубанарымды же кайгырарымды билбей турам. Акжол менен Мээримдин видео маеги 

78
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

78
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин
UFC уюмунун экс-чемпиону Хабиб Нурмагомедов. Архив

Көлгө келген Хабиб: эртең Олимпиадада алтын алышыңарга тилектешмин

74
(жаңыланган 03:11 04.08.2021)
Ысык-Көлгө ММА боюнча турнирге конок катары келген Нурмагомедов бүгүнкү Олимпиада оюндарын көргөнүн айтып, кыргызстандыктарга ийгилик каалады.

БИШКЕК, 4-авг. — Sputnik. Эртең Олимпиада оюндарында алтын медаль алышыңарга тилектешмин. Бул тууралуу UFC уюмунун экс-чемпиону Хабиб Нурмагомедов Чолпон-Атада өтүп жаткан Eagle Fighting Championship (EFC) турниринде сөз сүйлөп жатып билдирди.  

"Бүгүнкү Олимпиада оюндарын көрдүк. Тилекке каршы, утулуп калды (Акжол Махмудов, — ред.). Бирок күмүш менен коло да жакшы. Эми алтын да болот. Эртең алтын алышыңыздарды каалайм, тилектешмин", - деди Нурмагомедов. 

Белгилей кетсек, ушул тапта аралаш мушташ боюнча Eagle Fighting Championship (EFC) турнири өтүүдө. Анда Хабиб лиганын түптөөчүсү жана конок катары чакырылган. Эске салсак, Олимпиада оюндарында балбандар Акжол Махмудов күмүш алса, Мээрим Жуманазарова коло тагынды. Ал эми Айсулуу Тыныбекова финалга чыкты, эртең алтын үчүн күрөшөт.

74
Белгилер:
Чолпон-Ата, Хабиб Нурмагомедов, Олимпиада-2020, медаль, EFC
Тема:
2021-жылы Токиодо өтө турган Олимпиада оюндары
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Олимпиада: эки балбандын жеңишинен кийин Кыргызстан 64-орунга чыкты
Алексей Федосеев Хабибдин турниринде атаандашын муунтуу ыкмасы менен жеңди. Сүрөт