Ысык-Көл эл аралык аэропорту бүгүн, 15-июлда, Аэрофлот авиакомпаниясынын Москва — Тамчы — Москва жаңы каттамын салтанаттуу тосуп алды

"Ысык-Көл" аэропорту Москвадан көптөн күткөн каттамды тосуп алды. Сүрөт

120
(жаңыланган 09:38 15.07.2021)
Москва — Тамчы каттамын ачуу үч жыл мурда пландалган. Эми ал жумасына үч ирет — дүйшөмбү, бейшемби жана ишемби күндөрү аткарылмакчы.

БИШКЕК, 15-июл. — Sputnik. "Ысык-Көл" эл аралык аэропорту бүгүн, 15-июлда, "Аэрофлот" авиакомпаниясынын Москва — Тамчы — Москва жаңы каттамын салтанаттуу тосуп алды. Бул тууралуу "Манас" эл аралык аэропорту" ААКтын маалымат кызматы кабарлады.

  • В международном аэропорту Иссык-Куль сегодня, 15 июля, торжественно встретили новый рейс Москва — Тамчи — Москва авиакомпании Аэрофлот
    "Ысык-Көл" эл аралык аэропорту бүгүн, 15-июлда, "Аэрофлот" авиакомпаниясынын Москва — Тамчы — Москва жаңы каттамын салтанаттуу тосуп алды
    © Фото / пресс-служба ОАО "Международный аэропорт "Манас"
  • В международном аэропорту Иссык-Куль сегодня, 15 июля, торжественно встретили новый рейс Москва — Тамчи — Москва авиакомпании Аэрофлот
    Москвадан Лихачев атындагы Airbus A320 учагы менен 79 жүргүнчү учуп келген
    © Фото / пресс-служба ОАО "Международный аэропорт "Манас"
  • В международном аэропорту Иссык-Куль сегодня, 15 июля, торжественно встретили новый рейс Москва — Тамчи — Москва авиакомпании Аэрофлот
    Адаттагыдай учакты "триумф аркасы" — суу аркасы менен тосуп алышканы айтылат
    © Фото / пресс-служба ОАО "Международный аэропорт "Манас"
  • В международном аэропорту Иссык-Куль сегодня, 15 июля, торжественно встретили новый рейс Москва — Тамчи — Москва авиакомпании Аэрофлот
    "Аэрофлот — россиялык аба жолдору" компаниясынын өкүлү Валерий Серых каттамды ачуу көптөн бери пландалып келе жатканын билдирген.
    © Фото / пресс-служба ОАО "Международный аэропорт "Манас"
1 / 4
© Фото / пресс-служба ОАО "Международный аэропорт "Манас"
"Ысык-Көл" эл аралык аэропорту бүгүн, 15-июлда, "Аэрофлот" авиакомпаниясынын Москва — Тамчы — Москва жаңы каттамын салтанаттуу тосуп алды

Москвадан Лихачев атындагы Airbus A320 учагы менен 79 жүргүнчү учуп келген. Адаттагыдай учакты "триумф аркасы" — суу аркасы менен тосуп алышканы айтылат.

"Аэрофлот — россиялык аба жолдору" компаниясынын өкүлү Валерий Серых каттамды ачуу көптөн бери пландалып келе жатканын билдирген.

"Биз бул Москва — Тамчы — Москва маршруттук каттамын үч жыл мурда ачууну пландаганбыз. Бүгүн ал ишке ашканына кубанычтабыз. Каттам жумасына үч ирет — дүйшөмбү, бейшемби жана ишемби күндөрү аткарылмакчы", — деген Серых.

"Ысык-Көл" аэропортунун башчысы Алмаз Абдрахманов бул каттамдын компания жана Ысык-Көл облусунун жергиликтүү тургундары менен коноктору үчүн маанилүүлүгүн белгилеген.

Ал рейсти ачуу эки тараптын аракети жана макулдашуусу менен ушул жылдын июль айына белгиленгенин кошумчалаган.

120
Белгилер:
ачылыш, жүргүнчү, каттам, аэропорт, Москва, Ысык-Көл
Тема боюнча
Бишкектен Балыкчыга поезд күн сайын каттамай болду. Убактысы
Кабинет в городской клинической больнице имени Е. О. Мухина.

Вирусолог коронавирустун "дельта" штаммынын өзгөчөлүгүн айтып берди

3
(жаңыланган 10:18 26.07.2021)
Адис белгилегендей, "дельта" штаммын жуктургандар илдетти өтө оор көтөрөт деген так аныктама жок. Бирок дарыгерлерге коронавирустун жаңы түрүн жуктургандарды дарылоо кыйынга турууда.

БИШКЕК, 26-июл. — Sputnik. "Дельта" штаммы чакырган коронавирус эмнеси менен айырмаланып, дарылоого кандай таасир этерин Sputnik радиосуна Фундаменталдык жана трансляциялык медицина боюнча Федералдык изилдөө борборунун өтө кооптуу инфекциялар лабораториясынын башчысы Александр Чепурнов айтып берди.

Алгач Индияда аныкталган коронавирустун "дельта" штаммы дүйнө жүзүнө, анын ичинде Россияга тарады.

Адистин айтымында, анын негизги өзгөчөлүгү — оорунун козгогучунун мурдагы түрлөрүнө караганда инкубациялык мезгилинин кыскалыгында. Мындан тышкары, ал бейтаптарда ашказан, ичеги-карындын иштешинин бузулушу сыяктуу белгилерди пайда кылат.

Чепурнов белгилегендей, "дельта" штаммын жуктургандар илдетти өтө оор көтөрөт деген так аныктама жок. Бирок дарыгерлерге коронавирустун жаңы түрүн жуктургандарды дарылоо кыйынга турууда.

"Дельта" штаммын дарылоо кыйыныраак, анткени "Ухань" варианты көп изилденип, ал үчүн далай нерсе иштелип чыккан. Бул жерде гастроэнтерологиялык компонент жана оорунун өнүгүү темпи өзгөчөлөнүп жатат", — деген вирусолог.

Адис ак халатчандар азыр дарылоо протоколуна өзгөртүү киргизүүгө аргасыз болуп жатканын кошумчалаган. Ошондой эле ПЦР-тесттер да штаммдарды көрсөтпөй турганын, бул үчүн өзүнчө изилдөө жүргүзүлүп жатканын айткан.

3
Белгилер:
ичеги, симптом, штамм, вирусолог, коронавирус
Тема:
Дүйнөгө жайылган коронавирус
Тема боюнча
COVID-19дун курч фазасынан өткөн адам кандай кыйынчылыкка туш болот
COVID менен ооруганын жашырып хиджаб кийип учкан индонезиялык киши камалды
Адам муштумдарын түйүп жатат. Иллюстративдик сүрөт

КРдин Москвадагы элчилигинде мушташ чыктыбы? Расмий түшүндүрмө

20
(жаңыланган 10:09 26.07.2021)
Элчиликтен билдиришкендей, кыргызстандык аялды коштоп келген эркек киши кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес.

БИШКЕК, 26-июл. — Sputnik. Кыргызстандын Россиядагы элчилигинин маалымат кызматы дипломатиялык өкүлчүлүктүн имаратындагы мушташ тууралуу комментарий берди.

Бул тууралуу маалыматты 25-июль күнү Россиянын айрым ЖМКлары жазган. Элчиликтен билдиришкендей, 24-июль күнү кыргызстандык аялга консулдук жардам көрсөтүлүп жатканда, аны менен чогуу келген эркек киши кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес. Ошондон улам тараптар мушташа кетип, ал эркек консулдук бөлүмдөн күч колдонулуп сыртка чыгарылган.

Мындан соң ал КРдин ИИМинин Россиядагы өкүлчүлүгү жана полицияга өткөрүп берилген.

"Сөз болуп жаткан киши Россиянын жараны экени белгилүү болду. Ошол эле учурда маалыматтар базасы аркылуу анда Кыргызстандын паспорту дагы бар экени аныкталды. Анын өзүн кандай алып жүргөндүгүн кабылдамада кезек күтүп турган жарандар дагы көрүштү. Кабыл алып, кызмат көрсөтүп жаткан кызматкер ага карата тиешелүү чара кабыл алуусун өтүнүп укук коргоо органдарына арыз жазды", — деп айтылат билдирүүдө.

Ошондой эле элчилик учурда кызматтык иликтөө жүргүзүлүп жатканын кошумчалады. Эгер кызматкер тарабынан катачылык кеткени далилденсе, тиешелүү чара көрүлөт.

20
Белгилер:
мушташ, элчилик, Россия, Кыргызстан
Тема боюнча
РФтеги элчилик кыргыздардын массалык депортациясы тууралуу маалыматты төгүндөдү