Студенттер сабак учурунда. Архив

Министрлик: тажик студенттерине кысым болгон эмес, жардам берилген

81
(жаңыланган 11:28 19.07.2021)
Эпидемиялык абалга байланыштуу өлкөнүн көпчүлүк ЖОЖдорунда аралыктан билим берүү технологиясын колдонуу менен окуу онлайн-режимде жүргүзүлгөн.

БИШКЕК, 19-июл. — Sputnik. Кыргызстанда билим алып жаткан тажикстандык студенттерге эч кандай куугунтук болгон эмес. Бул тууралуу Билим берүү жана илим министрлигинин маалымат кызматы кабарлады.

Белгилей кетсек, буга чейин коңшу мамлекеттин билим берүү жана илим министри Махмадюсуф Иномзода Кыргызстандын жогорку окуу жайларында билим алып жаткан Тажикстандын жарандарына куугунтук болуп жатканын айткан.

"2020-2021-окуу жылында Кыргызстандын жогорку окуу жайларында Тажикстандын 1 932 жараны билим алган. Алар окуган университеттерден апрель айынан азыркы күнгө чейин тажикстандык студенттерге карата кысым болгону тууралуу министрликке эч кандай арыз-даттануу түшкөн жок. Тескерисинче, тажик-кыргыз чек ара чыры учурунда Кыргызстандын окуу жайлары тажикстандык студенттерге зарыл болгон жардамдын бардыгын көрсөткөн", — деп айтылат билдирүүдө.

Министрлик эпидемиялык абалга байланыштуу өлкөнүн көпчүлүк ЖОЖдорунда аралыктан билим берүү технологиясын колдонуу менен окуулар онлайн-режимде жүргүзүлүп жатканын эскертип, учурда бардык студенттер каникулда экенин маалымдады.

81
Белгилер:
кысым, студенттер, билим берүү, Тажикстан
Тема боюнча
ТИМ: Тажикстанда бир кыргызстандык кесилип, үчөө соттун чечимин күтүүдө
Кыргызстандык абитуриенттер россиялык ЖОЖго түйшүксүз өтө алат

Кудум кинодогудай! Кытайдагы шаарды кум каптаган видео

134
Асмандын дээрлик жартысын ээлегендей элес калтырган кум бороон Кытайдын Ганьсу провинциясы менен Цзюцюань шаарын бир нече мүнөттөрдө эле аралап кеткен.

Окуяга күбө болгондор жаратылыштын бул кубулушун видеого тартып, социалдык тармакка таратып жиберген. Кадрдагы көрүнүш киши коркутпай койбойт.

Асмандын бетин бербей уюлгуган кум менен чаң шаарды тез эле басып калган. Маалыматтарда анын 10 мүнөт ичинде калаанын бир топ аймагын каптаганы айтылат.

Синьхуа агенттиги жол кыймылы буулуп, бир нече метрден кийин жол көрүнбөй калганын жазды.

Бактыга жараша, жаратылыштын бул кубулушунан адамдар жабыркаган эмес. Окумуштуулар мындай көрүнүш күн абдан ысыганда пайда болорун айтышкан.

134
Белгилер:
кыймыл, кино, бороон, кум, Кытай
Тема боюнча
Индияда суу астындагы жер көтөрүлүп, элди чочутту. Видео
Жүрөк үшүн алат! Чаңдуу бороон Казакстандын райондорун каптаган видео
Шайлоо участогундагы киши. Архив

Ош шаардык кеңешине өткөн "Биздин Кыргызстан" партиясынын жеңиши жокко чыгарылды

200
(жаңыланган 21:56 26.07.2021)
БШКнын жумушчу тобу аталган партия шайлоо өнөктүгү маалында добуш сатып алганы аныкталганын билдирди.

БИШКЕК, 26-июл. — Sputnik. Ош шаардык кеңешине өткөн "Биздин Кыргызстан" партиясы жарыштан четтетилди. Мындай чечимди Борбордук шайлоо комиссиясы кабыл алды.

БШКнын жумушчу тобу аталган партия шайлоо өнөктүгү маалында добуш сатып алганы аныкталды деп билдирип, андан улам "Биздин Кыргызстан" саясий бирикмесин жарыштан четтетүүнү сунуштады. Ал эми БШКнын мүчөлөрү жумушчу топтун чыгарган корутундусун колдоду.

"Биздин Кыргызстан" партиясы шаардык кеңешке кайра шайлоонун алдында түзүлгөн. Жетекчиси Жогорку Кеңештин депутаты Айбек Осмонов.

11-июлдагы шайлоодо Ош шаарында 32 пайыздан ашыгыраак добуш менен экинчи орунду ээлеген. Ал эми Бишкекте 7 пайыздык босогого бир аз жетпей калган.

200
Белгилер:
шаардык кеңеш, жыйынтык, четтетүү, шайлоо, саясый партия
Тема:
Бишкек, Ош жана Токмок шаарларында кайрадан өтө турчу шайлоо
Тема боюнча
Атамбаевдин уулу, ырчы жана бизнесмендер. Бишкекте кимдер мандатка жетти
БШК Бишкек шаардык кеңештин кайрадан өткөн шайлоосун тааныды
Крым Республикасынын туруктуу өкүлү Георгий Мурадов. Архив

Кыргыз-орус ишкерлер кеңешинин директору Крымдын туруктуу өкүлү менен жолукту

0
Жолугушууда Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланган.

БИШКЕК, 26-июл. — Sputnik. Кыргыз-орус ишкерлер кеңешинин аткаруучу директору Болот Дүйшөналиев Крым Республикасынын туруктуу өкүлү Георгий Мурадов менен жолукту. Бул тууралуу өкүлчүлүктүн маалымат кызматы билдирди.

"Жолугушууда Евразия экономикалык биримдигинин интеграциялык процессинин алкагында Кыргызстан менен Крымдын ортосундагы ишкердик жана коомдук байланыштарды кеңейтүү мүмкүнчүлүгү талкууланды.  Ошондой эле ЕАЭБ өлкөлөрүнүн коомдук палатасын түзүүнүн келечеги тууралуу кеп болду", — деп айтылган маалыматта. 

Андан сырткары Крым менен ЕАЭБ өлкөлөрүнүн региондорунун активдүү кызматташуусун өнүктүрүүдө жаралган тоскоолдуктарды анализдөө темасына көңүл бурулган.

0
Белгилер:
Кыргызстан, Крым, жолугушуу, Евразиялык экономикалык биримдик
Тема боюнча
ЕЭК менен Азык-түлүк коопсуздугу боюнча Ислам уюму маанилүү документке кол койду