Окуучулардын рюкзактары мектептеги класста. Архив

Окуучулар сентябрда кадимки тартипте окуйбу? Министрликтин жообу

5464
(жаңыланган 12:19 05.08.2021)
Билим берүү жана Саламаттык сактоо министрлиги мектептерде окутуу формасын чечүүнү кабыл алуу үчүн эки факторду эске алышкан.

БИШКЕК, 5-авг. — Sputnik. Билим берүү жана илим министринин орун басары Надира Жусупбекова окуучулар менен студенттер 1-сентябрдан тарта кандай тартипте окуй турганын айтты.

"Биз бул маселеде эки факторду эске алдык. Биринчиси — педагогдорду эмдөө. Кыргызстанда 120 миңге чукул мугалим иштейт. Азыркы тапта анын 60 пайызынан көбү вакцина алды. Калган бөлүгү да медиктердин уруксаты менен эмделет деп ойлойбуз. Экинчисинде окутуу формасын чечүүдө ар бир облус ошол аймактагы эпидемиологиялык кырдаалга жараша чечим кабыл алат", — деди Жусупбекова.

Ал мектеп, университет, лицей, бала бакчалар кадимки тартипте иштеп баштоо үчүн министрлик Саламаттык сактоо жана социалдык өнүктүрүү министрлиги менен чогуу иштеп жатканын белгилеген.

5464
Белгилер:
Билим берүү министрлиги, КР Саламаттык сактоо министрлиги, окуу, мектеп, бала бакча
Тема боюнча
Окуу жылына даярдык. Мугалим, тарбиячылардын дээрлик көбү вакцина алды
Министрлик: 1-сентябрда мектептер онлайн иштей башташы мүмкүн
Кыргызстандык мушкер Валентина Шевченко

Силерди жакшы көрөм! Шевченконун Кыргызстанга салам жолдогон видеосу

35
Мушкер күнөстүү Кыргызстанына саламын айтып жана колдоосу үчүн бардык орус тилдүү өлкөлөргө ыраазчылыгын билдирген.

БИШКЕК, 26-сен. — Sputnik. Кыргызстандык мушкер Валентина Шевченко жеңишинен кийин октагондо туруп берген маегинде Кыргызстанга салам жолдоп, ыраазчылыгын билдирди.

Белгилей кетсек, UFC уюмунун жеңил салмактагы чемпиону Шевченко бүгүн, 26-сентябрда, америкалык Лорен Мерфини жеңип, алтынчы ирет чемпиондук наамын коргоп калды.

"Күнөстүү Кыргызстаныма салам жолдойм, бардык орус тилдүү өлкөлөргө. Колдооңуздар үчүн чоң рахмат. Мен сиздерди жакшы көрөм жана урматтайм!" — деди Шевченко.
Посмотреть эту публикацию в Instagram

Публикация от UFC Russia (@ufcrussia)

Беттеш АКШнын Лас-Вегас шаарындагы T-Mobile спорттук аренасында өттү.

33 жаштагы Шевченко буга чейинки кармашында эң жеңил салмактын экс-чемпиону, бразилиялык Жессика Андрадени утуп, UFC уюмунун чемпиону наамын бешинчи ирет коргогон.

38 жаштагы Мерфи 2009-жылы жиу-житсу ийримине баласын алып барып, ошондон кийин өзү да спортко баш-оту менен кирип кеткен. Жарым жылдан кийин ММА эрежелери боюнча алгачкы кесипкөй мелдешин өткөргөн. Андан бери 19 ирет рингге чыгып, 15 жолу жеңүүчү болгон.

35
Белгилер:
Кыргызстан, Валентина Шевченко, жеңиш
Тема боюнча
Валентина Шевченко атаандашы Лорен Мерфини шайын кетирип утуп алды. Видео
Ооруканадагы дарыгер. Архив

Кыргызстанда бир күндө 56 адамдан COVID аныкталып, бир киши каза тапты

14
(жаңыланган 10:43 26.09.2021)
Азыркы тапта ооруканаларда 508 бейтап жатат, ал эми үй шартында 824 киши дарыланууда. Каза болгон адамдын вакцина албаганы белгиленди.

БИШКЕК, 26-сен. — Sputnik. Кыргызстанда соңку бир сутканын аралыгында 56 адамдан коронавирус аныкталды. Бул туурасында Республикалык штаб билдирди.

Жаңы учурлар төмөнкү аймактарда катталды:

  • Бишкек - 29;
  • Ош шаары - 1;
  • Чүй облусу – 10;
  • Ош облусу – 1;
  • Ысык-Көл облусу – 11;
  • Жалал-Абад облусу – 4.

Пандемия башталгандан бери жалпысынан 178 258 кыргызстандык COVID жуктурган.

Ал эми бир сутка ичинде 84 адам айыгып чыкты, ушуну менен ооруну жеңгендердин саны 172 848ге жетти.

Тилекке каршы, бир адам каза болгон. Ал COVID-19га каршы вакцина албаган деп белгиленет. Кооптуу вирустан ажал тапкандардын саны 2 600 адамды түздү.

Азыркы тапта ооруканаларда 508 бейтап жатат, ал эми үй шартында 824 киши дарыланууда.

14
Белгилер:
коронавирус, Кыргызстан, статистика, жуктуруу, айыгуу
Тема:
Кыргызстандагы коронавирус
Тема боюнча
Бишкекте вакцинадан кийин каза болду деген аял. Министр себебин айтты
Вакцина алган энелердин карынында жаткан балдардан антитело табылды
Талибан кыймылынын мүчөлөрү. Архив

Саясат таануучу Өзбекстандын талибдерге көз карашы кандай экенин айтты

12
(жаңыланган 11:43 26.09.2021)
Буга чейин Өзбекстандын президенти Шавкат Мирзиёев ШКУ саммитинде "ШКУ — Афганистан" форматында талкуу өткөрүүнү сунуштаган.

БИШКЕК, 26-сен. — Sputnik. "Валдай" клубунун адиси, саясат таануучу Фархад Ибрагимов афган окуясынан кийин Борбордук Азиядагы абал жана Ташкенттин бул өлкөнүн жаңы бийлигине мамилесин түшүндүрүп берди. Бул тууралуу Sputnik Өзбекстан агенттиги жазды.

Буга чейин Өзбекстандын президенти Шавкат Мирзиёев ШКУ саммитинде "ШКУ — Афганистан" форматында талкуу өткөрүүнү сунуштаган.

Саясат таануучунун айтымында, бул Ташкент менен ШКУ "Талибан"* кыймылы менен диалогго барууга даяр болуп калганын түшүндүрөт.

"Муну талибдер белги катары кабыл алса болот. Демек, башкалар аларды укканга даяр, болгону Афганистандын жаңы бийлиги жооп бериши керек. Алар макулдугун берсе ШКУ тараптан диалог үчүн аянтча түзүлөт. Тараптар ымга келе албаган күндө дагы бири-биринин пикирин билүүгө мүмкүнчүлүк пайда болот", — деди адис.

Ошондой эле ал аймакта ар бир өлкөнүн Афганистанга жана талибдерге карата өз түшүнүгү бар экенин кошумчалады.

"Иран менен Тажикстан Афганистанда инклюзивдик (коомдо ар бир адамга тең укук берген) өкмөттүн түзүлбөй жатканына нааразы болууда. Ал эми Өзбекстан эгер талибдер "кызыл сызыктан" өтпөй турган болсо, жаңы Кабул менен иштешүүгө даяр", — деди ал.

2021-жылдын июнь айынан бери "Талибан"* кыймылы активдешип, августта Афганистанды толук каратып алган. Кийин Афганистанда 20 жылга созулган согуш аяктаганын билдирген. Убактылуу өкмөт куралып, ушу тапта Өзбекстан, Казакстан жана Кытай кызматташууга даяр экенин расмий жар салган.

Ал эми өтүп бара жаткан аптада Кыргызстандын Коопсуздук кеңешинин төрагасынын орун басары Таалатбек Масадыков Кабулга гуманитардык жардам жеткирип барып, талибдер дайындаган тышкы иштер министринин милдетин аткаруучу Амир Хан Муттаки менен протоколдук жолугушуу өткөрүп келген.

* — Кыргызстан, Россия жана башка бир катар мамлекеттерде тыюу салынган уюм.

12
Белгилер:
Кабул, Өзбекстан, Борбордук Азия, мамиле
Тема:
Афган бийлиги менен талибдердин тиреши
Тема боюнча
Масадыковдун Афганистанга барганы боюнча президенттин аппараты түшүндүрмө берди
Талибдер Тажикстанга чектеш афгандык Тахар аймагына миңдеген согушкер жиберди