Калкты тейлөө борбордун кызматкерлери. Архив

Калкты тейлөө борборлору 9-августтан тарта мурдагы иш графигине кайтат

71
(жаңыланган 11:29 05.08.2021)
4-июлдан тарта Кыргызстандагы бардык Калкты тейлөө борборлору сынамык долбоордун негизинде жаңы график менен саат 8:00дөн 19:00гө чейин иштеп жаткан.

БИШКЕК, 5-авг. — Sputnik. 9-августтан тарта Калкты тейлөө борборлору мурдагыдай тартипте иштей баштайт. Бул тууралуу Санариптик өнүктүрүү министрлигинен кабарлашты.

Эске салсак, ушул жылдын 4-июлунан тарта Кыргызстандагы бардык Калкты тейлөө борборлору сынамык долбоордун негизинде жаңы график менен саат 8:00дөн 19:00гө чейин иштеп жаткан. 

"Бул өзгөртүүлөр жарандарга жайкысын ыңгайлуу болсун деген максатта киргизилген. Бирок бул график натыйжасын көрсөтө алган жок. Андыктан кайрадан мурдагы режимде иштөөсүн улантат", — деп айтылат билдирүүдө.

Белгилей кетсек, аталган борборлор 9:00дөн 18:00гө чейин иштейт.

Бул жерден Бишкектеги Калкты тейлөө борборлорунун тизмеси жана даректерин көрө аласыз.

71
Белгилер:
Кыргызстан, Бишкек, Калкты тейлөө борбору, график
Тема боюнча
Калкты тейлөө борборлорунан эми соттолбогондук боюнча справка алса болот
Эмделгендиги тууралуу сертификатты кайдан алса болот? Электрондук даректер
Бишкектеги Калкты тейлөө борборунда эмдөө пункту ачылды
Паркка бак тигүү. Архив

Кагаз калдыгын көчөткө алмаштырып, паркка бак тиге аласыз. Акция

2
Борбор калаадагы "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

БИШКЕК, 28-окт. — Sputnik. Бишкекте "Бир жарандан бир көчөт" деп аталган акция өтүп, кагаз калдыктарын тапшырган киши калаадагы паркка бак отургузууга мүмкүнчүлүк алат. Бул тууралуу Айыл чарба министрлигинин маалымат кызматынан кабарлады.

Анын алкагында "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

"Аталган министрлик "Шаардык парктар" муниципалдык кызматы менен биргеликте 30-октябрда экологиялык акция өткөрүп, ага катышууну каалагандарды чакырат. 3 килограмм кагаз калдыгын же беш даана желим бөтөлкөнү бир көчөткө алмаштырып, аталган парктардын аймагына бак отургузса болот", — деп билдирди маалымат кызматы.

Иш-чара ишемби күнү саат 10:00дө башталмакчы.

2
Белгилер:
Кыргызстан, Бишкек, парк, көчөт, кагаз, акция
Тема боюнча
Күнгө чагылышкан алтын күз. Бишкектин көз талдырган видеосу
Колунда телефону бар маскачан кыз. Архив

Дарыгер: Бишкектеги унаа сүзүп кеткендердин 80%ы телефон карап бараткандар

15
(жаңыланган 10:52 28.10.2021)
Дарыгер айдоочулардын да, жөө адамдардын да колунан телефон түшпөй калганын белгилеген. Өлкөдө күнүнө жол кырсыгынан эки адам көз жумары айтылды.

БИШКЕК, 28-окт. — Sputnik. Бишкекте автоунаа сүзүп кетип жабыркаган же каза болгон жөө адамдардын 80 пайызы телефон карап баратып кырсыкка кабылат. Бул тууралуу Травматологиялык жана ортопедиялык илим изилдөө борборунун Тез жардам кызматы бөлүмүнүн травматологу Бекназар Жунусов Sputnik Кыргызстан агенттигинин маалымат борборунда өткөн тегерек столдо билдирген.

Посмотреть эту публикацию в Instagram

Публикация от Sputnik Кыргызстан (@sputnik.kg)

"Биздин эң көйгөйлүү маселе бул — мобилдик телефон, кулакчындар. 70-80 пайызы телефон менен кулакчынга алаксып жол кырсыгына кабылууда. Бала жолдон өтүп баратканда биринчи автоунаа токтойт. Айдоочу караса баланын колунда телефон, анан кулакчын. Ошол маалда экинчи автоунаа келет дагы аны сүзүп кетет", — деди Жунусов.

Дарыгер ошол эле учурда айдоочулардын көбү дагы автоунаа башкарып бара жатып телефон колдонорун белгилеген.

"Буга чейин инспекторлор айып салчу, азыр андай жок. Айдоочу телефонду каалагандай колдонот. Баарын өзүбүз жасап жатабыз. Бүт баарынын колунан телефон түшпөйт. Басып баратса деле, автоунаада болсо да, жолдон өтөрдө деле колдорунда смартфон", — деген ал.

Тегерек столдо күнүнө Кыргызстанда эки адам жол кырсыгынан каза болору айтылган.

15
Белгилер:
Кыргызстан, жол кырсык, телефон, дарыгер
Тема боюнча
Айып пул төлөбөгөн айдоочуларга жаңы жаза сунушталууда
Кайгуул милициясынын кызматкерлери канча айлык алат? Жооп