Нарын шаары. Архив

Тоо койнундагы керемет шаар. Нарындын мэри асмандан тартылган видео жарыялады

314
Шаар айтылуу Нарын дарыясынын жээгинде жайгашып, деңиз деңгээлинен 2000 метр бийиктикте турат. Төрт тарабынан тоо курчап турган бул аймак адамды укмуштуудай кооз жаратылышы менен суктандырат.

БИШКЕК, 7-авг. — Sputnik. Нарын шаарынын мэри Самарбек Болотбеков калаанын дрондон тартылган видеосун жарыялады.

Посмотреть эту публикацию в Instagram

Публикация от Самарбек Болотбеков (@bolotbekov_samarbek)

Кадрларда борбордук Ленин көчөсү (узундугу 14 чакырым), Нарындын батыш жана чыгыш бөлүгү көрүнүп турат. Ошондой эле асмандан турак үйлөр, административдик имараттар, эс алуу жайлары тартылган.

Шаар айтылуу Нарын дарыясынын жээгинде жайгашып, деңиз деңгээлинен 2000 метр бийиктикте турат. Төрт тарабынан тоо курчаган бул аймак адамды укмуштуудай кооз жаратылышы менен суктандырат.

Калаада 40 миң адам жашайт. Баса, Нарын Кыргызстандагы троллейбус каттаган саналуу шаарлардын бири.

314
Белгилер:
Кыргызстан, Нарын, Самарбек Болотбеков, дрон, видео
Тема боюнча
Эң кооз көлдөрдүн бири! Ысык-Көлдүн космостон тартылган сүрөтү жарыяланды
Капельницалар улануу учурунда. Архив

Бишкекте тамакка ууланган адамдардын саны 300гө жетти

5
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

5
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме
Паркка бак тигүү. Архив

Кагаз калдыгын көчөткө алмаштырып, паркка бак тиге аласыз. Акция

17
Борбор калаадагы "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

БИШКЕК, 28-окт. — Sputnik. Бишкекте "Бир жарандан бир көчөт" деп аталган акция өтүп, кагаз калдыктарын тапшырган киши калаадагы паркка бак отургузууга мүмкүнчүлүк алат. Бул тууралуу Айыл чарба министрлигинин маалымат кызматынан кабарлады.

Анын алкагында "Ынтымак" жана Чолпонбай Түлөбердиев атындагы парктарга 500 түп көчөт тигүү пландалып жатат.

"Аталган министрлик "Шаардык парктар" муниципалдык кызматы менен биргеликте 30-октябрда экологиялык акция өткөрүп, ага катышууну каалагандарды чакырат. 3 килограмм кагаз калдыгын же беш даана желим бөтөлкөнү бир көчөткө алмаштырып, аталган парктардын аймагына бак отургузса болот", — деп билдирди маалымат кызматы.

Иш-чара ишемби күнү саат 10:00дө башталмакчы.

17
Белгилер:
Кыргызстан, Бишкек, парк, көчөт, кагаз, акция
Тема боюнча
Күнгө чагылышкан алтын күз. Бишкектин көз талдырган видеосу