Гүлдөр адамдын колунда. Архив

Тарыхта калчу образдарды жараткан. Искра Райымкуловага жазылган некролог

117
Райымкулова чыгармачылык жолунда Кыргыз мамлекеттик драма театрынын сахнасында отуздан ашуун баланын образын жараткан.

БИШКЕК, 8-авг. — Sputnik. Кыргыз Республикасынын эл артисти, Кыргыз театр жана кино искусствосунун көрүнүктүү таланты, Токтоболот Абдумомунов атындагы Кыргыз улуттук академиялык драма театрынын артисти Искра Райымкулова дүйнөдөн кайтты. Президенттик администрация некролог таратып, маркумдун жакындарына көңүл айтты.

Кыргыз театр жана кино искусствосу орду толгус оор жоготууга учурады.  2021-жылдын 8-августунда Искра Райымкулова узакка созулган оорудан дүйнө салды.

Драматург Бексултан Жакиевдин Атанын тагдыры драмасы. Архив
из музейного архива Кыргызского национального драмтеатра им. Т.Абдымомунова
Искра Райымкулова 1937-жылы Чүй облусунун (мурдагы Фрунзе облусу) Кемин районунун Шабдан айылында туулган. Алгачкы чыгармачылык башатын 1957-жылы Токтоболот Абдумомунов атындагы Кыргыз улуттук академиялык драма театрында актер болуп баштаган. Адегенде театрга травести (балдардын ролун ойногон артист) катары кызматка алынган Райымкулова чыгармачылык жолунда Кыргыз мамлекеттик драма театрынын сахнасында отуздан ашуун баланын образын жараткан. Алардын ичинен Бексултан Жакиевдин "Атанын тагдыры" драмасынын негизинде коюлган спектаклдеги Жеңишбеги легендарлуу образга айланган. Кыргыз театрынын травестилеринин ичинен Райымкулова балдардын тарыхта кала тургандай образын чоң чыгармачылык эргүү менен жараткан. Актрисанын чыгармачылык өмүрү жалаң гана балдардын ролун аткаруу менен чектелген эмес. Анын репертуарында ондогон образдын ийгиликтүү жаратылгандыгын айтууга болот.

Шекспирдин "Ромео жана Жульеттасында" Жульеттанын образында ички дүйнөсүнүн назиктиги, баёолугу айрыкча сүрөттөлгөн. Жульеттадан кем калбаган образдардын бири — "Бернарда Альбанын үйүндөгү" Амелиянын образы. Ушул сыяктуу чоң чыгармачылык эргүүдөн жаралган образдарды Искра Райымкулованын чыгармачылык таржымалынан арбын учуратууга болот. Алсак, Шекспирдин "Король Лиринде" Корделиянын, Каорунун "Уурдалган өмүрүндө" Кэйдин, Делмардын "Эртеңкиге ордуңду бошот" чыгармасында Люсейдин, Айтматовдун "Саманчынын жолунда" Алимандын жана дагы бир топ образдарды жогорку чеберчиликте аткарып, көрүүчүлөрдүн арзуусуна татыган.

Ал эми кыргыз кино искусствосунда "Алымкан" көркөм тасмасында "Алымкандын, "Каныбек" жана "Он үчүнчү небере" кино тасмаларында башкы каармандардын образын ийгиликтүү жараткандыгын атоого болот.

Райымкулованын кыргыз улуттук театр жана кино өнөрүнө кошкон зор салымын эске алып, мамлекетибиз тарабынан эмгеги жогору бааланып, көптөгөн сыйлыктар ыйгарылган.

Кыргыз ССРинин эмгек сиңирген артисти, Кыргыз Республикасынын эл артисти мамлекеттик наамдары сыяктуу бир топ сыйлыктар берилген.

"Кыргыз элибизге бүтүндөй өмүрүн арнап, маданият жана искусство тармагында өчпөс из калтырып кеткен көрүнүктүү актриса Искра Райымкулованын жаркын элеси кыргыз журтунун, маданият жана искусство сүйүүчүлөрдүн, замандаштарынын, кесиптештеринин жана жакындарынын эсинде түбөлүккө сакталат. Маркумдун үй-бүлөсүнө терең кайгыруу менен көңүл айтып, аза кайгысын тең бөлүшөбүз", — деп айтылган некрологдо.

Актриса менен коштошуу эртең, 9-августта, Токтоболот Абдумомунов атындагы Кыргыз академиялык драма театрынын алдында болот. Сөөгү мамлекеттик "Ала-Арча" көрүстөнүнө коюлары айтылды.

117
Белгилер:
Кыргызстан, Искра Райымкулова, роль, актриса, театр, кино
Тема боюнча
Актриса Искра Райымкулова көз жумду
Мурдагы билим берүү министри Мукаш Базаркулов дүйнө салды. Некролог
Пробация департаментинин жетектөөчү адиси, психолог Тахмина Талгатова

Талгатова: соттолгон адамдын кылмыштан оолак болушуна коом көмөк көрсөтө алат

6
Пробация департаментинин жетектөөчү адиси, психолог Тахмина Талгатова соттолгон адамдар жаза мөөнөтүн өтөп бүткөндөн кийин коомго аралаша албай кыйналарын айтты.

Коомдо соттолгон кишилерге чочулоо менен караган көз караш бар. Аларга ишеним да төмөн. Бул тууралуу Тахмина Талгатова Sputnik Кыргызстан радиосуна маек куруп жатып билдирди.

Талгатова: соттолгон адамдын кылмыштан оолак болушуна коом көмөк көрсөтө алат

Анын айтымында, жаза мөөнөтү бүткөндөн кийин бул адамдар өздөрүн жалгыз сезип кыйналышат.

"Пробация департаменти жеңил кылмыш жасаган мыйзам бузуучулар менен иш алып барат. Көбүнесе уурулук, каракчылык, бирөө менен мушташа кетип түрмөгө түшкөн инсандар — биздин кардарларыбыз. Алар менен психологдор тынбай иштешип турабыз. Мындай кылмышкерлердин көбү жаза мөөнөтү бүткөн соң кайра коомго аралашуудан чочулашат. Баары бир мага эч ким ишенбейт деген пикирде болуп, адамдардан оолактап жалгыз жүрүп калышат. Мындай учурда анын чөйрөсү эң чоң көмөк көрсөтө алат. Алар бул кишини өзүнө тартып, баарлашып, майда-барат иштерде деле ишеним көрсөтүп турушса ачылып сүйлөшүшөт. Соттолуп чыккан адам жардам сураган учурда болушунча баш тартпаганга аракет кылыш керек. Анткени алардын кимдир бирөөдөн көмөк сурап кайрылганы дагы өзүнчө жеңиш, — деди Талгатова.

Психолог бул боюнча коомчулукта да түшүндүрүү иштери жүргүзүлүшү зарылдыгын кошумчалды.

6
Белгилер:
психология, психолог, кылмышкер, коом, Тахмина Талгатова
Тема боюнча
Зарылбек уулу: пробация кардарлары дээрлик кайра кылмышка барбайт
Кар учурунда жолдөн өтүп бараткан адамдар. Архив

Ноябрь айында аба ырайы кандай болот. Синоптиктердин божомолу

59
(жаңыланган 13:35 18.10.2021)
"Кыргызгидрометтин" маалыматына караганда, алдыдагы айда абанын айлык орточо температурасы климаттык норманын чегинде болот.

БИШКЕК, 18-окт. — Sputnik. Кыргызгидромет агенттиги ноябрь айына карата аба ырайынын божомолу тууралуу маалымат берди.

© Фото / Кыргызгидромет
Ноябрь абанын орточо температурасы

Ага ылайык, абанын айлык орточо температурасы жана жаан-чачындын айлык көлөмү нормага жакын болушу күтүлүүдө.

© Фото / Кыргызгидромет
Ноябрдагы жаан-чачындын орточо көлөмү

Чүй облусу

Абанын айлык орточо температурасы климаттык норманын чегинде болуп, 3…5 градус жылуу, тоо этектеринде жана Кемин өрөөнүндө -1 градус сууктан +1 градуска чейин жылыйт. 

Ай ичинде абанын температурасы күндүз 5…10 градустан  12…17 градуска чейин жылып, бирок кээ бир күндөрү -2ден +3 градуска чейин төмөндөшү мүмкүн.

Кемин өрөөнүндө жана тоо этектериндеги райондордо абанын температурасы түнкүсүн 0…-5° сууктун тегерегинде болуп, күндүз 2…7ден  8…13 градуска чейин жетет. Жаан-чачындын айлык көлөмү норманын чегинде болору  күтүлүүдө.

Талас облусу

Абанын айлык орточо температурасы климаттык норманын чегинде туруп, 1…3 градус жылуу болушу күтүлөт.

Ай ичинде абанын температурасы түнкүсүн -4...+1, күндүз 10…15 градуска чейин жылышы мүмкүн. Анткен менен кээ бир түндөрү температура  -6…-11 градуска чейин түшөт. Жаан-чачындын айлык көлөмү нормага жакын болот.

Ош облусу

Абанын айлык орточо температурасы климаттык норманын чегинде болуп, 5…7, тоо этектериндеги райондордо 3…5 градус жылуу болот.

Ай ичинде абанын температурасы түнкүсүн 5…10 градус, күндүз 12…17 градуска чейин жылуу болушу ыктымал.

Тоо этектериндеги райондордо -2…+3төн тарта 2…7 градуска чейин жылып, кээ бир түндөрү -3…-8 градуска чейин муздашы мүмкүн. Жаан-чачындын айлык көлөмү нормага жакын болушу күтүлүүдө.

Жалал-Абад району

Абанын айлык орточо температурасы климаттык норманын чегинде болуп 5…7, тоо этектериндеги райондордо 3…5 градус жылуу болору божомолдонууда.

Ай ичинде абанын температурасы түнкүсүн -2…+3төн тарта 5…10 градуска чейин, күндүз 6…11ден башталып, 12…17 градуска чейин жылыйт.

Токтогул районунда ай ичинде абанын температурасы түнкүсүн -4…+1ден 2…7 градуска чейин, күндүз 2…7ден башталып,  8…13 градуска чейин жылыйт. Жаан-чачындын айлык көлөмү нормага жакын болот.

Баткен облусу

Абанын айлык орточо температурасы климаттык норманын чегинде туруп 5…7, тоо этектериндеги райондордо 3…5 градус жылуу болот. 

Ай ичинде абанын температурасы түнкүсүн -2…+3төн тарта 5…10го чейин, күндүз 6…11ден 12…17 градуска чейин жылуу болору божомолдонууда. Жаан-чачындын айлык көлөмү нормага жакын болушу күтүлүүдө.

Ысык-Көл облусу

Абанын айлык орточо температурасы климаттык норманын чегинде болуп +2…+4 градустан  -1…+1ге чейин жетет.

Ай ичинде абанын температурасы түнкүсүн 0…-5 градус сууктан 1…6га чейин жылуу, күндүз 3…8ден 8…13кө чейин жылуу болот. Кээ бир күндөрү облустун чыгыш тарабында түнкүсүн -6…-11 градуска чейин суук болот. Жаан-чачындын айлык көлөмү нормага жакын болот.

Нарын облусу

Абанын айлык орточо температурасы климаттык норманын чегинде болуп -1…-3 градуска чейин сууктайт.

Ай ичинде абанын температурасы түнкүсүн -1…-6 градус суук болуп, кээ бир түндөрү -7…-12 градуска чейин жетиши мүмкүн. Күндүз эң жылуу дегенде 3…8 градуска жетет. Жаан-чачындын айлык көлөмү нормага жакын болот.

59
Белгилер:
Кыргызстан, күз, аба ырайы, жаан-чачын
Тема боюнча
Жылуу эле болобу? Октябрь айына карата аба ырайы