Медициналык кызматкер ооруканада. Архив

COVID 9 кишинин өмүрүн алып кетип, 840 адам ооруп калды. 5-августтун маалыматы

114
(жаңыланган 09:56 05.08.2021)
Мурдагы күндөргө салыштырмалуу Кыргызстанда коронавирустун мизи кайтып бара жатканы менен адам өлүмү азайбай жатат.

БИШКЕК, 5-авг. — Sputnik. Кыргызстанда соңку суткада 840 адамдан коронавирус чыгып, 9 бейтап көз жумду. Бул туурасында Республикалык штабдан кабарлашты.

COVID-19 соңку суткада төмөнкү аймактардан чыккан:

  • Бишкек - 476;
  • Ош шаары - 8;
  • Чүй облусу – 131;
  • Ош облусу – 31;
  • Талас облусу - 9;
  • Нарын облусу - 11;
  • Ысык-Көл облусу – 54;
  • Жалал-Абад облусу – 78;
  • Баткен облусу – 42.

Пандемия башталгандан тарта коронавируска кабылгандардын саны 167 076 адамга чукулдап барды.

Учурда ооругандарга караганда, айыккандар көп болууда. Соңку суткада 1 550 бейтап сакайган. Ал эми инфекцияны жеңгендерди жалпы саны Кыргызстан боюнча 152 402 адамга чамалап барат.

Мурдагы күндөргө караганда Кыргызстанда коронавирустун мизи кайтып бара жатканы менен адам өлүмү азайбай жатат. Тилекке каршы, ооруканада оору менен күрөшүп жаткан бейтаптардын ичинен тогуз адам каза болуп калды. Республикалык штаб Кыргызстанда баш-аягы 2372 адам бул инфекциядан көз жумганын эсептеп чыгарды.

Учурда Кыргызстанда стационарда 3306 бейтап жана амбулатордук түрдө 7629 адам дарыланып жатат.

114
Белгилер:
Кыргызстан, коронавирус, статистика, өлүм, оору
Тема:
Кыргызстандагы коронавирус жуктуруп алгандар (1777)
Тема боюнча
Окумуштуулар балдар коронавирусту канча күндө жеңип кетерин аныктады
COVID: Бишкек жана Чүйдүн ооруканаларында 4-августта канча бош орун бар. Тизме
Кол чатыр көтөрүп баратан жуп. Архив

Ишембиге карата аба ырайы

254
23-октябрда өлкөнүн дыйканчылык аймактарында жаан карга айланып, тоолуу райондордо кар жаайт. Айрым жерлерде батыштан соккон шамалдын ылдамдыгы секундасына 15-20 метрге жетет.

БИШКЕК, 22-окт. — Sputnik. Ишембиде республиканын тоолуу райондорунда жолдорго муз тоңуп, тайгак болот. Бул тууралуу Кыргызгидромет билдирди.

Абанын температурасы Чүй облусунда +6…+11, Талас өрөөнүндө +5…+10, Ош, Жалал-Абад, Баткен аймактарында +9…+14, Ысык-Көлдө +2…+7, Нарында 0…+5 градус болот.

Бишкек жана Ош шаарларында күндүз жаан-чачын күтүлбөйт. Күндүн табы борбордо +9…+11, Ош шаарында +11…+13 градусту көрсөтөт.

254
Белгилер:
аба ырайы, Кыргызстан
Тема боюнча
Күнгө чагылышкан алтын күз. Бишкектин көз талдырган видеосу
Аэропорттогу жүргүнчүлөр. Архив

Россиялыктар арасында бир апталык эс алууда Кыргызстанга келгиси келгендер бар

114
(жаңыланган 23:15 22.10.2021)
Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин дем алыш жарыялаган.

БИШКЕК, 22-окт. — Sputnik. Россиянын саякаттоо сервиси боюнча анализ жүргүзгөн Туту.ру сайты алдыдагы бир апталык деп алышта жарандар кайсы мамлекеттерге көбүрөөк бара турганын жарыялады.

Россиянын жашоочулары 30-октябрдан тарта 7-ноябрга чейин барып келүүнү пландаган алдыңкы 10 мамлекеттин ичинде Кыргызстан дагы бар.

Россиялыктар барууну пландаган өлкөлөрдүн ондугу (эл аралык авиакаттамдарга билет алгандардын жалпы санынан пайыз менен бөлүп көрсөтүлөт):

  • Өзбекстан — 16,6 пайыз;
  • Армения — 14,1;
  • Түркия — 13,5;
  • Кыргызстан — 9,6;
  • Азербайжан — 6,6;
  • Молдова — 6,1;
  • Беларусь — 4,4;
  • Кипр — 3;
  • Казакстан — 2,8;
  • Египет — 1.

Эске салсак, Россиядагы коронавируска байланыштуу эпидемиологиялык абал оорлошуп кеткенине байланыштуу өлкө президенти Владимир Путин 30-октябрдан 7-ноябрга чейин эс алуу жарыялаган. Ошондой эле ал абал жакшырбаса, дем алыштын мөөнөтү узартыларын кошумчалады.

114
Белгилер:
Россия, пандемия, эс алуу, билет, Кыргызстан
Тема боюнча
Россиялыктар коронавирустан улам 30-октябрдан 7-ноябрга чейин эс алмай болду
Москвада коронавирустан улам бир катар чектөөлөр кирди. Тизме
Голос долбоорунун сахнасы. Архив

Кыргызстандык "Голос" шоусуна катышып, Билан менен Агутинди таң калтырды

0
(жаңыланган 00:18 23.10.2021)
Бишкектик ырчы Адилет Жумабековду дароо үч насаатчы командасына алгысы келди. Ал долбоордогу чыгармасын апасына арнаган.

БИШКЕК, 23-окт. — Sputnik. Кыргызстандык Адилет Жумабеков Россиянын "Голос" шоусунун кийинки этабына өттү.

Бул шоуда насаатчылар аткаруучуларды артты карап алып угуп, жакса бурулушат. Адилет кесипкөй ырчы эмес экенин, бирок бир нече аспапта ойной турганын айткан.

"Апам төрт баланы жазгыз өстүрдү. Мен музыкалык окуу жайда окучумун, бирок финансылык кыйынчылыктан улам музыкант, ырчы болуп иштеп кеткем. "Голос" долбоору — менин көптөн берки кыялым", — деген Жумабеков.

30 жаштагы бишкектик ырчы долбоордо Boyz II Men — End of the road ырын аткарды. Ал ырдап жатканда Александр Градский, Леонид Агутин менен Дима Билан бурулуп караган. Залда отургандар да ага кол чаап, "Баракелде!" деген. 

Пелагея кыргызстандык ырчынын аткаруусуна таң берген, Агутин стилин жана тембрин баалаган, Билан дагы аны өз командасынан көргүсү келип жатканын билдирген. Натыйжада Жумабеков Биланды тандаган.

0
Белгилер:
Россия, 'Голос' долбоору, ырчы
Тема боюнча
Бишкекте "Орто Азия романсиадасы" конкурсунун жеңүүчүлөрү аныкталды. Сүрөт