MegaCom компаниясын имараты. Архив

MegaCom жана 3 банктагы үлүштү сатуу боюнча мыйзам долбоор парламентке түштү

750
(жаңыланган 18:29 29.07.2021)
Программа учурда парламентте жалпы жыйында каралып жатат. Инвестициялар министринин орун басары Нурадил Байысов баяндама жасады.

БИШКЕК, 29-июл. — Sputnik. MegaCom компаниясын жана мамлекеттик банктардагы үлүштөрдү сатуу боюнча токтом долбоор Жогорку Кеңешке түштү.

Аталган программа учурда парламентте жалпы жыйында каралып жатат. Инвестициялар министринин орун басары Нурадил Байысов баяндама жасап, мамлекеттин төмөнкү менчиктерин сатуу сунушталып жатканын билдирди:

  • MegaCom соода маркасы менен таанымал "Альфа Телеком" компаниясынын акциясынын 100 пайызы;
  • "Кепилдик фондунун" 14,09 пайызы;
  • "Керемет банктын" 0,74 пайызы;
  • Евразиялык сактык банктын 76,56 пайызы.

Процедурага ылайык, бул программа Жогорку Кеңештин токтому менен бекитилиши керек.

Активдер тууралуу кыскача маалымат

"Керемет банк" (алгач "Азия универсал банкынын" активдеринин базасында "Залкар банк" болуп түзүлүп, кийин "Росинбанк" болуп өзгөргөн. 2019-жылдан бери ушул аталышта) — негизги акционери Улуттук банк (97,45 пайыз);

"Кепилдик фонду" ААК — акцияларынын 85 пайызынан көбү Улуттук банкка таандык, калганы мамлекетке тиешелүү. Фонддун милдети — банктан насыя алууда чакан жана орто ишкерлик субъектилерине кепилдик берүү;

Евразиялык сактык банкы — банктын сайттагы маалыматтарына ылайык, акциясынын 66,6 пайызы Маммүлккө тиешелүү. Андан кийин фонд дагы 10 пайызына кошумча ээлик кылып калган. Ушу тапта банкта Убактылуу администрациянын атайын режими иштейт;

"Альфа Телеком" ЖАК — уюлдук оператор, акциясынын 100 пайызы Маммүлккө таандык. Компанияны сатууга бир нече ирет аракет болгон, бирок биринен да майнап чыккан эмес.

750
Белгилер:
Альфа Телеком” ЖАК, сатуу, жер үлүшү
Тема боюнча
"Айыл банк" жана дагы эки объектинин акциясын сыртка сатуу сунушталууда
Босого 5%, аялдардын квотасын азайтуу. Парламент жаңы шайлоо мыйзамын колдоду
Бишкектеги Ала-Тоо аянтында ойногон балдар. Архивдик сүрөт

Жума күнүнө карата аба ырайы

0
17-сентябрда өлкөнүн дыйканчылык аймактарында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 16-сен. — Sputnik. Жума күнү айрым жерлерде туруксуз аба ырайы күтүлүп, кээ бир өрөөндөрдө жаан-чачын катуу жаашы ыктымал. Бул тууралуу Кыргызгидромет билдирди.

Абанын температурасы Чүй облусунда +27…+32, Ысык-Көл, Нарын өрөөндөрүндө +22…+27, Ош, Жалал-Абад, Баткен аймактарында +30…+35, Таласта +26…+31 градус болот.

Күндүн табы Бишкекте +30…+32, Ош шаарында +33…+35 градуска жогорулайт.

0
Белгилер:
аба ырайы, сентябрь, Кыргызстан
Тема боюнча
Сары-Чат — Ээр-Таш коругунда чет элдик компания жол куруп жатабы? Расмий жооп
Ички иштер министринин мурдагы орун басары Курсан Асанов. Архивдик сүрөт

Курсан Асанов №50 тергөө абагына эки айга камакка алынды

12
(жаңыланган 20:59 16.09.2021)
Асанов бийликти күч менен басып алууга шектелип, Жазык кодексинин 309-беренесинин негизинде кармалган. Ал ушул жылдын 14-ноябрына чейин абакта болмокчу.

БИШКЕК, 16-сен. — Sputnik. Ички иштер министринин мурдагы орун басары Курсан Асанов Биринчи май райондук сотунун чечими менен №50 тергөө абагына эки айга камакка алынды.

Анын бөгөт коюу чарасы бүгүн, 16-сентябрда, тандалды. Ал сотко чейинки өндүрүш мөөнөтүнө чейин, тагыраагы, ушул жылдын 14-ноябрына чейин абакта болмокчу. 

Асанов бийликти күч менен басып алууга шектелип, Жазык кодексинин 309-беренесинин негизинде кармалган.

Эске салсак, Курсан Асанов октябрь окуялары учурунда, тагыраагы, 6-октябрда ИИМдин жетекчилигине келип, бир нече күндөн кийин иштен кеткен.

Ал эми 26-январда кармалган. Ага 5-6-октябрь окуяларында Ички иштер министрлигин басып алууга аракеттенген деп Жазык кодексинин 245-беренесинин 1-бөлүгүнүн ("Имараттарды жана курулмаларды басып алуу") негизинде айып тагылган.

Экс-министр андан төрт ай өткөндөн кийин 12-апрелде Бишкек шаардык сотунун чечими менен баш коргоо чарасы өзгөртүлүп, үй камагына чыгарылган болчу.

12
Белгилер:
Курсан Асанов, камак, соттук чечим
Тема боюнча
Мурдагы премьер-министр Жоомарт Оторбаев кармалды
Адвокат: Атамбаев, Асанов, Акаев бийликти күч менен басып алууга шектелүүдө