Беткапчан аял. Архивдик сүрөт

Адис: COVID-19га каршы вакцинанын биринчи дозасынан кийин өзгөчө сактануу керек

195
(жаңыланган 18:47 23.07.2021)
Инфекционисттин айтымында, адам вакцинанын биринчи дозасынан кийин вирус жугузуп алса, экинчи дозага чейин дарыгерге кайрылып кеңеш алуусу зарыл.

БИШКЕК, 21-июл. — Sputnik. COVID-19га каршы вакцинанын биринчи дозасын алган соң вирус жугузуп алуудан сактануу керек. Ошондой эле эмдөөнүн алгачкы күндөрү оор жумуш жасабай эле койгон туура экенин РИА Новости агенттигине инфекционист-дарыгер Андрей Поздняков билдирди.

"Биринчи дозаны алган соң организм антитела пайда кылуу үчүн болгон күчүн жумшап иштей баштайт. Ушул учурда организмге "тирүү вирус" кирип кетсе кесепети начар болушу мүмкүн. Мисалы, көп органдар жабыркайт", — деди дарыгер.

Анын айтымында, адам болбой эле вирус жугузуп алса, экинчи дозага чейин дарыгерге кайрылып кеңеш алуусу керек.

Мындан тышкары, адис вакцина алгандан кийин 2-3 күн өзү кыйналып турган организмди оор жумуш жасап, ого бетер алсыздандырбаш керектигин кошумчалады.

"Айрым учурда вакцинадан кийин антитела калыптанбай калган учурлар болууда. Бирок бул вакцина вирустан коргой албайт дегенди түшүндүрбөйт. Иликтөөлөр боюнча 1 миллион кишинин арасынан 50 миңинде вируска каршы иммунитет калыптанбай калууда. Айрым организмдердин өзгөчөлүгүнөн улам пайда болгон антителаны деле кадимки ыкмалар менен аныктоо мүмкүн болбой калышы ыктымал", — деди Поздняков.

Учурда коронавирус боюнча абал көп өлкөлөрдө курчуп, адистер оорудан арылуунун бирден-бир жолу эмдөө экендигин бир ооздон айтышууда.

195
Белгилер:
иммунитет, антитело, коронавирус, вакцина
Тема:
Коронавируска каршы эмдөө (198)
Тема боюнча
Өзбекстанда COVID-19га каршы милдеттүү түрдө эмделет. Кимдерге тиешелүү
Кыргызбаев: вакцина алып ооруп калгандар жарым жылдан кийин кайра эмделет
Кыргызстанда мамлекеттик кызматкерлер эмдөөдөн милдеттүү түрдө өткөрүлмөкчү
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

64
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

64
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

1364
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Один из бишкекских ресторанов, где проходит банкет депутатов после завершения внеочередной сессии. 29 июля 2021 года
    Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • Автомобили депутатов в одном из бишкекских ресторанов после завершения внеочередной сессии. 29 июля 2021 года
    ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

1364
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады