Бишкектеги Оймо фестивалында модельдер. Архив

Бул жылы "Оймо" фестивалы Ысык-Көлдө эмес, башка облуста өткөрүлөт

104
(жаңыланган 17:30 12.08.2021)
Жыл сайын бул фестиваль Бишкек шаарында жана Ысык-Көл облусунун жээгинде июль айынын соңунда болчу. Бул жылы 24-25-августта Нарында "Шырдак" фестивалы менен биргеликте, 27-31-августта "Ала-Тоо" кинотеатрынын жанында болот.

БИШКЕК, 12-авг. — Sputnik. Бул жылы кол өнөрчүлүк боюнча "Оймо" фестивалы Бишкекте жана Нарында өтөт. Бул тууралуу Sputnik Кыргызстан агенттигиннин маалымат борборунда фестивалдын директору Динара Чочунбаева билдирди.

Жыл сайын бул фестиваль Бишкек шаарында жана Ысык-Көл облусунун жээгинде июль айынын соңунда болчу. Бул жылы 24-25-августта Нарында "Шырдак" фестивалы менен биргеликте, 27-31-августта "Ала-Тоо" кинотеатрынын жанында болот.

"Бул ирет Кыргызстандын эгемендигинин 30 жылдыгына арналган иш-чаралар болот. Ага кол өнөрчүлөрдөн тарта искусство өкүлдөрү жана таланттуу жаштар катышат", — деди Чочунбаева.

Бишкекте өтчү бөлүгүнө кыргызстандыктардан тышкары Борбордук Азиянын башка мамлекеттеринен келген кол өнөрчүлөр катышат. Фестивалдын алкагында мастер-класстар, мода көргөзмөсү сыяктуу маданий иш-чаралар өткөрүлөт.

Фестивалдын негизги максаты — маданий мурастарды сактоо жана Кыргызстанды экологиялык туризмдин борборуна айландыруу.

104
Белгилер:
Кыргызстан, Нарын, Оймо фестивалы
Тема боюнча
"Көл" тасмасы Казанда өтчү мусулмандар кино фестивалына катышат
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: өспүрүмдөр арасында кылмыштуулук өсүүдө

4
Ички иштер министрлигинин тергөө кызматынын улук тергөөчүсү Азамат Дүйшөналиев өспүрүмдөр арасында кылмыштуулукка өп-чап турмуш себеп экенин айтты.

Социалдык жактан жакыр үй-бүлөдө жашаган балдар арасында кылмыштуулук көп катталууда. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: өспүрүмдөр арасында кылмыштуулук өсүүдө

Анын айтымында, социалдык көйгөйлөргө байланыштуу окуусун таштап, үй-бүлөсүнө акча табуу максатында түрдүү кылмышка баргандар арбып барат.

"Буга социалдык көйгөйлөр себеп болууда. Үй-бүлөдөгү акыбал, акчанын жетишпестиги негиз болуп, окуусун таштап, башка жумуштарда иштеп, түрдүү кылмыштарга барып жатышат. Үйүнөн качып кеткен учурлар да катталууда. Калктуу аймак болгон Бишкек жана Чүй облусунда кылмыш фактылары көп. Алардын көбү майда кылмыштар", — деди Дүйшөналиев.

Ошондой эле адис кылмыштуулукту алдын алуу үчүн мектептерде жаш өспүрүмдөр менен иштөө инспекторлору байма-бай каттап, окууларды өткөрүп жаткандыгын кошумчалады.

4
Белгилер:
Азамат Дүйшөналиев, мыйзам, тергөө, ИИМ
Тема боюнча
ИИМ экономикалык кылмыштар боюнча башкармалык түзүү зарылчылыгын айтты
Капельницалар улануу учурунда. Архив

Бишкекте тамакка ууланган адамдардын саны 300гө жетти

47
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

47
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме