Кыргыз-тажик мамлекеттик чек ара тилкесиндеги окуялардын жүрүшүндө талкаланган Максат айылындагы орто мектеби

Марипов: Максат айылындагы орто мектеп 1-сентябрда окуучуларды тосуп алат

116
(жаңыланган 17:14 21.07.2021)
Өкмөттөн билдиришкендей, Максат айылында фельдшердик-акушердик пунктунун курулушу жыйынтыкталганы турат. Милициянын аймактык бөлүмүнүн имараты капиталдык ремонттон өткөрүлүп, мектеп толугу менен калыбына келтирилген.

БИШКЕК, 21-июл. – Sputnik. Кыргыз-тажик мамлекеттик чек ара тилкесиндеги окуялардын жүрүшүндө талкаланган Максат айылындагы орто мектеп 1-сентябрда окуучуларды тосуп алууга даяр. Бул тууралуу Улукбек Марипов билдиргенин өкмөттөн кабарлашты.

  • Председатель кабинета министров КР Улукбек Марипов посетил село Максат Лейлекского района Баткенской области, где ознакомился с ходом восстановительных работ школы, пострадавших в результате событий на кыргызско-таджикском участке государственной границы в Баткенской области
    Кыргыз-тажик мамлекеттик чек ара тилкесиндеги окуялардын жүрүшүндө талкаланган Максат айылындагы орто мектеп 1-сентябрда окуучуларды тосуп алууга даяр.
    © Фото / Пресс-служба правительства / Алишер Алиев
  • Председатель кабинета министров КР Улукбек Марипов посетил село Максат Лейлекского района Баткенской области, где ознакомился с ходом восстановительных работ школы, пострадавших в результате событий на кыргызско-таджикском участке государственной границы в Баткенской области
    Министрлер кабинетинин төрагасы Улукбек Марипов президенттин тапшырмасы менен Баткен облусуна кеткен.
    © Фото / Пресс-служба правительства / Алишер Алиев
  • Восстановительные работы в школе, пострадавшего в результате событий на кыргызско-таджикском участке государственной границы в Баткенской области 28-30 апреля 2021 года.
    Мектепти калыбына келтирүү иштери толугу менен бүткөрүлгөн
    © Фото / Пресс-служба правительства / Алишер Алиев
  • Восстановительные работы в школе, пострадавшего в результате событий на кыргызско-таджикском участке государственной границы в Баткенской области 28-30 апреля 2021 года.
    Билим берүү мекемеси 1-сентябрда окуучуларды тосуп алууга даяр
    © Фото / Пресс-служба правительства / Алишер Алиев
1 / 4
© Фото / Пресс-служба правительства / Алишер Алиев
Кыргыз-тажик мамлекеттик чек ара тилкесиндеги окуялардын жүрүшүндө талкаланган Максат айылындагы орто мектеп 1-сентябрда окуучуларды тосуп алууга даяр.

Белгилей кетсек, министрлер кабинетинин төрагасы Улукбек Марипов президенттин тапшырмасы менен Баткен облусуна кеткен.

"Мектепти калыбына келтирүү иштери толугу менен бүткөрүлгөн. Билим берүү мекемеси 1-сентябрда окуучуларды тосуп алууга даяр", — деди Марипов.

Ал ошондой эле жабыркаган турак-жайларды жана социалдык объектилерди калыбына келтирүү иштеринин жүрүшү менен дагы таанышкан.

"Финансылык маселелер чечилген. Каражат бөлүнгөн. Объектилердин курулушун гана жыйынтыктабастан, инфраструктураны, анын ичинде негизги көчөлөргө асфальт төшөө жана жарыктандыруу маселесин чечүү зарыл", — деген ал.

Өкмөт башчы кыргыз-тажик чек ара тилкесиндеги окуялардын жүрүшүндө жабыркаган Максат айылындагы чек ара постуна дагы барып, калыбына келтирүү иштери менен таанышкан.

Сапардын жүрүшүндө Марипов Лейлек районунун Кулунду жана Сада айылынын тургундары менен жолугушуп, алардын көйгөйлөрүн укту.

Өкмөттөн билдиргендей, Максат айылында фельдшердик-акушердик пунктунун курулушу жыйынтыкталганы турат. Милициянын аймактык бөлүмүнүн имараты капиталдык ремонттон өткөрүлүп, мектеп толугу менен калыбына келтирилген. Ал эми 100 орунга эсептелген "Сейтек" балдар бакчасынын курулушу 70 пайызга аяктаган.

Мындан тышкары, 10 турак жайдын курулушу жыйынтыкталып, 40 турак жайдын курулушу 70 пайызга бүткөрүлгөн. Лейлек районунун Максат айылында жалпысынан 83 турак-жай объекти курулмакчы.

116
Белгилер:
чек ара, мектеп, өкмөт, Улукбек Марипов
Тема боюнча
Баткендеги чек арадан тажик тарап кармап кеткен кыргызстандык жоокер бошотулду
Баткенде ишкерлер 1,3 млрд. сомдук зыян тартты. Мамлекет компенсация төлөйт
Индияда дарбыз саткан сатуучу. Архивдик сүрөт

Индияда көчөдө соода кылган 250 адам миллионер болуп чыкты. Жашырган сыр ачылды

18
Айрымдары байлыгын жашырып, мүлктөрүн туугандарына каттатып алса, кээ бирөөлөр түрдүү схемаларды пайдаланышкан.

БИШКЕК, 25-июл. — Sputnik. Индиянын Канпуре шаарында 250 миллионер салык төлөөдөн качып, көчө соодагери сымал жүргөн. Бул тууралуу "Популярная механика" басылмасы жазып чыкты. 

Арасында мөмө-жемиш саткан, аптека күркөсүнө ээлик кылган, эски буюмдарды чогулткандары бар. Алар мындай ыкма менен көп жылдар бою салык төлөбөй келишкен.

Салыкчылар белгилегендей, байлыгын жашыргандар жалпысынан 37,5 миллион рупий (487 миң доллар) топтоп, аны кыймылсыз мүлк алууга гана сарпташкан. Маалым болгондой, айрым темир чогулткандар үчтөн автоунаанын ээси болуп чыккан. Көпчүлүгүндө гектарлаган айыл чарба жерлери бар экени аныкталды.

Бул миллионерлер салык органдарында байлыгын жашыргандарды аныктоого жардам берген чоң маалымат программасы болгонго чейин мүлктөрүн катып келишкен. Бери дегенде азык-түлүк саткан 65 дүкөндүн ээлери жана фармацевттер бизнестерин каттаткан эмес. Айрымдары байлыгын жашырып, сатып алынган мүлктөрдү үй-бүлө мүчөсүнө жаздырса, кээ бирлери түрдүү схемаларды пайдаланган.

18
Белгилер:
мүлк, байлык, салык, Индия
Тема боюнча
Декларация тапшырбаган кызматкерлердин тизмеси жарыяланды
Кагазга жазган аял. Архивдик сүрөт

Калкты тейлөө борборлорунан эми соттолбогондук боюнча справка алса болот

41
(жаңыланган 23:36 24.07.2021)
Буюртма берген справканы Ички иштер министрлигинин Маалыматтык технологиялар боюнча башкы башкармалыгынан да алууга болот.

БИШКЕК, 24-июл. — Sputnik. 26-июлдан тарта Бишкектин Калкты тейлөө борборлору соттолбогондук тууралуу справка алуу үчүн арыздарды кабыл ала баштайт. Бул тууралуу Санариптик өнүктүрүү министрлигинин маалымат кызматы билдирди.

Бул кызмат көрсөтүү баш калаанын калкты тейлөө борборлорунда арыз тапшыруунун жана арыз ээсинин убактысын үнөмдөөнүн эң ыңгайлуу жолу катары ишке ашырылууда. Жарандын соттолбогондугу тууралуу кагаз эң зарыл документ болуп саналат.

Толтурулган арыз ИИМге жөнөтүлүп, жети күндөн кийин күбөлүктү министрликтин Маалыматтык технологиялар башкы башкармалыгынын Курманжан датка көчөсү, 115 дарегиндеги Мамлекеттик кызмат көрсөтүүлөр борборунан алууга болот.

Эгерде справканы тез арада алуу зарыл болсо, анда аны бир же үч күндөн кийин акы төлөп алуу мүмкүнчүлүгү жаралды.

Бишкектин Калкты тейлөө борборлорунда "өзүн-өзү тейлөө" аймагы бар, анда жарандар ушул справкаларды алуу үчүн электрондук кызмат көрсөтүүлөрдүн мамлекеттик порталы аркылуу кайрыла алышат. Башкача айтканда, ИИМдин башкармалыгына барып убаракерчилик тартышпайт. Ар бир адам өзү үчүн ыңгайлуу жагын тандай алат.

41
Белгилер:
ИИМ, справка, Калкты тейлөө борбору
Тема боюнча
Бишкектеги Калкты тейлөө борборлорунун тизмеси жана даректери