Баласын кучактаган энеси. Архивдик сүрөт

Адис баласы үчүн аша чаап тынчсыздана берген ата-энелерге кеңеш берди

195
Психологдун пикиринде, учурда баш-оту менен баласынын жашоосуна кирип алып, анын коопсуздугуна чектен чыгып тынчсыздана берген ата-энелер көп.

БИШКЕК, 16-июл. — Sputnik. Баланы бир күндө 24 саат көзөмөлдөп, анын ар бир мүнөтүн пайдалуу нерсеге жумшоого аракет кылуунун зарылдыгы жок. Бул тууралуу РИА Новости агенттигине психолог Александр Колмановский айтып берди.

Адистин пикиринде, учурда баш-оту менен баласынын жашоосуна кирип алып, анын коопсуздугуна аша чаап тынчсыздана берген ата-энелер көп.

"Айрымдар баласы бош отуруп калса эле өзүн бир нерседен калып калчудай сезип, дароо аны өзү пайдалуу деп эсептеген нерсе менен алектендирүүгө аракет кыла баштайт. Баланын бир күндө бир нече саат бош, жөн гана ойноп, өзү каалагандай убакыт өткөргөнү нормалдуу нерсе. Мындан бала жалкоо болуп кетпейт", — деди Колмановский.

Психолог баласы үчүн чектен чыгып тынчсызданган ата-энелерди өзүн колго алып, убактылуу башка нерсеге алаксууга чакырат.

195
Белгилер:
ата-эне, бала, психология, кеңеш, адис
Тема боюнча
Баланы сабаса тартипке келет дегендер жаңылышат. Окумуштуулардын иликтөөсү

Аябай бактылуу болуп турам! Акаевдин сурактан чыккандан кийинки маеги видеодо

14
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

14
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!
Бишкек шаарынын мэринин милдетин аткаруучу Таалайбек Сарыбашов

Сарыбашов ишке киришери менен Бишкек мэриясында иштеген уулун жумуштан алды

81
(жаңыланган 21:55 02.08.2021)
Нурсултан Насирбеков мэриянын борбордук аппаратынын уюштуруу-инспектордук бөлүмүнүн адиси болуп иштеп жаткан.

БИШКЕК, 2-авг. — Sputnik. Бишкек шаарынын мэринин милдетин аткаруучу Таалайбек Сарыбашов менен муниципалитетте иштеген уулун кызматтан алды. Бул туурасында калаа башчынын маалымат катчысы Азамат Абсаттаров билдирди.

Анын уулу Нурсултан Насирбеков мэриянын борбордук аппаратынын уюштуруу-инспектордук бөлүмүнүн адиси болуп иштеп жаткан. Маалымат катчы Нурсултан Насирбековдун буга чейин конкурстан өтүп кызматка алынганын белгиледи.

Ош шаарынын мэри Таалайбек Сарыбашов кызматын которуп, бүгүн Бишкектин мэринин милдетин аткаруучу болуп дайындалган.

81
Белгилер:
Таалайбек Сарыбашов, кызмат, мэрия, уул, бошотуу
Тема боюнча
Өкмөт Алмаз Мамбетовду Ош шаарынын мэринин милдетин аткарууга жөнөттү
Алмазбек Бейшеналиев Кыргызстандын Швейцариядагы элчиси болду