Министрлер кабинетинен төрагасынын биринчи орун басары Айбек Жунушалиев Аксы районундагы селдин кесепетинен каза болгондордун үй-бүлөсүнө барды

Мамлекет Аксыда сел алган адамдардын үй-бүлөсүнө 1,6 млн. сом жардам көрсөттү

182
(жаңыланган 09:38 16.07.2021)
Жабырлануучуларга президенттин атынан жана министрлер кабинетинин башчысынын резервдик фондунан атайын каражат бөлүнгөн.

БИШКЕК, 16-июл. — Sputnik. Министрлер кабинетинен төрагасынын биринчи орун басары Айбек Жунушалиев Аксы районундагы селдин кесепетинен каза болгондордун үй-бүлөсүнө материалдык жардам тапшырды. Бул туурасында өкмөттүн маалымат кызматы билдирди.

Ал президенттин атынан 6 адам каза болгон үй-бүлөгө 1 миллион сом, балдары набыт болгон эки үй-бүлөгө 100 миң сомдон берди. Ал эми министрлер кабинетинин башчысынын резервдик фондунан 6 адам каза болгон үй-бүлөгө 300 миң сом, балдары набыт болгон эки үй-бүлөгө эки 50 миң сомдон тапшырылган. 

 Семьям погибших в результате схода селевых потоков в Аксыйском районе Джалал-Абадской области передали материальную помощь
© Фото / Пресс-служба правительства / Алишер Алиев
Министрлер кабинетинен төрагасынын биринчи орун басары Айбек Жунушалиев Аксы районундагы селдин кесепетинен каза болгондордун үй-бүлөсүнө барды
"Аксы районунда жүргөн селге байланыштуу өзгөчө кырдаалдын кесепеттерин жоюу иштери президенттин жеке көзөмөлүндө. Каза болгондордун жана жабыркагандардын үй-бүлөлөрүнө тийиштүү жардам көрсөтүлөт", — деп билдирген Жунушалиев жергиликтүү тургундар менен жолугушууда.

Эске салсак, 12-июлда Аксы районунун Жаңы-Жол менен Ак-Жол айыл аймактарын бириктирип турган Танды-Булак жайлоосунда катуу жаандан улам сел жүргөн. Сел Ак-Жол айыл аймагына караштуу Жолборсту айылында бир турак үйдү жана анын ичиндеги жети адамды агызып кеткен. Мындан тышкары, Жаңы-Жол айыл аймагына караштуу Таштак айылында суунун жээгинде ойноп жаткан беш жаштагы баланы да агызган. Ал эми 3 жашар бөбөктүн сөөгү эки күндөн кийин табылды, 5 жаштагы бала изделүүдө.

182
Белгилер:
Айбек Жунушалиев, сел, жардам
Тема:
Адам өмүрүн алган Аксыдагы сел (12)
Тема боюнча
Депутаттар ишин Аксыда сел алган жарандарды эскерүү менен баштады. Видео
Селден көз жумган төрт бала Аксыга жайкы эс алууга барган
Көчөдө бараткан кыз. Архив

Милиция Бишкекте эки апта мурда жоголгон өспүрүм кызды тапты

17
(жаңыланган 23:56 30.07.2021)
16 жаштагы кыздын жоголуп кеткендиги боюнча милицияга анын апасы билдирген. Ал 17-июлда түнү жумуштан чыккан бойдон үйүнө келген эмес.

БИШКЕК, 30-июл. — Sputnik. Бишкекте эки апта мурда жоголгон Каролина Бааль аттуу өспүрүм кыз табылды. Бул тууралуу баш калаанын Ленин райондук милициясынын маалымат кызматы кабарлады.

Эске салсак, 27-июлда К.Н. аттуу бишкектик айым 16 жашар кызынын жоголгонун билдирип, аны табууга жардам сурап кайрылган.

Анын айтымында, кызы 17-июлда Сыдыгалиев көчөсүндөгү даректен жумушунан түнкү саат 00:00дө чыккан бойдон үйгө кайтып келген эмес.

Бул факты Ленин райондук милициясындагы Кылмыш жана жоруктардын бирдиктүү реестрине катталып, издөө иши башталган.

"Бүгүн, 30-июлда, 19:00дөр чамасында Ленин райондук милициясынын жашы жете электер менен иш алып баруу инспекциясынын жана криминалдык милиция кызматынын ыкчам кызматкерлери Д. Сяопин жана Фучик көчөлөрүнүн кесилишинде ал кызды тапкан", — деп айтылат билдирүүдө.

Тартип сакчылары жашы жете элек балдардын коопсуздугу үчүн алардын ата-энелерине түшүндүрүү иштерин жүргүзүштү.

17
Белгилер:
Бишкек, өспүрүм, кыз, издөө, милиция
Тема боюнча
Баткен: милиция издеп жаткан өспүрүм бир туугандар табылды

Кыргызстан AstraZeneca вакцинасынын 226 миң дозасын алды. Аэропорттогу видео

22
(жаңыланган 22:35 30.07.2021)
Кыргызстанга AstraZeneca компаниясынын коронавируска каршы вакцинасынын 226 миң дозасы жеткирилди. Бул COVAX глобалдык механизминин алкагында алып келинген биринчи партия.

Кыргызстандыктар үчүн мындан башка россиялык "Спутник V", кытайлык "Vero Cell" (Sinopharm) жана казакстандык "QazVac" жеткиликтүү.

Республикалык штабдын маалыматына караганда, AstraZeneca вакцинасы III фаза сыноосунун негизинде SARS-CoV-2 симптоматикалык инфекциясына каршы 70 пайызга эффективдүү жана Бүткүл дүйнөлүк саламаттык сактоо уюму тарабынан тастыкталган. Эмдөөдөн 18 жаштан жогорку курактагы адамдар өтө алышат. 1 жана 2-дозалардын ортосундагы аралык 4-12 жуманы түзөт.

COVAX - бул Вакциналар жана иммунизация боюнча дүйнөлүк альянс жана Эпидемияларга карата даярдыкты камсыздоо жаатындагы инновация боюнча коалициясы менен биргеликте ДССУ тарабынан чыгарылган эл аралык механизм.

Программа өндүрүштүк кубаттуулуктарды түзүүнү колдойт жана сатып алууларды жүргүзөт. Анын шарттары боюнча, кирешеси жогору өлкөлөр башка мамлекеттерге жардам берүү максатында вакциналардын акчасын төлөшөт.

22
Белгилер:
Кыргызстан, AstraZeneca, вакцина, аэропорт
Тема:
Коронавируска каршы эмдөө
Тема боюнча
Кыргызстанга AstraZeneca вакцинасы алып келинди. Видео
Мэрия: 10 киши чогулса мобилдик топ барып вакцина сайып берет
Жол кырсыгынан талкаланган унаа. Архив

Унаанын таш-талканы чыккан. Боомдогу үрөй учурган жол кырсыктын видеосу

0
(жаңыланган 00:40 31.07.2021)
Жол кырсыгы кечке жуук катталган. Окуяда жапа чеккендер тууралуу маалыматтар айтыла элек. Милициянын Кайгуул кызматы толук маалыматты кийинчерээк берүүнү убадалады.

БИШКЕК, 31-июл. — Sputnik. Боом капчыгайында үрөй учурган жол кырсыгы катталды. Жеринен тартылган видеону “Короче” телеграмм-каналы чыгарды. 

Окуя кечке жуук болгон. Кызыл-кочкул түстөгү Daewoo Nexia үлгүсүндөгү унаа каршы тилкени бөлүп турган бетон тосмого урунган. Жапа чеккендер тууралуу маалыматтар айтыла элек.

Видеодо көрүнүп тургандай, жеңил унаанын таш-талканы чыгып, жараксыз болуп калган.

Кырсык Боом капчыгайынын Ысык-Көл облусунун аймагында болгонун ИИМдин Жол кыймылы коопсуздугун камсыздоо башкы башкармалыгы тастыктап, толугураак маалымат кийинчерээк берилерин билдирди.

0
Белгилер:
жол кырсык, Боом капчыгайы, милиция
Тема:
2021-жылдын башынан бери Кыргызстанда болгон жол кырсыктар
Тема боюнча
Ысык-Көлдө минивен аласалып кетти. Жеринен тартылган видео