Монорельсте жүргөн поезд. Архивдик сүрөт

Бишкекке монорельс куруу пландалууда: артыкчылык жана кемчиликтери

445
(жаңыланган 17:33 16.07.2021)
Бишкекте монорельстик транспорттук система курууга түркиялык Sky Ray Ve Оto Yedek Parça Ekipmanlari Üretim Sanayi A.Ş компаниясы кызыкдар болууда.

Инвестициялар министрлигинен билдиришкендей, жакынкы күндөрү ведомство менен аталган компаниянын ортосунда Бишкекте монорельстик транспорттук система куруу боюнча меморандумга кол коюлду.

Буга чейин борбор калаа мэриясы "Бишкек монорельстик транспорт системасы" долбоорун иштеп чыккан. Муниципалитет жерден 5-7 метр бийикте курулган бир рельстүү жол аркылуу вагондорду каттатууну пландап жатат. Долбоордун негизги максаты — жол кыймылы коопсуздугун күчөтүү жана коомдук транспорттун ишинин сапатын жакшыртуу. Рельстердин узундугу 37 чакырымды түзүп, анда 31 станция болмокчу. Эки линияда 150-180 кишини батырган вагондор каттайт.

Эске салсак, бул маселе 2006-жылы көтөрүлгөн. Сегиз жыл өткөндөн кийин мэрия маселени иштеп чыгууга киришкени белгилүү болгон. 2016-жылы "Бишкек башкы архитектура" ишканасы шаардын 2025-жылга чейинки генералдык планын көрсөтүп, анда монорельстик жол дагы камтылган.

Sputnik редакциясы монорельстик системанын кандай артыкчылыктары жана кемчиликтери бар экенин билип көрдү.

Монорельс — эстакада аркылуу рельс менен жүрүп, эл ташыган транспорттун бир түрү. Адатта ири аэропорттордун ичинде же шаар менен аэропорттун ортосунда, айрым учурда чоң-чоң эс алуу парктарында колдонулат.

Алгачкы монорельстердин бири Германиянын Вупперталь шаарында 1901-жылы курулган. Ал ушул күнгө чейин иштеп, жылына 20 миллион жүргүнчү ташыйт. Ылдамдыгы саатына 60 чакырымга жетип, жолдун көпчүлүк бөлүгү суунун үстүнөн өтөт. 

Вуппертальская подвесная железная дорога Schwebebahn, надземный монорельсовый поезд, проезжает через город во время фазы испытаний 29 июля 2019 года в Вуппертале, западная Германия.
© AFP 2021 / INA FASSBENDER
Алгачкы монорельстердин бири Германиянын Вупперталь шаарында 1901-жылы курулган

Россияда жападан жалгыз Москва монорельси бар. 2000-жылдардын башында анын курулушуна 6,3 миллиард рубль кеткен. Узундугу — 4,7 чакырым. 2017-жылдан кийин чыгымы көп деп таап, жаап салышкан. Жылына аны тейлөө үчүн 800 миллион рубль кетчү. 

Поезд Московской монорельсовой транспортной системы (ММТС) в районе ВДНХ.
© Sputnik / Евгений Одиноков
Россияда жападан жалгыз Москва монорельси бар

Артыкчылыктары:

  • шаардын жолдорунда орун ээлебейт жана тыгындарды азайтат;
  • метрого караганда курулушуна азыраак акча кетет;
  • башка транспорттор менен дээрлик кагышпайт;
  • эки рельстүү транспортко караганда чукул бурулуштардан жакшы өтөт;

Кемчилиги:

  • поезддер бийиктиктен кулап кетиши мүмкүн;
  • авария болгон учурда вагондор токтотулса, айрымдарынан жүргүнчүлөр чыга алышпайт;
  • тейлөө акысы кымбатыраак;
  • монорельстик жолдор ири көлөмдө жүргүнчүлөрдү тейлей албайт;
  • илинме монорельс кээде термелиши мүмкүн.
445
Белгилер:
монорельс, транспорт, компания, Түркия, Бишкек
Тема боюнча
Түрк компаниясы Бишкекке монорельс курууну пландап, жерлерди көрүп чыкты
Адам муштумдарын түйүп жатат. Иллюстративдик сүрөт

КРдин Москвадагы элчилигинде мушташ чыктыбы? Расмий түшүндүрмө

0
(жаңыланган 10:05 26.07.2021)
Элчиликтен билдиришкендей, кыргызстандык аялды коштоп келген эркек киши "кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес".

БИШКЕК, 26-июл. — Sputnik. Кыргызстандын Россиядагы элчилигинин маалымат кызматы диломатиялык өкүлчүлүктүн имаратындагы мушташ тууралуу комментарий берди.

Бул тууралуу маалыматты 25-июль күнү Россиянын айрым ЖМКлары жазган. Элчиликтен билиришкендей, 24-июль күнү кыргызстандык аялга консулдук жардам көрсөтүлүп жатканда, аны менен чогуу келген эркек киши "кызматкерлерге карата орой сөздөрдү айтып, абийирине шек келтирип, алардын сыртка чыгып туруңуз деген өтүнүчүн аткарган эмес. Ошондон улам тараптар мушташа кетип, ал эркек консулдук бөлүмдөн күч колдонулуп сыртка чыгарылган".

Мындан соң ал КРдин ИИМинин Россиядагы өкүлчүлү жана полицияга өткөрүп берилген.

"Сөз болуп жаткан киши Россиянын жараны экени белгилүү болду. Ошол эле учурда маалыматтар базасы аркылуу анда Кыргызстандын паспорту дагы бар экени аныкталды. Анын өзүн кандай алып жүргөндүгүн кабылдамада кезек күтүп турган жарандар дагы көрүштү. Кабыл алып, кызмат көрсөтүп жаткан кызматкер ага караша тиешелүү чара кабыл алуусун өтүнүп укук коргоо органдарына арыз жазды", — деп айтылат билдирүүдө.

Ошондой эле элчилик учурда кызматтык иликтөө жүргүзүлүп жатканын кошумчалады. Эгер кызматкер тарабынан катачылык кеткени далилденсе, тиешелүү чара көрүлөт.

0
Белгилер:
мушташ, элчилик, Россия, Кыргызстан
Медициналык кызматкер ооруканада бейтап менен. Архиа

Коронавирус дагы 12 кишинин өмүрүн алды. 26-июлдун статистикасы

13
(жаңыланган 09:45 26.07.2021)
Соңку статистикалык маалыматтарды кошкондо пандемия башталгандан бери вирустун курмандыгы болгондордун саны 2 261ге жетти.

БИШКЕК, 26-июл. — Sputnik. Бир сутка ичинде коронавирустан 12 киши каза болду. Бул тууралуу Республикалык штабдан билдиришти.

Өлүм катталган аймактар:

  • Бишкек шаары – 8;
  • Чүй облусу – 4.

Соңку статистикалык маалыматтарды кошкондо пандемия башталгандан бери вирустун курмандыгы болгондордун саны 2 261ге жетти.

13
Белгилер:
өлүм, статистика, коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Эмдөөдөн өттү деген сертификатты кайсы жерден жана кантип алууга болот 
Коронавирус адамды бат карытат. Процессти кантип жайлатуу керек