Түнү смартфон колдонуп жаткан кыз. Архивдик сүрөт

Смартфонго көп үңүлгөндөрдүн көзү кургап, иммунитети төмөндөйт

243
Экран алдында өтө көп отуруу көздү ирмегенге тоскоолдук жаратып, натыйжада керектүү өлчөмдө нымдашпай калат.

БИШКЕК, 18-июл. — Sputnik. Смартфон же компьютерди эс албай узак убакыт колдонуу адамдын иммунитетин төмөндөтүп, вирустук инфекцияларга жол ачкан көздүн кургактыгы синдромунун өрчүшүнө алып келет. Бул туурасында врач-офтальмолог, медицина илимдеринин доктору Игорь Азнаурян Sputnik радиосуна берген маегинде билдирген.

Анын айтымында, экран алдында өтө көп отуруу көздү ирмегенге тоскоолдук жаратып, натыйжада керектүү өлчөмдө нымдашпай калат. Эгер адам мындай абалда көпкө отурса, көз бездери керектүү өлчөмдө нымдуулукту бөлүп чыгара албай калат да, көздүн кургактыгы синдрому пайда болот.

"Көздүн чел кабыгы кургап баратканда бездер нымдуулукту иштеп чыгарат, ал эми ирмегенде нымдашат. Биз экранды караганда көз ирмебей кызыгуу менен окуйбуз, ойнойбуз, көрөбүз жана башка... Ошол учурда көзүбүз кургап, бирок биз ага реакция кылбайбыз. Анын натыйжасында көздүн кургактыгы синдрому өрчүй баштайт", — деп айткан офтальмолог.

Ал эми көздүн кургашы адамдын иммунитетин төмөндөтүп организмге вирустун киришине жол ачарын белгилеген. Андыктан компьютер же смартфонду көп тиктегенде ооруну алдын алуу үчүн көзгө атайын тамчылатуучу дарыларды колдонууну сунуштайт. Ал көздүн бездериндей нымдуулук чыгара албаса дагы жардам тийгизери айтылган.

243
Белгилер:
вирус, иммунитет, көз, кароо, компьютер, смартфон
Тема боюнча
Төбө чачы түшө баштаган жаштар көбөйдү. Трихолог Айсаракунованын маеги
Невролог: смартфон адамдарды пингвинге "айландырууда"
Экс-премьер министр Өмүрбек Бабанов. Архив

Чет өлкөдөн дарыланат. Өмүрбек Бабановдун бөгөт чарасы өзгөртүлдү

12
(жаңыланган 18:17 27.07.2021)
Сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн.

БИШКЕК, 27-июл. — Sputnik. Биринчи май райондук сотунун чечими менен камактагы саясатчы Өмүрбек Бабановдун бөгөт чарасы өзгөртүлдү. Бул тууралуу УКМКдан билдиришти.

Маалыматка караганда, сотто Бабановдун абактагы мөөнөтүн узартуу боюнча маселени кароо учурунда медициналык документтер келип түшкөн. Анда саясатчынын ден соолугунун начарлашына байланыштуу чет өлкөдөгү ооруканаларга барып дарылануу муктаждыгы бар экени көрсөтүлгөн.

"Буга байланыштуу 27-июлда Биринчи май райондук соту Бабановдун бөгөт чарасын өзгөрттү. Ага чет өлкөдөн дарыланууга мүмкүнчүлүк берүү максатында эркиндикке бошотулду", - деп айтылат маалыматта.

Бабанов 31-майда кармалган. Ал Кумтөр кенин иштетүүдө коррупциялык иштерди жасаган деп айыпталып жатат. 2-июнь күнү Биринчи май райондук соту экс-премьерди эки айга камакка алуу чечимин чыгарган.

12
Белгилер:
кылмыш, коррупция, кен, Кумтөр, Өмүрбек Бабанов
Тема:
Өмүрбек Бабановдун камалышы
Тема боюнча
Сот Асылбек Жээнбековдун камактагы мөөнөтүн узартты. Видео 
Кыргызстандын президенти Садыр Жапаров. Архивное фото

ЖК депутаты: Садыр Жапаров бизди сый тамакка чакырды

71
(жаңыланган 17:44 27.07.2021)
Эл өкүлүнүн айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

БИШКЕК, 27-июл. — Sputnik. Президент Садыр Жапаров сессиялар жыйынтыкталып жатканына байланыштуу парламент депутаттарын сый тамакка чакырды. Бул тууралуу Sputnik агенттигинин кабарчысына эл өкүлү Умбеталы Кыдыралиев билдирди.

Анын айтымында, мындай сый тамак жыл сайын уюштурулат жана бул жолу эч кандай саясий маселе талкууланбайт.

Анткен менен айрым парламентарийлер шайлоо боюнча мыйзам долбоору талкууланарын айтса, башкалары эмне үчүн чакырылганын таптакыр билбей турганын билдиришти.

Ал эми президенттин маалымат катчысы Эрбол Султанбаев Жапаровдун депутаттар менен бейрасмий жолугушуусу пландалганын, учурдагы күн тартибиндеги актуалдуу маселелер боюнча пикир алмашуу болорун айтты.

Буга чейин аталган жолугушууга чакыруу алганын депутат Айсулуу Мамашова айтып, иш-чара "Ала-Арча" мамлекеттик резиденциясында өтөрүн кошумчалаган.

Белгилей кетсек, өткөн жумада 21-июль күнү да ЖК депутаттары Садыр Жапаров менен жолугуп, шайлоо системасы боюнча сунушталган мыйзам долбоору ортого салынган. Анда эл өкүлдөрүн ЖК имаратынын жанынан автобуска салып алып кетишкен.

71
Белгилер:
тамак, депутат, Садыр Жапаров
Тема боюнча
Депутаттар Садыр Жапаров менен жолугуу үчүн бүгүн да резиденцияга барышат
Депутат Тотонов: Бишкек шаар эмес эле ат сарай, иткана болуп калды