Вакцина алып жаткан адам. Архив

COVID-19га каршы вакцинаны Бишкектеги эки парктан да алууга болот. Даректери

58
(жаңыланган 14:39 14.07.2021)
Вакцина ала турчу адамдардын жанына паспорту болушу керек. Анткени документтеги жана эмделгени жөнүндө маалыматтары Саламаттык сактоо министрлигинин базасына киргизилет.

БИШКЕК, 14-июл. — Sputnik. Кытайдын Sinopharm вакцинасын алам дегендер Бишкектеги Курманжан датканын эстелигинин жанында жайгашкан эмдөө жайынан жана Ден соолук паркынын аймагындагы медициналык пунктудан коронавируска каршы эмделе алышат. Бул тууралуу мэриянын маалымат кызматы кабарлады.

Курманжан датканын эстелиги Чүй — Эркиндик проспектилеринин кесилишиндеги "Ала-Тоо" кинотеатрынын жанында жайгашкан. Ал эми Ден соолук паркы Айтматов проспекти менен Масалиев көчөлөрүнүн кесилишинде орун алган.

"Эмдөө бардык санитардык-эпидемиологиялык талаптарды аткаруу менен жүрүп жатат. Пунктулар 17:00дөн 21:00гө чейин иштейт", — деп айтылат маалыматта.

Вакцина ала турчу адамдардын жанына паспорту болушу керек. Анткени документтеги жана эмделгени жөнүндө маалыматтары Саламаттык сактоо министрлигинин базасына киргизилет.

Суроолор жаралса (0312) 32-31-27, (0312) 32-30-11,0500) 30-33-43, (0312) 54-65 -21 и (0312) 54-61-04 телефондоруна чалып маалымат алса болору айтылды. Аталган номерлер жумуш убактысында гана иштейт.

58
Белгилер:
дарек, парк, эмдөө, Бишкек
Тема:
Коронавируска каршы эмдөө (191)
Тема боюнча
Ош шаарына Sinopharm вакцинасынын 50 миң дозасы жеткирилди. Сүрөт
Кыргызстандыктардын көбү "Спутник V" вакцинасын күткөнүн айтышты
Экс-премьер министр Өмүрбек Бабанов. Архив

Чет өлкөдөн дарыланат. Өмүрбек Бабановдун бөгөт чарасы өзгөртүлдү

8
(жаңыланган 18:17 27.07.2021)
Сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн.

БИШКЕК, 27-июл. — Sputnik. Биринчи май райондук сотунун чечими менен камактагы саясатчы Өмүрбек Бабановдун бөгөт чарасы өзгөртүлдү. Бул тууралуу УКМКдан билдиришти.

Маалыматка караганда, сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн. Анда саясатчынын ден соолугунун начарлашына байланыштуу чет өлкөдөгү ооруканаларга барып дарылануу муктаждыгы бар экени көрсөтүлгөн.

"Буга байланыштуу 27-июлда Биринчи май райондук соту Бабановдун бөгөт чарасын өзгөрттү. Ага чет өлкөдөн дарыланууга мүмкүнчүлүк берүү максатында эркиндикке бошотулду", - деп айтылат маалыматта.

Бабанов 31-майда кармалган. Ал Кумтөр кенин иштетүүдө коррупциялык иштерди жасаган деп айыпталып жатат. 2-июнь күнү Биринчи май райондук соту экс-премьерди эки айга камакка алуу чечимин чыгарган.

8
Белгилер:
кылмыш, коррупция, кен, Кумтөр, Өмүрбек Бабанов
Тема:
Өмүрбек Бабановдун камалышы
Тема боюнча
Сот Асылбек Жээнбековдун камактагы мөөнөтүн узартты. Видео 
Кыргызстандын президенти Садыр Жапаров. Архивное фото

ЖК депутаты: Садыр Жапаров бизди сый тамакка чакырды

69
(жаңыланган 17:44 27.07.2021)
Эл өкүлүнүн айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

БИШКЕК, 27-июл. — Sputnik. Президент Садыр Жапаров сессиялар жыйынтыкталып жатканына байланыштуу парламент депутаттарын сый тамакка чакырды. Бул тууралуу Sputnik агенттигинин кабарчысына эл өкүлү Умбеталы Кыдыралиев билдирди.

Анын айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

Анткен менен айрым парламентарийлер шайлоо боюнча мыйзам долбоору талкууланарын айтса, башкалары эмне үчүн чакырылганын таптакыр билбей турганын билдиришти.

Ал эми президенттин маалымат катчысы Эрбол Султанбаев Жапаровдун депутаттар менен бейрасмий жолугушуусу пландалганын, учурдагы күн тартибиндеги актуалдуу маселелер боюнча пикир алмашуу болорун айтты.

Буга чейин аталган жолугушууга чакыруу алганын депутат Айсулуу Мамашова айтып, иш-чара "Ала-Арча" мамлекеттик резиденциясында өтөрүн кошумчалаган.

Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.

69
Белгилер:
тамак, депутат, Садыр Жапаров
Тема боюнча
Депутаттар Садыр Жапаров менен жолугуу үчүн бүгүн да резиденцияга барышат
Депутат Тотонов: Бишкек шаар эмес эле ат сарай, иткана болуп калды