БИШКЕК, 29-июл. — Sputnik. Бишкек шаардык милициясынын кайгуул кызмат башкармалыгы ордо калаада бир нече күн бою рейд жүргүзүлөрүн билдирди.
Мекеменин маалымат кызматы кабарлагандай, иш-чара мас абалында унаа башкарган айдоочуларды аныктоо жана борбор шаардагы жол коопсуздугун камсыз кылууга багытталат.
Башкармалыктан билдиргендей, жарым жыл ичинде Бишкек шаарында 1 291 жол-транспорт кырсыгы катталган. Бул көрсөткүч 2020-жылдын алты айына салыштырмалуу 319 аварияга көп.
Алты айдагы кырсыктан 1 643 адам жаракат алган. Кайгуул милициясы жол-транспорт кырсыктарына унааны айдоо маданиятынын жоктугу жана жол эрежелери сакталбагандыгы себеп болгонун белгилейт.
