Сот балкасы. Архив

Сот Москвадагы мушташка катышкан дагы 42 адамды жазага тартты

154
Мигранттарды Россиянын аймагынан сыртка чыгаруу маселеси боюнча сот азырынча чечим чыгара элек.

БИШКЕК, 15-июл. — Sputnik. Москванын Кузьминский соту метронун станциясында массалык мушташка катышкан дагы 42 адамды 15 күнгө камакка алды. Бул тууралуу соттун маалымат кызматына таянып РИА Новости жазды.

Окуя 12-июлда кечинде катталып, массалык кармоолор болгон. Россиянын Ички иштер министрлигинин маалыматы боюнча, 102 мигрантты депортациялоо пландалууда.

Кечээ мыйзам бузган алты мигрант 15 күндүк камакка алынган. Алардын баарына жүргүнчүлөргө жана транспорт каражаттарынын кыймылына тоскоолдук жараткан санкцияланбаган митинг жана жүрүштөрдү уюштурган деген айып тагылды.

"200дөй адам катышкан иш-чара улуттар аралык тирешүүнүн негизинде болгон", — деп айтылат соттун маалыматында.

Массалык мушташта мигранттар жолго чуркап чыгышкан. Муну менен алар автоунаалардын жана коомдук транспорттун, жүргүнчүлөрдүн кыймылына тоскоолдук жараткан.

Мигранттарды Россиянын аймагынан сыртка чыгаруу маселеси боюнча сот азырынча чечим чыгара элек.

154
Белгилер:
сот, мушташ, мигранттар, Россия
Тема боюнча
Москвада мушташкан мигранттардын алтоо камакка алынды
Москвада мушташкан мигранттарды депортациядан тышкары дагы кандай жаза күтөт
Сууга түшкөн балдар. Архивдик сүрөт

Күн кайрадан ысыйбы? Бир жумага аба ырайы

2
Синоптиктердин маалыматына караганда, аптанын басымдуу бөлүгүндө күн ачык болот. Экинчи жарымында айрым жерлерде өткүн өтүп, ылдамдыгы 15-20 метрге жеткен шамал жүрөт.

БИШКЕК, 25-июл. — Sputnik. Кыргызгидромет агенттиги алдыдагы аптага карата аба ырайы тууралуу маалымат берди.

Бишкек шаары

Борбор калаада 30-июлда жамгыр жаап, күн күркүрөйт. Калган учурда күн ачык болот. Батыштан соккон шамалдын ылдамдыгы секундасына 4-9 метрден, 27-июлда күндүз 14 метрге жетиши күтүлүүдө.

Чүй облусу

Апта бою негизинен күн ачык болот. Болгону 30-июлда күндүз жана 31-июлда түнкүсүн көпчүлүк аймактарда өткүн өтүп, күн күркүрөшү ыктымал.

Талас облусу

Талас өрөөнүндө жуманын көпчүлүк күндөрүндө күндүн көзү бузулбайт. Анткен менен аптанын аягында шамал болору күтүлүүдө. Батыштан соккон шамалдын ылдамдыгы 29-30-июлда кээ бир райондордо 15-20 метрге жетет.

Ош, Баткен, Жалал-Абад облустары

Өлкөнүн түштүгүндөгү облустарда аба ырайы бирдей болору божомолдонууда. Аптанын басымдуу бөлүгүндө күн ачык болуп, 30-июлда кээ бир райондордо өткүн өтүп, күн күркүрөйт. 31-июлда түнкүсүн көпчүлүк райондордо, күндүз тоолуу аймактарда гана өткүн өтөт.

Ысык-Көл облусу

29-30-31-июль күндөрү кээ бир райондордо өткүн өтүп, күн күркүрөшү күтүлүп жатат.

Нарын облусу

25-26-июлда жаан-чачын болбойт. Түштүк-чыгыштан соккон шамалдын ылдамдыгы секундасына 5-10 метрге жетет. 28-30-31-июлда кээ бир райондордо өткүн өтөт.

2
Белгилер:
ысык, аба ырайы, жай, Кыргызстан
Тема боюнча
Мээ кайнаткан ысык болобу? Августка карата аба ырайы
Үйүндө беткап кийген аял. Архивдик сүрөт

COVID 20 пайыздан ашык кыргызстандыктардын психологиясына терс таасир этти

16
Коронавирус көбүнесе Ош шаары менен Талас облусунун тургундарын тынчсыздандырган. Ал эми Нарын, Ысык-Көл жана баткендиктер аны жеңилирээк кабыл алган.

БИШКЕК, 25-июл. — Sputnik. COVID-19 күч алып жаткан учурда өлкө элинин 20 пайыздан ашыгынын эмоционалдык абалы начарлаган. Бул тууралуу Улуттук статистика комитети маалымдады.

"Уйкунун бузулуусу, тынчсыздануу, маанайдын чөгүшү, жакын адамдар менен талашып-тартышып, пикир келишпестиктердин пайда болушу сыяктуу көйгөйлөр шаарда жашаган ар бир төртүнчү үй-бүлөдө, айылда жашаган ар бир алтынчы үй-бүлөдө кезиккен", — деп айтылат билдирүүдө.

Психологиялык жактан кыйналуу көбүнесе Ош шаары (38 пайыз) менен Талас облусунун (29,4 пайыз) тургундарында кездешкен.

"Ошол эле учурда Нарын (1,9 пайыз), Ысык-Көл (4,4 пайыз) жана Баткен (5,9 пайыз) облустарынын жашоочулары вирус тарап жаткан учурда көп тынчсызданган эмес", — деп айтылган Статком тараткан маалыматта.

Бул боюнча сурамжылоону Улуттук статистика комитети 2020-жылдын ноябрь, декабрь айларында жүргүзгөн.

16
Белгилер:
коронавирус, психология, сурамжылоо, калк, Кыргызстан
Тема боюнча
COVID-19дун курч фазасынан өткөн адам кандай кыйынчылыкка туш болот
Кант диабети барлар COVID-19га каршы кандай учурда эмделиши керек