Бишкектин парктарынын бириндеги убактылуу коронавируска каршы эмдөө жайы. Архивдик сүрөт

Кыргызстанда коронавируска каршы эмделгендердин саны 140 миңден ашты

47
(жаңыланган 12:11 14.07.2021)
140 922 адамдын ичинен 87 147си вакцинанын экинчи дозасын алышкан. Эмделгендердин басымдуу бөлүгү Бишкек шаары менен Чүй облусунда.

БИШКЕК, 14-июл. — Sputnik. Кыргызстанда жалпысынан 140 922 бейтап коронавируска каршы вакцина алды. Бул тууралуу Саламаттык сактоо жана социалдык өнүктүрүү министрлигинин маалымат кызматы билдирди.

Ага ылайык, 14-июлга карата 140 922 адамдын ичинен 87 147си вакцинанын экинчи дозасын алышкан. Эмделгендердин басымдуу бөлүгү Бишкек шаары менен Чүй облусунда. Ош шаары менен Ош облусунда да вакцина алгандар көп.

  • Бишкек шаары — 46 824;
  • Ош шаары — 11 098;
  • Чүй облусу — 23 157;
  • Ош облусу — 16 695;
  • Ысык-Көл облусу — 12 559;
  • Талас облусу — 4 852;
  • Нарын облусу — 4 877;
  • Жалал-Абад облусу — 15 742;
  • Баткен облусу — 5 118.

Белгилей кетсек, Кыргызстанга Кытайдан Sinopharm вакцинасынын 1 миллион 250 миң дозасы келип, өлкөдө жапырт эмдөө башталды.

47
Белгилер:
Кыргызстан, коронавирус, вакцина, эмдөө
Тема:
Коронавируска каршы эмдөө (211)
Тема боюнча
COVID: вакцинанын экинчи дозасын убагында албай калса эмне болот? Адистин жообу
Россияда өспүрүмдөрдү COVID-19га каршы эмдөө качан башталары айтылды
Ош шаарында коронавируска каршы 47 эмдөөчү жай ачылды. Даректер

Бусурманкулдун нокауту жана ага Хабибдин берген кеңеши. Видео

13
Хабиб Нурмагомедовдун Eagle Fighting Championship (EFC) лигасынын турниринде кыргызстандык Бусурманкул Абдибаит уулу россиялык атаандашы Руслан Яманбаевди техникалык нокаут менен утуп, чемпиондук курун тартып алды.

Абдибаит уулунун жеңишинен кийин Хабиб Нурмагомедов ага кеп-кеңешин берди.

“Жашоодо анын мындай ирмеми эч качан кайталанбаса керек. Анткени биринчи бел курду утуп жатканда аябай кубанасың. Ошого эмоционалдуу болуп турат, колдоп коелу. Дана Уайт (UFC президенти) бул беттешти көрөт. Мен турнир тууралуу айткам. Чемпиондук курду бир-эки жолу коргогондон кийин UFC уюмунда күч сынашууга мүмкүнчүлүк болот. Бел курду тагынгандан кийин көп спортчунун бутасына айланасын, ошон үчүн көп эмгектенүү керек. Бүгүн эс алып, эртең кайра машыгууну улантуу керек. Баарыңарды куттуктайм, чынын айтсам мен ага (Бусурманкулга) күйөрмандык кылдым, атаандашы таарынбасын”, — деди ал.

Бусурманкул 14 беттешти утуп, үч ирет жеңилген. Ал учурда 28 жашта.

13
Белгилер:
Хабиб Нурмагомедов, EFC, Бусурманкул Абдибаит уулу, жеңиш
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Көлгө келген Хабиб: эртең Олимпиадада алтын алышыңарга тилектешмин
Алексей Федосеев Хабибдин турниринде атаандашын муунтуу ыкмасы менен жеңди. Сүрөт

Кубанарымды же кайгырарымды билбей турам. Акжол менен Мээримдин видео маеги 

81
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

81
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин