Ашкабактын уругунан жасалган нан. Архивдик сүрөт

Эркектик каалоону кайсы азык көбөйтө турганын адис айтып берди

1278
Бир катар азыктар аялдарга да, эркектерге да өтө пайдалуу. Бирок алар ар кыл организмге ар башка таасир этет.

БИШКЕК, 16-июл. — Sputnik. Ашкабактын уругу эркектик каалоону арттырууда кадимкидей таасирин тийгизет. Бул тууралуу диетолог жана гастроэнтеролог Алина Будаковская "Москва 24" каналына айтып берген. 

"Ашкабактын уругу эркектер менен катар эле аялдарга да өтө пайдалуу. Себеби анда цинк көп. Ал тестостеронду бөлүп чыгарууда да өзүнүн ролун ойногондуктан, эркектердин төшөк мамилесинде зарыл болгон азык. Аялдардын тырмагы менен чачы жакшы өсүп, бекем болушу үчүн цинк маанилүү заттардын бири", — деген дарыгер.

Адис ашкабактын данегин даяр болгон салатка жана суюк тамакка кошсо болорун айтып, бирок аны бышырбаш керектигин эскертти.

Дарыгер андан сырткары күн караманын данегинин пайдалуу экендигин да билдирген.

"Күнкараманын уругунда биздин организмдин сакталышында эбегейсиз ролду ойногон Е витамини – өтө мыкты антиоксидант бар. Эрте карылыктын алдын алат, бул сырткы көрүнүшкө эле эмес, ички органдарыбызга да тиешелүү. 100 грамм семичкеде витаминдин күндүк нормасы эки эсе жогору экендигин жана мунун организмге эч кандай зыяны жоктугун айтып кетейин", — деп түшүндүргөн ал.

Будаковская ошондой эле кунжут жана зыгырдын данектеринин да пайдалуу жагына токтолгон. Анын айтымында, кунжутта жез менен кальций көп. Ал эми зыгырдын данеги ашказан ооруларында, гастритте пайдалуу.

1278
Белгилер:
адис, эркек, аял
Тема боюнча
Кыргызстанда 30дан өткөн эркектер арасында салмак кошкондор көп. Статистика
Окумуштуулар COVID-19дун эркектерди өлүмгө тартуучу жагдайларын аныкташты

Бусурманкулдун нокауту жана ага Хабибдин берген кеңеши. Видео

9
Хабиб Нурмагомедовдун Eagle Fighting Championship (EFC) лигасынын турниринде кыргызстандык Бусурманкул Абдибаит уулу россиялык атаандашы Руслан Яманбаевди техникалык нокаут менен утуп, чемпиондук курун тартып алды.

Абдибаит уулунун жеңишинен кийин Хабиб Нурмагомедов ага кеп-кеңешин берди.

“Жашоодо анын мындай ирмеми эч качан кайталанбаса керек. Анткени биринчи бел курду утуп жатканда аябай кубанасың. Ошого эмоционалдуу болуп турат, колдоп коелу. Дана Уайт (UFC президенти) бул беттешти көрөт. Мен турнир тууралуу айткам. Чемпиондук курду бир-эки жолу коргогондон кийин UFC уюмунда күч сынашууга мүмкүнчүлүк болот. Бел курду тагынгандан кийин көп спортчунун бутасына айланасын, ошон үчүн көп эмгектенүү керек. Бүгүн эс алып, эртең кайра машыгууну улантуу керек. Баарыңарды куттуктайм, чынын айтсам мен ага (Бусурманкулга) күйөрмандык кылдым, атаандашы таарынбасын”, — деди ал.

Бусурманкул 14 беттешти утуп, үч ирет жеңилген. Ал учурда 28 жашта.

9
Белгилер:
Хабиб Нурмагомедов, EFC, Бусурманкул Абдибаит уулу, жеңиш
Тема боюнча
Сүйүнчү! Бусурманкул Абдибаит уулу Хабибдин лигасынын чемпиону болду. Сүрөт  
Көлгө келген Хабиб: эртең Олимпиадада алтын алышыңарга тилектешмин
Алексей Федосеев Хабибдин турниринде атаандашын муунтуу ыкмасы менен жеңди. Сүрөт

Кубанарымды же кайгырарымды билбей турам. Акжол менен Мээримдин видео маеги 

80
(жаңыланган 00:32 04.08.2021)
Олимпиаданын күмүш медалынын ээси, грек-рим күрөшчүсү Акжол Мухмудов менен эркин күрөш боюнча балбан, коло медаль утуп алган Мээрим Жуманазарова жеңиштен кийинки сезимдери менен бөлүштү.

Кыргызстандын спорт делегациясынын пресс-аташеси Кабыл Макешов спортчуларга суроо узатып, жооп алды.  

“Алтын медаль алабыз деп чоң аракеттер болгон. Финалдан утулуп калгандан кийин сезимдеримди өзүм дагы түшүнбөй турам. Бүгүн мага ишенип, сыртта туруп көргөндөр болуптур. Бирок ишеничиңерди актай алган жокмун. Анткен менен Айсулуу эже менен Мээримдин жеңишине абдан кубандым. Азыр мени куттуктагандар көп болууда. Бирок бул менин эле эмес, машыктыруучуларымдын, бүткүл кыргыз элимдин жеңиши”, — деди Махмудов.  

Ал эми Мээрим Жуманазарова бүгүн тогуз жылдык эмгегинин үзүрүн көрүп жатканын айтты.  

“Албетте, алтын алуу тилегим бар эле. Бирок колого дагы шүгүрчүлүк. Жеңишимди ата-энеме, агайларыма жана жалпы кыргыз элиме арнайм”, — деди Жуманазарова.  

Эске салсак, Токио шаарында өтүп жаткан Олимпиада оюндарында грек-рим күрөшчүсү Акжол Махмудов күмүш медалга, эркин күрөш боюнча балбан Мээрим Жуманазарова коло медалга ээ болду.

80
Белгилер:
Мээрим Жуманазарова, Акжол Махмудов, видео, кайрылуу
Тема:
2021-жылы Токиодо өтө турган Олимпиада оюндары
Тема боюнча
Көзүнө жаш алган ата. Жуманазарованын үй-бүлөсүнүн мелдешке күбө болгон видеосу
Көлгө келген Хабиб: эртең Олимпиадада алтын алышыңарга тилектешмин