Көчөдөгү оңдоо иштери. Архив

Бишкекте бир нече көчө оңдоо үчүн жабылат. Тизме

342
(жаңыланган 16:34 28.07.2021)
Ар бир көчөнү кеңейтүү жана көрктөндүрүү пландалууда. Мэрия оңдоп-түзөө иштеринин качан аяктарын азырынча жарыялай элек.

БИШКЕК, 28-июл. — Sputnik. Бишкекте 30-июлда оңдоо иштерин жүргүзүү үчүн бир канча көчө жабылат. Бул тууралуу мэриянын маалымат кызматы билдирди.

Тактап айтканда, оңдоо иштери Шабдан баатыр көчөсүнүн Ауэзов көчөсүнөн Миң-Булак көчөсүнө чейинки бөлүгүнөн башталат. Жалпы узундугу 350 метр. Айдоочулар бул бөлүктөн Сатыбалдиев көчөсү аркылуу өтө алышат.

Ошондой эле Турусбеков көчөсүнүн Боталиевден Ташкент көчөсүнө чейинки бөлүгү (1 200 метр) оңдолот. Манас проспектиси жана Махатма Ганди көчөсү альтернативдүү жол болот.

Балыкчы — Корумду унаа жолунун курулушу. Архив
© Фото / пресс-служба правительства / Алишер Алиев
Элебаев көчөсүнүн Кулатовдон тарта Лев Толстой көчөсүнө чейинки бөлүгү да реконструкцияланат. Айдоочулар Ибраимов жана Байтик баатыр көчөлөрү аркылуу жүрүп турат.

Тимур Фрунзе көчөсүнүн Гагарин көчөсүнөн Ахунбаевге чейинки бөлүгү (846 метр) оңдолот. Айдоочулар Соң-Көл жана Казиев көчөлөрү менен жүрсө болот.

Маликов көчөсүнүн Гагаринден Алыбаев көчөсүнө чейинки бөлүгү ремонттолот. Репин көчөсү альтернативдүү жол катары колдонулат.

Республика көчөсүнүн Фучик көчөсүнөн Рига көчөсүнө чейинки бөлүгүнөн эски асфальттарды алуу иштери башталган. Оңдолуучу жолдун узундугу 1 274 метрди түзөт. Тротуарлар курулуп, ирригациялык система коюлат.

Месарош көчөсүндө Набережная көчөсүнө чейин бир тарабынан тротуар жасалат. Ирригациялык системалары орнотулуп, люктар жана суу ташкындары агуучу топ капкактар коюлат. Жолду бузуу боюнча иштер башталган.

Мындан сырткары, Кой-Таш кууш көчөсүнүн Ахунбаевден Койбагаровго чейинки бөлүгү оңдолот.

Реконструкциядан кийин жолдун туурасы 8-9 метр болуп, эки тарабына да тротуарлар салынып, ирригациялык системалары орнотулат. Элебаев көчөсүндө автоунааларды токтотуучу жай куруу каралган.

Мэрия шаардагы тогуз көчө оңдолгондугун, дагы 29 көчөдө бул иштер улантылып жатканын белгилейт.

342
Белгилер:
Бишкек мэриясы, жол, көчө, оңдоо, жабуу
Тема боюнча
28-июлда Бишкектин бир катар аймактарында электр кубаты болбойт. Тизме
Ошто согуш ардагерлеринин элесине арналган мрамор плиталары орнотулат. Сүрөт 
Башкы прокуратура. Архив

Башкы прокуратура Жээнбеков менен Зулпукаров канткенде абактан чыгарын айтты  

142
(жаңыланган 22:26 07.12.2021)
Башкы көзөмөл органы мындан аркы кадамдар парламенттин чыгарган чечимине жараша болорун белгилеп жатат.

БИШКЕК, 7-дек. — Sputnik. Башкы прокуратура Жогорку Кеңештин депутаттары Асылбек Жээнбеков, Төрөбай Зулпукаров жана Бакыт Жетигеновду жоопко тартуу сунушу тууралуу түшүндүрмө берди.

Башкы көзөмөл органынын маалыматына ылайык, парламент макулдук берген учурда аталган депутаттар кылмыш жоопкерчилигине тартылат. Ал эми макулдук берүүдөн баш тартса, алардын камактан бошотулушуна негиз болот. Депутаттык ыйгарым укуктарынын мөөнөтү бүткөнгө чейин иш өндүрүштөн убактылуу токтотулат.

“Жогорку Кеңеш өзүнүн ыйгарым укуктарынын алкагында башкы прокурордун сунуштамаларын карап, добуш берүү жолу менен депутаттарды кылмыш жоопкерчилигине тартууга макулдук берүү же баш тартуу чечимин кабыл алат. Демек, кылмыш иши боюнча процессуалдык чечим Жогорку Кеңештин корутундусунун негизинде каралат”, — деп айтылат маалыматта.

Белгилей кетсек, ноябрдын аягында башкы прокурор Курманкул Зулушев үч эл өкүлүн кылмыш жоопкерчилигине тартууга макулдук берүүнү сураган.

Натыйжада анын сунуштамасын кароо үчүн жети депутаттан турган комиссия түзүлдү.

Жээнбеков менен Зулпукаров үстүбүздөгү жылдын июнь айында "Кумтөр" долбоорун ишке киргизүүдөгү коррупциялык иштерге катыштыгы бар деген шек менен кармалган. Алар учурда УКМКнын тергөө абагында.

Ал эми Бакыт Жетигенов бийликти басып алууга белсенген деген шек менен шайлоонун алдында кармалган.

142
Белгилер:
Асылбек Жээнбеков, Төрөбай Зулпукаров, Башкы прокуратура, чечим, абак
Тема боюнча
Абакта отурган Жээнбеков менен Зулпукаровдун кандай байлыгы бар
ПЦР-тест тапшырып жаткан адам. Архив

Россия ПЦР-тесттин жарактуу мөөнөтүн кыскартты. Кыргызстандыктарга таасир этеби? 

90
(жаңыланган 21:48 07.12.2021)
Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

БИШКЕК, 7-дек. — Sputnik. Россияда коронавируска каршы тапшырылган ПЦР-тесттин жарактуу мөөнөтү 72 сааттан 48 саатка чейин кыскартылды. Бул тууралуу РИА Новости Роспотребнадзордун жетекчиси Анна Поповага таянуу менен билдирди.

Мындай чечим коронавирустун өтө жугуштуу "омикрон" штаммы жайылып жатканына байланыштуу кабыл алынган.  

Ошондой эле Попова Россияда колдонулуп жаткан ПЦР-тесттердин баары "омикрон" штаммын жугузгандарды дагы аныктай аларын белгилеген.

Эскерте кетсек, учурда Россияга бара жаткан кыргызстандыктар милдеттүү түрдө 72 сааттан кечиктирбей ПЦР-тест тапшырып, терс жыйынтыгын көрсөткөн сертификат менен кетишет. Демек, изилдөөнүн жыйынтыгынын жарактуу мөөнөтү дагы 24 саатка кыскарат.

90
Белгилер:
ПЦР-тест, Россия, кыскартуу, 'омикрон' штаммы
Тема:
Дүйнөгө жайылган коронавирус
Тема боюнча
"Спутник V" вакцинасы "омикрондон" канчалык коргой аларын дарыгер айтып берди
Казакстан өлкөгө кирүү эрежесин катаалдаштырып, чектөө киргизет
АКШ долларлары. Архив

Улуттук банк бүгүн 71,3 млн. доллар сатып, дагы бир рекорд жаратты    

0
(жаңыланган 22:34 07.12.2021)
Мурунку рекорд эки жума мурун катталган. Анда башкы финансылык ведомство 70,3 миллион долларлык интервенция жасаган.

БИШКЕК, 7-дек. — Sputnik. Улуттук банк бүгүн, 7-декабрда, валюта рыногуна 71,3 миллион доллар сатты. 

Бул 2010-жылдан бери жүргүзүлгөн эң ири интервенция (андан мурунку жылдарга карата маалымат ачык булактарда жок).

Буга чейинки рекорддук көрсөткүч 23-ноябрда катталып, 70,3 миллион доллар сатылган болчу.

Ушуну менен быйылкы жылдын эсебинен 14 жолу интервенция жасалды. Бул аралыкта сатылган доллардын суммасы 633 миллионго жетти. Улуттук банк 24-ноябрда накталай түрүндө дагы 38 миллион доллар саткан.

0
Белгилер:
Улуттук банк, интервенция, доллар, сатуу
Тема боюнча
Улуттук банк ноябрда сомдун курсун кармап туруш үчүн канча акча коротту
Президент салыктан бошоткон ишканаларга беш талап койду. Тизме