Бишкек — Ысык-Көл унаа жолу. Архив

Ысык-Көлгө бараткан жолдо наркологдордун катышуусунда рейддер жүргүзүлөт

80
(жаңыланган 11:31 02.08.2021)
Акыркы үч күндө Кемин районунда инспекторлор рейд жүргүзүп, мас болуп рулга отурган жана ылдамдыкты жогорулатып жол жүргөн айдоочуларды аныктаган.

БИШКЕК, 2-авг. — Sputnik. Ысык-Көлгө бара жаткан жолдо жума сайын наркологдордун коштоосунда рейддер жүргүзүлүп турат. Бул тууралуу Чүй облусунун Жол кыймылынын коопсуздугун көзөмөлдөө башкармалыгынын маалымат кызматы кабарлады.

Мындай чечим туристтик сезондун алкагында жана жол кырсыктары көбөйүп жатканына байланыштуу кабыл алынган.

ЖКККББ белгилегендей, 30-июлдан 1-августка чейин Кемин районунда "Бахус" деген аталыштагы иш-чара өткөрүлгөн.

Үч күндө 227 протокол түзүлүп, мас болуп рулга отурган беш айдоочу аныкталган. 196 киши ылдамдыкты жогорулатып айдаган.

80
Белгилер:
Ысык-Көл облусу, ЖКККББ, рейд, нарколог, жол кырсык
Тема боюнча
Жаңы кол кармашкан жуптар сүрөткө түшөбүз деп "жол кырсыгына кабылды". Видео
Капельницалар улануу учурунда. Архив

Бишкекте тамакка ууланган адамдардын саны 300гө жетти

7
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

7
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме
Паркка бак тигүү. Архив

Кагаз калдыгын көчөткө алмаштырып, паркка бак тиге аласыз. Акция

17
Борбор калаадагы "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

БИШКЕК, 28-окт. — Sputnik. Бишкекте "Бир жарандан бир көчөт" деп аталган акция өтүп, кагаз калдыктарын тапшырган киши калаадагы паркка бак отургузууга мүмкүнчүлүк алат. Бул тууралуу Айыл чарба министрлигинин маалымат кызматынан кабарлады.

Анын алкагында "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

"Аталган министрлик "Шаардык парктар" муниципалдык кызматы менен биргеликте 30-октябрда экологиялык акция өткөрүп, ага катышууну каалагандарды чакырат. 3 килограмм кагаз калдыгын же беш даана желим бөтөлкөнү бир көчөткө алмаштырып, аталган парктардын аймагына бак отургузса болот", — деп билдирди маалымат кызматы.

Иш-чара ишемби күнү саат 10:00дө башталмакчы.

17
Белгилер:
Кыргызстан, Бишкек, парк, көчөт, кагаз, акция
Тема боюнча
Күнгө чагылышкан алтын күз. Бишкектин көз талдырган видеосу