Телефон менен колдонуп жаткан адам. Архив

Эшикке чыгып убара болбойсуз. ПЦР-анализдин жыйынтыгын онлайн билүүгө болот

214
(жаңыланган 19:42 28.07.2021)
Министрликтен тапшырган тесттин жыйынтыгын билүү үчүн чалып же бир жакка баруунун кажети жоктугун айтты.

БИШКЕК, 28-июл. — Sputnik. Коронавирус боюнча ПЦР-анализин тапшыргандар анын жыйынтыгын онлайн форматында электрондук саламаттыкты сактоо булагы аркылуу ала алышат. Бул тууралуу Саламаттык сактоо жана социалдык өнүктүрүү министрлигинен кабарлады.

"ПЦР" кошумча баракчасына колдонуучу өзүнүн маалыматтарын (өзүнүн ПИН-кодун жана паспорттук маалыматтарын) киргизүү менен акыркы анализинин натыйжаларын көрө алат. Тесттин жыйынтыгын билүү үчүн сиз чалып же бир жакка баруунун кажети жок", — деп айтылган маалыматта.

Аталган министрликтен бул жарандарга ыңгайлуулук жаратуу максаты көздөлгөндүгүн айтты. Андан сырткары, медициналык маалыматтарды оңой алууда санариптик чечимдерди ишке ашыруудагы иштердин бири экендигин билдирди.

"Зарылчылыкка жараша ПЦР-анализдин натыйжаларын алуу кызматы жакшыртылат. Кызмат тест режиминде ишке киргизилди", — деп айтылган маалыматта.

Учурда Кыргызстанда коронавирус менен ооругандар салыштырмалуу азайып бара жатканы айтылды. Анткен менен медиктер, адистер элди COVID-19га каршы вакцина алуу зарылдыгын эскертүүдө. Мындай кайрылууну бүгүн президент Садыр Жапаров да жасаган.

214
Белгилер:
Кыргызстан, ПЦР-тест, анализ, жыйынтык, сайт
Тема:
Коронавируска байланыштуу Кыргызстандагы кырдаал (2907)
Тема боюнча
Жапаров: бир бейтапты дарылоого 1 миң доллар кетип жатат, сураныч, эмделгиле!
Автоунаалар. Архив

Жакында 453 айыл өкмөттүн башчысы жаңы унаалуу болушу мүмкүн. Жапаровдун планы

6
Өкмөт башчы соңку ирет айыл өкмөттөргө 2006-жылы кызматтык унаалар берилгенин айтып, анда 5 жыл сайын жаңылап туруу пландалганын белгиледи.

БИШКЕК, 27-окт. — Sputnik. Жогорку Кеңештин депутаты Сайдулла Нышанов айыл өкмөт башчыларга жаңы автоунаа алып берүүнү сунуштады.

Эл өкүлү президент жакында акимдерди жаңы автоунаа менен камсыздай турганын айтканын мисал келтирди.

"Ошол эле учурда 453 айыл өкмөттүн дагы маселесин чечиш керек, алар 15 жылдан бери жаңы машинанын жүзүн көрө элек", — деди Нышанов.

Буга министрлер кабинетинин төрагасы Акылбек Жапаров жооп берип, жеке эле айыл өкмөт, аким эмес, жалпы кыргызстандыктардын унааларын электромобилдерге өтүүгө үндөй турганын жана лизингге алып берүүгө даяр экенин билдирди.

"Сиз абдан туура айттыңыз, жүдөп-какап, автоунаалары ремонттон ремонтко барып бузулуп жүрбөш керек. Кереги бар жерлерде машиналардын баары жаңырышы керек. 2006-жылы биз баарына жаңы автоунаа алып бергенбиз. Ошондо сиз экөөбүз беш жыл сайын жаңылап туралы деп сүйлөшкөнбүз. Тилекке каршы, кырдаал өзгөрүп кеткен эле. Азыр, буюрса, акча бар", — деди Жапаров.

Ошондой эле мамлекеттик кызматкерлерди автоунаа менен камсыздоо боюнча атайын план иштеп чыкканын белгиледи.

6
Белгилер:
айыл өкмөтү, аким, Акылбек Жапаров, автоунаа, Сайдулла Нышанов
Тема боюнча
Жапаров акимдерге 60 млн. сомго унаа алуу боюнча тендерди жокко чыгарууну тапшырды
Екатеринбург аэропортундагы жүргүнчүлөр. Архив

Россия 2030-жылга чейин мигранттарды тартуу үчүн кандай аракет көрөрүн айтты

13
(жаңыланган 11:34 27.10.2021)
COVID-19 пандемиясы күч алып кетпесе, Россия алдыдагы он жылдын ичинде мигранттарды тартуу үчүн жакшы шарттарды түүзүп берерин билдирди.

БИШКЕК, 27-окт. — Sputnik. Россия өкмөтү 2030-жылга чейин өлкөдө мигранттардын саны өсүп, улуттук программалардын туруктуу ишке ашышына шарт түзүлөт деп үмүт артууда. Маалымат РФтин Экономикалык өнүктүрүү министрлигинин сайтына жарыяланды.

Документте айтылгандай, Россия келечекте коомго бат аралашып кете турган чет элдик адистерди тартуу жолу менен мигранттардын санын жогорулатууну көздөп жатат.

"Ал үчүн Россия өзү кам көрөт. Мисалы, чет элдиктердин Россияда билим алышына шарттар түзүлөт. Социалдык-маданий жактан бат көнүп кетүү үчүн аракеттер көрүлөт. Ошондой эле жаш жана таланттуу кадрларды тартуу үчүн аларга ыңгайлуу шарттар каралат", — деп айтылат маалыматта.

Мындан тышкары, мигранттар көп келчү өлкөлөрдө орус тилин өнүктүрүү боюнча программалар ишке ашары кошумчаланды.

13
Белгилер:
Россия, миграция, аракет, план
Тема боюнча
Москвада мигранттар COVID-19га акысыз экспресс-тест тапшыра алат. Шарты