Бала COVID-19га тест тапшыруу учурунда. Архив

Инфекционист балдар арасында коронавирусту жайылтпоонун жолун айтты

154
Медиктердин басымдуу бөлүгү балдар арасында коронавирустун жайылышын алдын алуу үчүн алгач чоңдор эмделиши керектигине токтолушкан. Алар вирус мутациянын азыркы темпи менен балдарга эки жылдан кийин көбүрөөк жуга баштаарын боолголошкон.

БИШКЕК, 9-авг.— Sputnik. Эксперттер окуу жылы башталары менен балдар арасында коронавирус жуктургандардын саны өсүшү ыктымал экенин айтып, аны алдын алуу жолдорун аташты. Адистердин пикири "Известия" басылмасына жарыяланды.

Дарыгер-инфекционист, медицина илимдеринин доктору Николай Малышевдин айтымында, балдар арасында вирустун тарашын токтотуу мүмкүн эмес. Анткени алардын дээрлик көбү бет кап тагынбайт, аралык сактабайт.

Медик ооруну алдын алуу үчүн чоңдордун коронавируска каршы вакцина алышы маанилүү экенин белгилеп, көп нерсе эмдөөгө байланыштуу экенин кошумчалаган.

Дагы бир инфекционист Евгений Тимаков чоңдор арасында эмдөөнү тездетүү керектигине токтолгон.

"Балдарды коронавирустан вакцина гана коргой алат. Эгер чоңдор эмделсе, аларда иммунитет пайда болуп, балдар да оорубайт. Башкысы, балага вирусту жугузуп албоо зарыл", — деген ал.

Эксперт жыл башына караганда акыркы айда эмчектеги бөбөктөр коронавирус менен көп ооруганын кошумчалаган. Ошондой эле медиктер вирус мутациянын азыркы темпи менен балдарга эки жылдан кийин көбүрөөк жуга баштаарын боолгологон.

154
Белгилер:
балдар, коронавирус, оору, жайылуу, вакцина
Тема:
Дүйнөгө жайылган коронавирус (1556)
Тема боюнча
COVID балдарга чабуул койду. Казакстандын түндүгүндө вирустун оор формасы күч алды
Окумуштуулар балдар коронавирусту канча күндө жеңип кетерин аныктады
Солдаты ведут бой за высоту на правом берегу Днепра.

Улуу Ата Мекендик согушта дайынсыз кеткендерди издеген топтун ат көтөргүс иши

2
(жаңыланган 12:33 18.10.2021)
Жоокер Матяшовдун Бишкек шаарында жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды.

БИШКЕК, 18-окт. — Sputnik. Өткөн ишемби күнү Аламүдүн районуна караган Ленинское айылындагы Маданият үйүндө "Биздин Жеңиш – Наша Победа" деп аталган издөө тобу жергиликтүү жашоочулар менен жолугушуу өткөрдү.

Алардын жетекчиси Татьяна Владимирова Россиядагы дал ушундай топ менен өз ара кызматташып иш алып барышарын, достугун баяндаган. Калуга облусундагы Барятин районунда август айында өткөн издөө боюнча эл аралык экспедицияга катышкандыгы маанилүү иштердин бири болгондугун билдирди. Иш-чарага келгендерди издөө отрядынын командири Екатерина Дятлова тосуп алды.

Сахнанын алдында эң баалуу артефактылар — "Биздин Жеңиш – Наша Победа" тобу Россиядагы саздардан, токойлордон тапкан Улуу Ата Мекендик согуш учурундагы Кызыл Армиянын жоокерлеринин жеке буюмдары турду. Ал эми столдо дайынсыз кеткен жоокерлерди издеп табууда талбаган эмгек, көп мээнет жумшап иштеген издөөчүлөргө тапшырылган грамоталар, дипломдор тизилген.

Иш-чаранын башында Владимирова Эл аралык издөө экспедициясына катышкан учурларды баяндап берди. Анда соң кийинки муундарга "Биздин Жеңиш – Наша Победа" жасаган иштер, "Западный фронт. Варшавское шоссе. Нам доверена память..." ролиги да көрсөтүлдү.

Аталган топ согушта курман болгондордун элесин сактап калуу, мекендин эркиндиги үчүн баскынчылардын Ата Журтубузга ээлик кылуусунан коргоп, кан-жанын аябай салгылашкан аталар, апалар туурасында тарыхты аяр сактап, маанисин жоготпой кийинки муундарга жеткирүү жаатында ат көтөргүс иш жасап келет.

Иш-чарада "Зайцева Гора" даректүү фильминен үзүндү көрсөтүлдү. Анда 385-аткычтар дивизиясынын душман менен айыгыша кармашканы айтылган. Ошол жоокерлердин арасында кыргызстандык Дмитрий Матяшов да болгон. Маалыматтарга караганда, ал ошол кандуу кармашта курман болгон. Издөөчүлөр каарман жоокердин туугандарын таап, 1942-жылдын 19-январында кызы менен жубайына жазган акыркы катын беришти. Фильмден соң Матяшовдун Бишкекте жашаган небересине чоң атасы курман болгон деп болжолдуу аныкталган жердин топурагы жана сүрөттөрү тапшырылды. Залда отургандардын көз алдына кызыл армиячылар өмүрүн аябай, улам тиштенип, улам кайраттанып немецтик баскынчылар менен салгылашып жаткан ирмемдери, айтып бүткүс эрдиктери, жоокерлердин согуш соолуткан өмүрү, жакындарынын азаптуу кайгысы бир ирмемге тартылды.

Владимирова жоокер Дмитрий Матяштын атын түбөлүккө калтыруу үчүн Россиянын Коргоо министрлигинин борбордук архивиндеги докуметтерди изилдеп, карап чыгуу боюнча чоң иштер тургандыгын белгиледи.

Иш-чаранын соңунда издөө тобундагы активдүүлүгү менен айырмаланган Ленинское айылынын улан-кыздарына сертификаттар тапшырылды. Андан сырткары, өзгөчө сертификат дагы төрт катышуучуга ыйгарылган.

2
Белгилер:
Кыргызстан, Аламүдүн району, Улуу Ата Мекендик согуш, 'Биздин Жеңиш' издөө тобу

Нидерландда футбол фанаттары турган трибуна оюн учурунда урап түштү. Видео

23
(жаңыланган 12:17 18.10.2021)
Конокко барган команда жеңишти белгилөө үчүн фанаттары турган жакка келишкен. Алар ийгиликке секирип кубанып жаткан учурда трибуна урап түшкөн.

Нидерланддын Неймеген шаарындагы стадиондун трибунасы күйөрмандары менен кошо урап түштү.

Окуя өлкө чемпионатынын тогузунчу турундагы оюндун аягында болгон. "Витесс" клубу жергиликтүү НЕК менен беттешип, 1:0 эсебинде жеңишке жеткен. Беттештен соң жеңишти белгилөө үчүн футболчулар фанаттары турган трибунага келишкен. Күйөрмандар ийгиликке кубанып секирип жаткан учурда конструкция салмакты көтөрө албай урап түшкөн.

Кырсыктан эч ким жапа чеккен эмес. Кыйроого карабай "Витесстин" фанаттары майрамдоосун улантышкан.

Маалым болгондой, "Де Гофферт" стадиону 1939-жылдын 8-июлунда ачылып, 12 500 кишиге ылайыкташкан. Арена 2000-жылдын аягында заманга бап оңдолуп, 25-январда экинчи расмий ачылышы болгон.

23
Белгилер:
Голландия, стадион, трибуна, Кыйроо
Тема боюнча
Ошто көмүр жүктөлгөн унаа өтүп бара жаткан көпүрө урап түштү. Видео
Күйөрмандардын стадиондун үстүнөн кулаган мышыкты сактап калган кызыктуу видеосу