AstraZeneca вакцинасы. Архив

Азербайжандан Бишкекке жардам катары 40 миң доза AstraZeneca келди

104
(жаңыланган 23:45 16.07.2021)
Гуманитардык жардам Азербайжан президенти Ильхам Алиевдин ташырмасынын негизинде жөнөтүлгөнү белгиленди.

БИШКЕК, 16-июл. — Sputnik. Бүгүн Азербайжан гуманитардык жардам катары жөнөткөн 40 миң доза AstraZeneca вакцинасы Бишкекке келип түштү. Бул туурасында Азербайжандын Кыргызстандагы элчилиги билдирди.

Препараттарды "Манас" эл аралык аэропортунан Азербайжандын элчилигинин өкүлдөрү, тышкы иштер министринин орун басары Азизбек Мадмаров, саламаттык сактоо жана социалдык өнүктүрүү министринин орун басары Жапаркул Ташиев жана Республикалык иммунопрофлактика борборунун директору Гүлбара Ишенапысова тосуп алган.

Гуманитардык жардам коронавирустун жайылышына каршы күрөшүү максатында Азербайжан президенти Ильхам Алиевдин ташырмасы менен жөнөтүлгөнү белгиленди.

Ошондой эле элчилик өткөн жылдын апрель айында Алиевдин демилгеси менен Кыргызстанга суммасы 500 миң долларга бааланган медициналык буюм жана жеке коргонуучу каражаттар гумжардам катары берилгенин кошумчалады.

104
Белгилер:
коронавирус, Азербайжан, гуманитардык жардам, вакцина, AstraZeneca
Тема:
Коронавируска каршы эмдөө (208)
Тема боюнча
Бишкекке 1 млн. 250 миң доза Sinopharm вакцинасы алып келинди
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

29
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

29
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

70
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

70
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!