Дарыгер коронавирус менен ооругандан кийин акыл-эс начарлап кетерин эскертти

© Sputnik / Илья Питалев / Медиабанкка өтүүОоруканадагы дарыгерлер. Архив
Ооруканадагы дарыгерлер. Архив - Sputnik Кыргызстан, 1920, 16.07.2021
Жазылуу
Коронавируска чалдыккандар дүрбөлөңгө түшүп депрессия, невроз болуп жана коркуп калары белгиленет.
БИШКЕК, 16-июл. — Sputnik. Коронавирустук инфекция адамдардын интеллектин — акыл-эсин төмөндөтүшү мүмкүн. Бул тууралуу Новосибирск шаарындагы №3 психиатриялык оорукананын башкы дарыгери Яна Мохначева ngs.ru порталына билдирген.
Дарыгердин айтымында, COVID-19 менен ооруп айыккан адамдарда когнитивдик функциялардын төмөндөшү — эс тутум жана интеллектуалдык функциялардын начарлаганы байкалган. Аны калыбына келтирүү 4-8 айды талап кылат.
"Инфекция адам ооруп жатканда жана айыгуу маалында психикалык жактан таасир этет. Ооруну башынан өткөргөн улгайган кишилердин көбү эс тутумунан ажырап, алсыз болуп калууда", — деп айткан Мохначева.
Когнитивдик оорулар менен жаштар дагы жабыркайт. Коронавируска чалдыккан адамдар дүрбөлөңгө түшүп, депрессия, невроз болуп жана коркуп калары белгиленет. Ал эми бир пайыздан төмөнүрөөгү психозго кабылары айтылды.
Жаңылыктар түрмөгү
0