Медициналык кызматкер ооруканада. Архив

Россиялык биолог коронавирустун дельта штаммы кимдер үчүн кооптуу экенин айтты

129
Эмделген жана ооруп айыккандан кийинки иммунитети барлар үчүн дельта-штамм башка штаммдарга салыштырмалуу анчалык коркунучтуу эмес.

БИШКЕК, 22-июл. — Sputnik. Көпчүлүк учурда коронавирустун дельта-штаммынан тобокелдик тобуна кирген адамдар каза табат. Бул тууралуу молекулярдык биолог, Ломоносов атындагы МГУнун илимий кызматкери Сергей Харитонов РИА Новостиге билдирди.

Адис белгилегендей, эмделген жана ооруп айыккандан кийинки иммунитети барлар үчүн дельта-штамм башка штаммдарга салыштырмалуу анча кооптуу эмес.

"Ал болгону тобокелдик тобуна кирген адамдар арасында тез тарайт. Коронавирустун бул штаммы эмделгендер менен ооруп айыккандар үчүн өтө деле кооптуу эмес. Ал эми оорусу көп, иммунитети алсыз болгон улгайган адамдар көбүнчө ушул штаммдан каза болот. Себеби вирус аларга тез жетип, бат жугат", — деди Харитонов.

Буга чейин дельта-штамм дүйнөнүн 111 өлкөсүнөн табылганы айтылган.

129
Белгилер:
коронавирус, 'Индия' штаммы, Россия
Тема:
Дүйнөгө жайылган коронавирус (1488)
Тема боюнча
Кытай ДССУнун COVID-19дун келип чыгышын изилдеген планын четке какты
Ухандагы вирусология институту: COVID-19ду түзгөн эмеспиз, ага далил да жок
Үйүндө беткап кийген аял. Архивдик сүрөт

COVID 20 пайыздан ашык кыргызстандыктардын психологиясына терс таасир этти

13
Коронавирус көбүнесе Ош шаары менен Талас облусунун тургундарын тынчсыздандырган. Ал эми Нарын, Ысык-Көл жана баткендиктер аны жеңилирээк кабыл алган.

БИШКЕК, 25-июл. — Sputnik. COVID-19 күч алып жаткан учурда өлкө элинин 20 пайыздан ашыгынын эмоционалдык абалы начарлаган. Бул тууралуу Улуттук статистика комитети маалымдады.

"Уйкунун бузулуусу, тынчсыздануу, маанайдын чөгүшү, жакын адамдар менен талашып-тартышып, пикир келишпестиктердин пайда болушу сыяктуу көйгөйлөр шаарда жашаган ар бир төртүнчү үй-бүлөдө, айылда жашаган ар бир алтынчы үй-бүлөдө кезиккен", — деп айтылат билдирүүдө.

Психологиялык жактан кыйналуу көбүнесе Ош шаары (38 пайыз) менен Талас облусунун (29,4 пайыз) тургундарында кездешкен.

"Ошол эле учурда Нарын (1,9 пайыз), Ысык-Көл (4,4 пайыз) жана Баткен (5,9 пайыз) облустарынын жашоочулары вирус тарап жаткан учурда көп тынчсызданган эмес", — деп айтылган Статком тараткан маалыматта.

Бул боюнча сурамжылоону Улуттук статистика комитети 2020-жылдын ноябрь, декабрь айларында жүргүзгөн.

13
Белгилер:
коронавирус, психология, сурамжылоо, калк, Кыргызстан
Тема боюнча
COVID-19дун курч фазасынан өткөн адам кандай кыйынчылыкка туш болот
Кант диабети барлар COVID-19га каршы кандай учурда эмделиши керек
Индияда дарбыз саткан сатуучу. Архивдик сүрөт

Индияда көчөдө соода кылган 250 адам миллионер болуп чыкты. Жашырган сыр ачылды

67
Айрымдары байлыгын жашырып, мүлктөрүн туугандарына каттатып алса, кээ бирөөлөр түрдүү схемаларды пайдаланышкан.

БИШКЕК, 25-июл. — Sputnik. Индиянын Канпуре шаарында 250 миллионер салык төлөөдөн качып, көчө соодагери сымал жүргөн. Бул тууралуу "Популярная механика" басылмасы жазып чыкты. 

Арасында мөмө-жемиш саткан, аптека күркөсүнө ээлик кылган, эски буюмдарды чогулткандары бар. Алар мындай ыкма менен көп жылдар бою салык төлөбөй келишкен.

Салыкчылар белгилегендей, байлыгын жашыргандар жалпысынан 37,5 миллион рупий (487 миң доллар) топтоп, аны кыймылсыз мүлк алууга гана сарпташкан. Маалым болгондой, айрым темир чогулткандар үчтөн автоунаанын ээси болуп чыккан. Көпчүлүгүндө гектарлаган айыл чарба жерлери бар экени аныкталды.

Бул миллионерлер салык органдарында байлыгын жашыргандарды аныктоого жардам берген чоң маалымат программасы болгонго чейин мүлктөрүн катып келишкен. Бери дегенде азык-түлүк саткан 65 дүкөндүн ээлери жана фармацевттер бизнестерин каттаткан эмес. Айрымдары байлыгын жашырып, сатып алынган мүлктөрдү үй-бүлө мүчөсүнө жаздырса, кээ бирлери түрдүү схемаларды пайдаланган.

67
Белгилер:
мүлк, байлык, салык, Индия
Тема боюнча
Декларация тапшырбаган кызматкерлердин тизмеси жарыяланды