БИШКЕК, 11-авг. — Sputnik. 12-августта күндүз өлкөнүн тоолуу райондорунда өткүн өтүп, күн күркүрөйт. Бул тууралуу Кыргызгидромет билдирди.
Маалыматка ылайык, Ысык-Көл менен Нарын жергесинде жамгыр жаайт. Башка облустардын дыйканчылык аймактарында күн ачык болот.
Абанын температурасы Чүй өрөөнүндө +29...+34, Таласта +28...+33, Ош, Жалал-Абад жана Баткен облустарында +32...+37, Ысык-Көл менен Нарында +25...+30 градус болот.
Термометрдин көрсөткүчү Бишкекте +32...+34, Ош шаарында +35...+37, ал эми Чолпон-Атада +24...+26 градуска жетет.
