Import Goods Fair 2021 эл аралык көргөзмөсү

Кыргызстандын балы менен кийиз буюмдары Кореяда көргөзмөгө коюлду. Сүрөт

81
(жаңыланган 17:28 23.07.2021)
Көргөзмөнүн алкагында элчилик Кыргызстан жөнүндө роликтерди көрсөтүп жана туристтик мүмкүнчүлүктөр жөнүндө брошюраларды таратып жатат.

БИШКЕК, 23-июл. — Sputnik. Кыргызстан Түштүк Кореянын борбору Сеул шаарында Import Goods Fair 2021 эл аралык көргөзмөсүнө катышууда. Бул туурасында Тышкы иштер министрлигинин маалымат кызматы билдирди.

Мында Кыргызстандын Кореядагы элчилиги өлкөнүн экспорттук мүмкүнчүлүктөрүн көрсөтүүдө.

  • В Сеуле проходит международная выставка Import Goods Fair 2021, в рамках которой посольство Кыргызской Республики в республике Корея презентует экспортный потенциал Кыргызстана.
    Кыргызстан Түштүк Кореянын борбору Сеул шаарында Import Goods Fair 2021 эл аралык көргөзмөсүнө катышууда
    © Фото / пресс-служба МИД КР
  • В Сеуле проходит международная выставка Import Goods Fair 2021, в рамках которой посольство Кыргызской Республики в республике Корея презентует экспортный потенциал Кыргызстана.
    Мында Кыргызстандын Кореядагы элчилиги өлкөнүн экспорттук мүмкүнчүлүктөрүн көрсөтүүдө.
    © Фото / пресс-служба МИД КР
1 / 2
© Фото / пресс-служба МИД КР
Кыргызстан Түштүк Кореянын борбору Сеул шаарында Import Goods Fair 2021 эл аралык көргөзмөсүнө катышууда

Экономика жана финансы министрлигинин жардамы менен ата мекендик продукциялар жеткирилген. Анда бал (Аман Гринфуд, Bee Honey, Тянь-Шань, Алай жана Чоң-Алайдын балчылары), шоколад жана нуга (Nag Group), табигый комплекстүү витаминдер жана чөптөрдүн негизинде жасалган эликсирлер (Aronia Farm), кийизден жасалган буюмдар, ошондой эле Түштүк Кореянын HESED компаниясы тарабынан Кыргызстандан келген текстиль буюмдары тартууланды.

Көргөзмөнүн жүрүшүндө конокторго кыргыз балы, боорсок жана чак-чак сунушталууда.

Мындан тышкары, көргөзмөнүн алкагында кыргыз элчилиги мамлекеттин туристтик потенциалы менен тааныштырып жатат. Атап айтканда, Кыргызстан жөнүндө роликтерди көрсөтүп, туристтик мүмкүнчүлүктөрү жөнүндө брошюраларды таратууда.

Белгилей кетсек, жыл сайын өтүүчү Import Goods Fair көргөзмөсү Түштүк Кореяда чет мамлекеттердин товарларын жана продукциясын илгерилетүү боюнча эң ири эл аралык көргөзмөлөрдүн бири болуп саналат. Быйыл 22-июлда башталып 24үнө чейин уланат.

81
Белгилер:
Кыргызстан, Корея, көргөзмө, бал, кийиз
Тема боюнча
Туман арасынан суурулган сулуулар. Көлдөгү көчмөндөр модасынан 12 ирмем
Крандан суу алып жаткан кыз. Архив

30-сентябрда Бишкектин чок ортосунда бир күн бою суу токтотулат. Карта

17
Бир аптадан кийин суу тосмону оңдоо пландалууда. Бишкек шаарынын бийлиги бул ыңгайсыздык үчүн шаар тургундарынан кечирим сурайт.

БИШКЕК, 23-сен. — Sputnik. Бишкектин чок ортосунда 30-сентябрда эртең мененки саат 09:00дөн кечки саат 21:00гө чейин таза суу болбойт. Бул тууралуу мэриянын маалымат кызматы билдирди.

Суу "Тоголок Молдо" тосмосунда жүргүзүлүүчү оңдоо иштерине байланыштуу токтотулат.

Ошондой эле Панфилов, Фрунзе, Манас проспекти жана темир жол линиясы менен чектелген аймактарда дагы болбойт.

Шаар бийлиги убактылуу ыңгайсыздык үчүн кечирим сурап, аталган аймакта жашаган тургундарды жана мекеме-ишканаларды ичүүчү сууну камдап алууга чакырат.

17
Белгилер:
Бишкек, таза суу, өчүрүү, оңдоо, карта
Тема боюнча
Суук эрте түшөбү? Октябрь айына карата аба ырайы
Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев. Архив

КР президентинин администрация өкүлү: интернационализмге шарт түзөлү

22
(жаңыланган 14:37 23.09.2021)
Кудайберген Базарбаев Бишкекте жакынкы чет өлкөлөрдөгү россиялыктар уюштурган аймактык жаштар конференциясына катышып, элди тилектештикке чакырды.

БИШКЕК, 23-сен. — Sputnik. Президенттин администрациясынын жарандык коомдун институттары менен өз ара аракеттенүү, дин иштери жана этностор аралык мамилелер бөлүмүнүн башчысы Кудайберген Базарбаев интернационализмге шарт түзүп берүүгө чакырды.

Ал Бишкекте акынкы чет өлкөлөрдөгү россиялыктар уюштурган аймактык жаштар конференциясында сөз сүйлөдү.

"Мындай иш-чаралар өтө пайдалуу. Башка улуттагы мекендештердин кызыкчылыгын коргоп гана тим болбой, аларга эч кандай тоскоолдук жаралбагыдай шарттарды түзүп берүүгө аракет кылалы. Башкысы, интернационализм, достук, тилектештикти күчөтүүгө жан үрөйлү", — деди Базарбаев.

Анын айтымында, дал ушул нерселер бизге чейинки муунга күч берип, алар бири-бирин дос жана бир туугандай кабыл алышкан.

22
Белгилер:
Кыргызстан, Россия, ынтымак
Тема боюнча
Россиянын элчиси мекендештери менен тыгыз иштешкен кыргыз бийлигин үлгү кылды