Ош мэриясынын кызматкерлеринин эмделүүсү. Архивдик сүрөт

Акыйкатчы мамлекеттик кызматкерлерди мажбурлап вакцина алдырбоого чакырды

2636
(жаңыланган 11:05 18.07.2021)
Көбү "вакцина албасаңар жумуштан бошотобуз, айлыгыңарды кыскартабыз" деген кысымдар болуп жатканын айтышкан.

БИШКЕК, 18-июл. — Sputnik. Акыйкатчы институту бардык мамлекеттик жана муниципалдык мекемелердин жетекчилерин мажбурлоо же коркутуу жолу менен коронавируска каршы эмдөө жүргүзүүдөн алыс болууга чакырды.

Маалымат кызматы тараткан билдирүүдө Акыйкатчынын 115 түз байланыш кызматы аркылуу өлкөнүн бардык аймактарынан даттанып жатканы айтылды.

"Министрлер кабинети тарабынан уюштурулган коронавируска каршы вакцинация жүргүзүүнү айрым жетекчилер кызматкерлерин мажбурлоо менен аткартып жатканын айтып, арыздангандар көп болууда. Көпчүлүгү "бизди жетекчилик вакцина албасаңар жумуштан бошотобуз, айлыгыңарды кыскартабыз" деген кысымдар болуп жатканын, ал эми алар вакцина сайдыргысы келбегендигин билдиришүүдө", — деп жазылат маалыматта.

Акыйкатчы институту мажбурлоо фактылары аныкталган учурда жетекчилер жоопкерчиликке тартыларын эскерткен.

"Ошол эле учурда вакцина алуу — адамдардын ден соолугунун коопсуздугу үчүн дүйнө мамлекеттеринин бирдиктүү саясаты экенин эске алуубуз зарыл. Илдетке каршы эмделүү туура кадам экенине кошулабыз. Бирок мажбурлоо эмес, өз ыктыяры менен барышы үчүн активдүү үгүт иштерин жүргүзүүнү, такталган расмий маалыматтарды жайылтуу жана маалыматтын жеткиликтүүлүгүн камсыздоону Саламаттык сактоо жана социалдык өнүктүрүү министрлигине сунуштайбыз", — деп жазылган пресс-релизде.

Ошондой эле коркутуу же мажбурлоо менен эмдөөгө алып келип жатса укук коргоо органдары баа бериши керектиги белгиленет. Эгер алар тараптан чара көрүлбөсө, Акыйкатчы институтуна арыз менен кайрылууга укугу бар деп кошумчалашты.

Ал эми мындан бир нече күн мурда мамлекеттик органдардын башчыларына, облустардын жетекчилерине, Бишкек, Ош шаарларынын мэрлерине мамлекеттик, муниципалдык кызматкерлерге коронавируска каршы эмдөөнү милдеттүү түрдө жүргүзүүнү тез арада уюштуруу тапшырылган.

Андан сырткары, президент Садыр Жапаров өлкөдөгү эпидемиологиялык кырдаалды жакшыртуу максатында Республикалык ыкчам штабга калкты эмдөөнү тездетүү милдетин жүктөгөн

2636
Белгилер:
вакцина, Акыйкатчы институту, мажбурлоо, кызматкер, жетекчи
Тема:
Коронавируска каршы эмдөө (208)
Тема боюнча
Вакцина тукумсуздукка алып келеби? Расмий органдын жообу
Аллергиясы барлар кайсы учурда коронавируска каршы эмделе албайт? Медиктин жообу
Кыргызстанда мамлекеттик кызматкерлер эмдөөдөн милдеттүү түрдө өткөрүлмөкчү
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

31
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

31
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

73
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

73
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!