Киши жолду өтүп бара жатат. Архив

Жол кырсыгына жөө жүргөндөр да себепкер. Эмнелерди эске алуу керек

216
(жаңыланган 10:00 26.07.2021)
Милиция элдин аң-сезиминде жол кырсыктарына айдоочулар гана күнөөлүү деген ой калыптанып калганын, бирок жөө жүргөндөр да бир катар эрежелерге көңүл кош карап жатканын айтты.

БИШКЕК, 26-июл. — Sputnik. Ош шаарындагы акыркы алты айда катталган жол кырсыктарынын 53 пайызында жөө жүрүүчүлөрдүн күнөөсү бар экени маалым болду. Бул тууралуу шаардык милициянын маалымат кызматы кабарлады. 

"Көпчүлүгүбүздүн аӊ-сезимибизге жол кырсыктарына айдоочулар гана күнөөлүү, алар жооптуу деген ой сиӊип калган. Бирок статистикада андай эмес экен", — дешти ОШ ШИИББден.   

Тагыраагы, жарым жылдагы 280 жол кырсыгынын 150сүндө жөө кишилер катышкан жана алар бир катар эрежелерге көңүл бурбай жатканы айтылат. Атап айтканда:  

  • жолдо жүрүүнүн эрежелерин билишпейт же сакташпайт; 
  • атайын жөө жүргөндөр үчүн белгиленген жайлардан өтүшпөйт; 
  • жаш балдарын жалгыз жолдун аркы өйүзүндөгү дүкөндөргө жумшашат;   
  • жолдо өтүп бара жатышып кулакчын тагып алышат же телефон кармалашат. Кээде катуу ойлонуп же башка нерсеге алаксышат; 
  • мас болуп жолго чыгып алышат;   
  • тротуар менен эмес, жол бойлоп басышат; 
  • жолдон жүгүрүп же велосипед айдап өтүшөт. 

Ош шаардык милициясы жөө жүргөндөрдүн арасындагы жол кырсыктарын алдын алуу максатында атайын рейд уюштуруп жатканы кошумчаланды.  

Маселен, өткөн жумадагы рейдде Милициянын кайгуул кызматы тарабынан жол эрежесин бузгандарга карата 1 288 протокол түзүлгөн. Анын ичинен алты айдоочу мас болуп кармалып, 75 автоунаа айып короого киргизилди. Ошондой эле 34 айдоочунун документи жок унаа айдап жүргөнү аныкталды. 

Ош шаардык ички иштер башкармалыгы бардык жөө жүргөн кишилерди калаа аймагында атайын белгиси бар жерлерден гана өтүүнү, жол эрежесине так, өздөрүнө сак болууга чакырды.

216
Белгилер:
Ош, милиция, жөө жүрүш, жол кырсык, эреже
Тема боюнча
Министр: автоинспекторлор үч смен менен иштейт
Садыр Жапаров мас айдоочуларды аныктоо чараларын күчөтүүнү тапшырды
Акция Ветер перемен на площади Ала-Тоо в Бишкеке, организованная дочерью бывшего президента Алмазбека Атамбаева Алией Шагиевой

Алия Шагиева атасы Алмаз Атамбаевге арнап аянтта акция уюштурду. Сүрөт

0
Мурдагы президенттин кызы жасаган эмгектерин борбордук аянттагы Айкөл Манастын эстелигинин алдына койгон.

БИШКЕК, 17-сен. — Sputnik. "Ала-Тоо" аянтында мурдагы президент Алмазбек Атамбаевдин кызы Алия Шагиеванын сүрөт көргөзмөсү өтүп жатат.

Ал бул иш-чараны атасынын туулган күнүнө карата уюштурган. Жасаган эмгектерин Айкөл Манастын эстелигинин алдына койгон.

Көргөзмөгө Атамбаевдин үй-бүлөсү жана үзөңгүлөштөрү катышууда.

Мурдагы президент Алмазбек Атамбаев бүгүн 65 жашка толду, ал туулган күнүн темир тор артында өткөрүүдө.

0
Белгилер:
'Ала-Тоо' аянты, эстелик, эмгек, сүрөт, көргөзмө
Баткен облусундагы фотокапканга түшүп калган ак илбирстер

Ак илбирс, чүткөр, түлкү… Баткенде фотокапканга түшкөн жаныбарлардын сүрөтү

94
(жаңыланган 14:59 17.09.2021)
Кыргызстандын түштүк аймагындагы эки жаратылыш коругундагы жаныбарларды 40тан ашык фотокапкан тогуз ай бою сүрөткө тарткан.

БИШКЕК, 17-сен. — Sputnik. Баткен облусунда фотокапкан ак илбирс жана башка бир нече жаныбарды тартып алган. Бул тууралуу Германиянын Кыргызстандагы жаратылышты коргоо союзунун (NABU) маалымат катчысы Зарина Эсенбаева билдирди.

Анын айтымына караганда, Лейлек районундагы "Сүрмө-Таш" жана Кадамжайдагы "Саркент" жаратылыш коруктарына 40тан ашык фотокапкан орнотулган.

  • Снежный барс запечатлен на фотоловушке в одном из заповедников в Баткенской области
    Баткен облусунда фотокапкан ак илбирс жана башка бир нече жаныбарды тартып алган.
    © Фото / Немецкий союз охраны природы в Кыргызстане (NABU)
  • Снежный барс запечатлен на фотоловушке в одном из заповедников в Баткенской области
    Лейлек районундагы "Сүрмө-Таш" жана Кадамжайдагы "Саркент" жаратылыш коруктарына 40тан ашык фотокапкан орнотулган.
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    20 фотокапкан жаратылыш коругуна, 22си коруктан сырткаркы аймактарга коюлган.
    © Фото / Немецкий союз охраны природы в Кыргызстане (NABU)
  • Рысята попали на фотоловушку в одном из заповедников в Баткенской области
    Тартуу аянты Түркстан тоо кыркаларындагы 100 миң гектар жерди түзөт.
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    Фотокапкандар деңиз деңгээлинен 3000 метр бийиктикте дээрлик тогуз ай турду
    © Фото / Немецкий союз охраны природы в Кыргызстане (NABU)
  • Рысь попал на фотоловушку в одном из заповедников в Баткенской области
    2021-жылдын жай айларында NABU-Кыргызстандын мониторинг боюнча адистери "Сүрмө-Таш" жана "Саркент" коруктарынын кызматкерлери менен биргеликте фотокапкандагы сүрөттөрдү чыгарышкан.
    © Фото / Немецкий союз охраны природы в Кыргызстане (NABU)
  • Сурки попали на фотоловушку в одном из заповедников в Баткенской области
    Кадрга ак илбирс, тоо теке, карышкыр, түлкү, кашкулак, каман, чүткөр, суур, коён, гималай улары, кекилик жана башка айбанаттар түшүп калган
    © Фото / Немецкий союз охраны природы в Кыргызстане (NABU)
  • Горные козлы попали на фотоловушку в одном из заповедников в Баткенской области
    NABU филиалынын директору Толкунбек Асыкуловдун айтымында, адистер алдын ала маалыматтарга ээ болду.
    © Фото / Немецкий союз охраны природы в Кыргызстане (NABU)
  • Каменная куница попала на фотоловушку в одном из заповедников в Баткенской области
    Эми сүрөткө түшүп калган ар бир жаныбарды идентификациялоо иши турат.
    © Фото / Немецкий союз охраны природы в Кыргызстане (NABU)
  • Кабан попал на фотоловушку в одном из заповедников в Баткенской области
    "Сүрмө-Таш" мамлекеттик коругу Аңчылык союзунун базасында 2009-жылы түзүлгөн.
    © Фото / Немецкий союз охраны природы в Кыргызстане (NABU)
  • Горностай попал на фотоловушку в одном из заповедников в Баткенской области
    Анын аянты — 66 194 гектар.
    © Фото / Немецкий союз охраны природы в Кыргызстане (NABU)
  • Кеклик попал на фотоловушку в одном из заповедников в Баткенской области
    "Саркент" мамлекеттик коругу 2009-жылы түзүлгөн.
    © Фото / Немецкий союз охраны природы в Кыргызстане (NABU)
  • Кеклики попали на фотоловушку в одном из заповедников в Баткенской области
    Анын аянты — 40 миң гектар.
    © Фото / Немецкий союз охраны природы в Кыргызстане (NABU)
  • Волк попал на фотоловушку в одном из заповедников в Баткенской области
    Баткен облусунда фотокапканга түшүп калган карышкыр
    © Фото / Немецкий союз охраны природы в Кыргызстане (NABU)
  • Дикобразы попали на фотоловушку в одном из заповедников в Баткенской области
    Баткен облусунда фотокапканга түшүп калган кирпи
    © Фото / Немецкий союз охраны природы в Кыргызстане (NABU)
1 / 15
© Фото / Немецкий союз охраны природы в Кыргызстане (NABU)
Баткен облусунда фотокапкан ак илбирс жана башка бир нече жаныбарды тартып алган.
"20 фотокапкан жаратылыш коругуна, 22си коруктан сырткаркы аймактарга коюлган. Тартуу аянты Түркстан тоо кыркаларындагы 100 миң гектар жерди түзөт. Фотокапкандар деңиз деңгээлинен 3000 метр бийиктикте дээрлик тогуз ай турду", — деди Эсенбаева.

Ал белгилегендей, 2021-жылдын жай айларында NABU-Кыргызстандын мониторинг боюнча адистери "Сүрмө-Таш" жана "Саркент" коруктарынын кызматкерлери менен биргеликте фотокапкандагы сүрөттөрдү чыгарышкан.

"Кадрга ак илбирс, тоо теке, карышкыр, түлкү, кашкулак, каман, чүткөр, суур, коён, гималай улары, кекилик жана башка айбанаттар түшүп калган", — деди Эсенбаева.

NABU филиалынын директору Толкунбек Асыкуловдун айтымында, адистер алдын ала маалыматтарга ээ болду.

"Эми сүрөткө түшүп калган ар бир жаныбарды идентификациялоо иши турат. Ак илбирс байырлаган аймак өнөктөш жаратылыш уюмдары менен биргеликте изилденип жатат. Биздин негизги максат — Кыргызстандын аймагындагы илбирстердин санын аныктоо", — деди Асыкулов.

"Сүрмө-Таш" мамлекеттик коругу Аңчылык союзунун базасында 2009-жылы түзүлгөн. Анын аянты — 66 194 гектар.

"Саркент" мамлекеттик коругу 2009-жылы түзүлгөн. Анын аянты — 40 миң гектар.

94
Белгилер:
Кыргызстан, жаратылыш, ак илбирс, фотокапкан, Германиянын жаратылышты сактоо союзунун (NABU)
Тема боюнча
Айнектей болгон осьминог. Сейрек жаныбардын Тынч океандан тартылган видеосу
Саясатташкан айбанаттар. Желек "уурдаган" токой жаныбарынын видеосу