Кары адам. Архив

Окумуштуулар адамдын өлүмү жакындаганын эмнеден билсе болорун айтты

471
Илимпоздор изилдөөнү XX кылымдын этегинде эле баштап, ага 35 жаштан 55 жашка чейинки алты миң ыктыярчыны тартышкан. Андан кийин маал-маалы менен байкоо салып турушкан.

БИШКЕК, 7-авг. — Sputnik. 65 жаштан өткөн адамдарда кыймыл функциясынын бузулушу өлүмү жакындап келе жатканынан кабар бериши мүмкүн. Бул тууралуу РИА Новости The BMJ илимий журналына шилтеме берип жазды.

Изилдөө XX кылымдын этегинде эле башталганы айтылат. 1985-1988-жылдар аралыгында франциялык жана британиялык илимпоздор социалдык, биологиялык жана жүрүм-турум факторлорунун ден соолукка тийгизген таасирин изилдешкен. Ага 35 жаштан 55 жашка чейинки алты миң ыктыярчы катышкан.

Андан кийин 2007-2016-жылдар аралыгында катышуучулардын кыймыл функцияларына үч жолу байкоо жүргүзүшкөн. Сурамжылоодо ыктыярчылардын жөө баскандагы ылдамдыгын, отургучтан канча убакытта турарын, бир нерселерди кармап, көтөрүүдөгү күчүн, ошондой эле күнүмдүк жашоодогу кыймылын, мисалы, кийинүүгө, ажаткананага барууга, тамак жасоого жана дүкөнгө барууга кеткен убактысын жана андагы кыйынчылыктар тууралуу сурашкан.

Үчүнчү этап 2019-жылы өткөн. Бул ирет адистер катышуучулардын арасында канча адам көз жумганын эсептешкен.

Факторлордун бардыгын анализдеп чыккандан кийин эксперт тобу басуусу кыйын болгондордун өлүм коркунучу 22 пайызга, бир нерсени араң көтөргөндөрдүкү 15 пайызга, отургучтан турууга көп убакыт кетиргендерде 14 пайызга, ошондой эле күнүмдүк жашоодо кыймылынан оорчулук тарткандардыкы 30 пайызга жогорулаганын аныкташкан.

Ошондой эле изилдөө бүткөндөн кийин да каза тапкан ыктыярчылардын кыймыл-аракетинде көйгөйлөр болгону белгиленет.

471
Белгилер:
окумуштуулар, изилдөө, өлүм, кыймыл
Тема боюнча
Окумуштуулар COVID-19дун эркектерди өлүмгө тартуучу жагдайларын аныкташты
Адис: ысыктан жүздөгөн кишилер кырылып, планета жашоого жараксыз болуп баратат
Кытайлык кыргыз, ишкер Каныбек Толкун уулу

Толкун уулу: алган билимим менен бөлүшүү үчүн окуу борборун ачтым

2
Кытайлык кыргыз, ишкер Каныбек Толкун уулу Кыргызстанга келип жети жылдын ичинде алган билимин кийинки муун менен бөлүшүү үчүн билим берүү курстарын, улуттун маданиятын сактап калуу, жайылтуу максатында маданий борбор ачканын айтты.

Ааламдашуу заманында маданияттар жуурулушуп, кээ бирлери унутта калып барат. Улуттук маданияттын өксүгүн толтуруу максатында маданий жана билим берүү борборун ачтым. Бул тууралуу Каныбек Толкун уулу Sputnik Кыргызстан радиосунун эфиринде маек куруп жатып билдирди.

Толкун уулу: алган билимим менен бөлүшүү үчүн окуу борборун ачтым

Анын айтымында, "Билгистан" билим борборуна билгендерин башкалар менен бөлүшөм деген адистер келип курстарда сабак өтсө болот.

"2018-жылы "Этностан" маданий борбору ачылды. Башка ушул өңдүү жайлардан айырмаланып, этникалык кыргыздарды, маданий мурастарды изилдеп, жайылтууну жана этникалык кыргыздар жашаган өлкөлөр менен маданий карым-катнашты, мамилени жандандырууну көздөйт. Буга чейин кытайлык кыргыздардын бир нече чыгармасы кыргыз тилине которулуп жазылды. Себеби кытайлык кыргыздардын жазуусу бул жактагыга караганда айырмаланат. Ошондой эле дастан, өлөң айтууну жайылтуу максатында чыгармалар кыргызчага которулду. Жусуп Мамайдын айтуусундагы "Манас" эпосу боюнча аткарылбай калган иштерди жасоого аракеттер көрүлүүдө. Чыңгыз Айтматовдун чыгармаларынын негизинде жазылган Кытайдагы макалалардын жыйнагын да кыргыз элине сунсак деп чогултуп жүрөбүз. Бейзаттык маданий мурастарды пропагандалоо үчүн маданий иш-чараларды уюштуруу — алдыдагы планыбыз. Андан соң жеке өнүгүү, бизнес жана тил үйрөтүү багытында сабактардан турган "Билгистан" билим берүү борборун ачтык. Аталган борбор билимдүү жаш адистердин кийинки муун менен билимин бөлүшүүсүнө көпүрө болуп, экинчи жагынан курстан түшкөн каражатка "Этностан" маданий борборунун айрым долбоорлорун жасап, эки борбор канатташ иш алып барууда", — деди Толкун уулу.

Ал билим борборунда кытай, англис, араб тилдери үйрөтүлөрүн, SMM жана тез окуу курстары да бар экенин кошумчалады.

2
Белгилер:
билим, маданият, курс, иш-чара, жаштар
Тема боюнча
Султан уулу: улуттук руханий өзөктү өзүбүзгө кайтаруу — башкы милдетибиз
Министрлер кабинетинин төрагасы Акылбек Жапаров

Жүк ташуучу автоунаалар көбөйтүлөт. Акылбек Жапаров "Торугартка" барды

44
Жапаров учурда Нарында жумушчу сапары менен жүрөт. "Торугарттан" тышкары, Тайлак баатыр атындагы чек ара аскер бөлүгүнүн заставасынын абалы менен таанышты.

БИШКЕК, 18-окт. — Sputnik. Министрлер кабинетинин төрагасы Акылбек Жапаров Нарын облусуна болгон жумушчу сапарынын алкагында "Торугарт" көзөмөл-өткөрүү жайына  барды. Бул тууралуу өкмөттүн маалымат кызматы кабарлады.

Жапаров "Фантузи" контейнердик кранынын иши менен таанышып чыккан.

"Ал мындан ары жүктөөлөр Арка аймагында  (Арка — Кытай менен Кыргызстандын чек арасынын ортосундагы нейтралдуу аймак) эмес, "Торугарт" көзөмөл-өткөрүү пунктунда ишке ашырыларын жана жүк ташуучу автоунаалардын саны көбөйтүлө турганын белгилеген.  Ошондой эле министрлер кабинетинин башчысы дезинфекциялык барьердин абалы менен таанышып, анын инфраструктурасын жакшыртууну тапшырды", — деп айтылат маалыматта.

Мындан тышкары, Жапаров Тайлак баатыр атындагы чек ара аскер бөлүгүнүн заставасынын абалы менен таанышкан.

44
Белгилер:
Нарын облусу, 'Торугарт' көзөмөл өткөрүү пунку, Акылбек Жапаров, жумушчу, сапар, тапшырма
Тема боюнча
Президенттин администрациясында бөлүмдөрдүн ордуна 4 башкармалык болору айтылды