Үйдүн дубалын оңдоп аткан киши. Архивдик сүрөт

Кыргызстанда калкка көрсөтүлгөн кызматтар канчага кымбаттады. Статистика

112
(жаңыланган 15:11 22.07.2021)
Кыргызстанда мектепке чейинки жана башталгыч билим берүүдөн чачтарачтын кызмат көрсөтүүлөрүнө чейин кымбаттаган.

БИШКЕК, 22-июл. — Sputnik. Өткөн жылдын июнь айына салыштырмалуу калкка көрсөтүлүүчү кызматтар 4,3 пайызга жогорулады. Бул тууралуу Улуттук статистика комитетинен билдиришти.

Ал эми үстүбүздөгү жылдын январь-июнунда жалпы республика боюнча кызмат көрсөтүүлөрдүн тарифтеринин жогорулашы 1,2 пайызды түздү.

Баасы жогорулаган кызматтардын тизмеси:

  • Мектепке чейинки жана башталгыч билим берүү (6,7 пайызга);
  • турак жайларды оңдоо боюнча кызмат көрсөтүүлөр (5,9 пайызга);
  • кийим тигүү кызматтары (4,3 пайызга);
  • жеке транспорт каражаттарын техникалык тейлөө жана оңдоо (3,8 пайызга);
  • амбулатордук кызмат көрсөтүү (2,7 пайызга);
  • маданий иш-чараларды уюштуруу (2,5 пайызга);
  • чачтарачтын кызмат көрсөтүүлөрү (1,6 пайызга);
  • транспорт кызматтары (1,5 пайызга);
  • мейманкана тейлөөсү (1,5 пайызга).
112
Белгилер:
кызмат көрсөтүү, Кыргызстан
Тема боюнча
Статком: Кыргызстанда кээ бир азык-түлүктөр арзандады
Кагазга жазган аял. Архивдик сүрөт

Калкты тейлөө борборлорунан эми соттолбогондук боюнча справка алса болот

19
(жаңыланган 23:36 24.07.2021)
Буюртма берген справканы Ички иштер министрлигинин Маалыматтык технологиялар боюнча башкы башкармалыгынан да алууга болот.

БИШКЕК, 24-июл. — Sputnik. 26-июлдан тарта Бишкектин Калкты тейлөө борборлору соттолбогондук тууралуу справка алуу үчүн арыздарды кабыл ала баштайт. Бул тууралуу Санариптик өнүктүрүү министрлигинин маалымат кызматы билдирди.

Бул кызмат көрсөтүү баш калаанын калкты тейлөө борборлорунда арыз тапшыруунун жана арыз ээсинин убактысын үнөмдөөнүн эң ыңгайлуу жолу катары ишке ашырылууда. Жарандын соттолбогондугу тууралуу кагаз эң зарыл документ болуп саналат.

Толтурулган арыз ИИМге жөнөтүлүп, жети күндөн кийин күбөлүктү министрликтин Маалыматтык технологиялар башкы башкармалыгынын Курманжан датка көчөсү, 115 дарегиндеги Мамлекеттик кызмат көрсөтүүлөр борборунан алууга болот.

Эгерде справканы тез арада алуу зарыл болсо, анда аны бир же үч күндөн кийин акы төлөп алуу мүмкүнчүлүгү жаралды.

Бишкектин Калкты тейлөө борборлорунда "өзүн-өзү тейлөө" аймагы бар, анда жарандар ушул справкаларды алуу үчүн электрондук кызмат көрсөтүүлөрдүн мамлекеттик порталы аркылуу кайрыла алышат. Башкача айтканда, ИИМдин башкармалыгына барып убаракерчилик тартышпайт. Ар бир адам өзү үчүн ыңгайлуу жагын тандай алат.

19
Белгилер:
ИИМ, справка, Калкты тейлөө борбору
Тема боюнча
Бишкектеги Калкты тейлөө борборлорунун тизмеси жана даректери
Чолпон-Атадагы пляж. Архивдик сүрөт

Мээ кайнаткан ысыктагы Чолпон-Ата, автотыгын, батпаган эл. Видео

173
(жаңыланган 23:40 24.07.2021)
Окурмандар күндүз көлдүн жээгинде бут коёрго жер жок экендигин, эс алуучулардын көптүгүнөн дүкөндөрдүн текчеси бошоп калып жаткандыгын билдиришти.

БИШКЕК, 24-июл. — Sputnik. Бүгүн окурмандар туристтик шаар Чолпон-Атада эс алуучулар абдан көп деп билдиришти.

Алардын айтымына караганда, Чолпон-Атада узун автотыгын жаралган. Кыргызстандын курорттук ири калааларынын бирине багыт алгандардын аягы көрүнбөйт.

Дагы бири элдин көп экендигин айткан. Эс алуучу борбор тараптын сүрөтүн, балдар аянтчаларындагы элдин көптүгүн тартып салып жиберген.

Окурмандар күндүз көлдүн жээгинде бут коёрго жер жок экендигин, эс алуучулардын көптүгүнөн дүкөндөрдүн текчеси бошоп калып жаткандыгын билдиришти.

Синоптиктер эртең Чолпон-Атада күндүн ысыктыгы +27…+29 градуска жетерин айтышты

173
Белгилер:
автотыгын, пляж, Ысык-Көл, Чолпон-Ата, Кыргызстан
Тема боюнча
Миллиондогон чыгым болуу коркунучунда. "Аврораны" Эсеп палатасы текшерди
Шахта. Архивдик сүрөт

Тажикстан: Исфарадагы көмүр шахтасында жарылуу болду, каза тапкандар бар

0
(жаңыланган 00:28 25.07.2021)
Алдын ала берилген маалыматта, бир адамдын көз жумуп, дагы сегиз кишинин жарадар болгону айтылды.

БИШКЕК, 25-июл. — Sputnik. Тажикстандын Согду облусуна жакын жердеги Исфара көмүр шахтасында катуу жарылуу болгондугун Sputnik Тажикстан жазды. 

Кырсык Согду облусундагы Шураб аймагынын жанындагы кенде болгон.

"Шураб" шахтасындагы жарылуу газдын чыгышынан улам болгонун айтышты", — деди Исфара мэриясынын маалымат катчысы Зубайдулло Шомадов.

Алдын ала берилген маалыматка таянсак, бир адам каза таап, дагы сегиз киши жаракат алган.

Учурда кырсык болгон жерде Өзгөчө кырдаалдар комитетинин кызматкерлери, куткаруучулар жана дарыгерлердин жүргөнү айтылды.

Шураб кени Тажикстандын түндүгүндөгү эң ири кендердин бири. Ал Түркстан кырка тоолорунун этегинде жайгашкан. Бул жерден алынган көмүрдү негизинен медициналык жана билим берүү жайлары колдонот. Бийликтин билдиргенине караганда, мындай кырсык ондогон жылдардан бери болгон эмес.

0
Белгилер:
жарылуу, шахта, көмүр, Тажикстан
Тема боюнча
Дубайда катуу жарылуу болду. Видео