Равшан Жээнбековду үй камагынан Бишкектеги тергөө абагына киргизишти. Себеби

© Sputnik / Нургуль МаксутоваСаясатчы Равшан Жээнбеков. Архив
Саясатчы Равшан Жээнбеков. Архив - Sputnik Кыргызстан, 1920, 05.08.2021
Жазылуу
Жээнбеков былтыркы жылдын октябрь айынан бери үй камагында отурган. Ал эми ага чейин Кой-Таш окуясы боюнча фигурант болгондуктан бир жылга чукул абакта калтырылган.

БИШКЕК, 5-авг. — Sputnik. Саясатчы Равшан Жээнбеков Бишкектеги №1 тергөө абагына киргизилди. Бул туурасында Биринчи май райондук сотунан кабарлашты.

Эми ал 5-октябрга чейин аталган жайда кармалат.

"Айыптоочу тарап ал үй камагынын тартибин бузду деп кине такты. Бирок ал саат 22:00дөн кийин эшикке чыкса да тартип коргоо органдарынан жашырынбай жана сотторго басым кылган эмес. Эреже сакталган", — деди жактоочу.

Мурдагы президент Алмазбек Атамбаев. Архив - Sputnik Кыргызстан, 1920, 05.08.2021
Алардан арылыш керек! Абактагы мурдагы президент Атамбаев Садыр Жапаровго кеңеш берди
Жээнбеков анын баш коргоо чарасы өзгөртүлөрүн кечээ социалдык тармактагы баракчасына жазып, абакта чачтарач жок болгондуктан чачын тегиздетип алып барарын айткан.

Саясатчы соттун жогорудагы чечиминен кийин журналисттерге саясий куугунтуктоого кабылганын билдирген.

Белгилей кетсек, Жээнбеков 2019-жылы декабрда кармалып, Кылмыш-жаза кодексинин 244 ("Барымтага алуу") жана 264-беренелери ("Массалык башаламандык уюштуруу") боюнча айып тагылган. Сот иштери уланып, 2020-жылы октябрда үй камагына чыгарылган.

Жаңылыктар түрмөгү
0