Мамлекет башчы Садыр Жапаровдун жубайы Айгүл Жапарова. Архив

Кичине болсо да күчтүү! Айгүл Жапарова ракка кабылган балдар тууралуу

93
Тегерек столдон кийин кыргызстандык адистер балдар онкологиясын дарылоо боюнча россиялык кесиптештери менен тажрыйба алмаша турганы кошумчаланды.

БИШКЕК, 20-авг. — Sputnik. Мамлекет башчы Садыр Жапаровдун жубайы Айгүл Жапарова Чолпон-Ата шаарында өтүп жаткан Кыргызстандагы балдар онкологиясы боюнча тегерек столго катышты. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

  • 20 августа в городе Чолпон-Ата проходит круглый стол по обсуждению оптимизации службы детской онкологии
    Мамлекет башчы Садыр Жапаровдун жубайы Айгүл Жапарова Чолпон-Ата шаарында өтүп жаткан Кыргызстандагы балдар онкологиясы боюнча тегерек столго катышты
    © Фото / пресс-служба Минздрава КР
  • 20 августа в городе Чолпон-Ата проходит круглый стол по обсуждению оптимизации службы детской онкологии
    Тегерек стол министрлик тарабынан уюштурулуп, ага саламаттык сактоо министри Алымкадыр Бейшеналиев, ДССУнун Кыргызстандагы кеңсесинин башчысы Назира Артыкова жана балдар онкологиясы жаатында академик Александр Румянцев башында турган россиялык адистер катышкан
    © Фото / пресс-служба Минздрава КР
  • 20 августа в городе Чолпон-Ата проходит круглый стол по обсуждению оптимизации службы детской онкологии
    Өз сөзүндө Айгүл Жапарова балдар онкологиясы азыркы тапта интернационалдык көйгөйгө айланганын айткан.
    © Фото / пресс-служба Минздрава КР
1 / 3
© Фото / пресс-служба Минздрава КР
Мамлекет башчы Садыр Жапаровдун жубайы Айгүл Жапарова Чолпон-Ата шаарында өтүп жаткан Кыргызстандагы балдар онкологиясы боюнча тегерек столго катышты

Тегерек стол министрлик тарабынан уюштурулуп, ага саламаттык сактоо министри Алымкадыр Бейшеналиев, ДССУнун Кыргызстандагы кеңсесинин башчысы Назира Артыкова жана балдар онкологиясы жаатында академик Александр Румянцев башында турган россиялык адистер катышкан.

Өз сөзүндө Айгүл Жапарова балдар онкологиясы азыркы тапта интернационалдык көйгөйгө айланганын айткан.

"Балаңызда залалдуу шишик бар экен" деген сөздү угуу үй-бүлө үчүн катастрофа. Балдарына жардам бере албаган ата-энелердин кейиши айтып жеткиргис. Чоңдордун оорусу делген бул дарттан бөбөктөрдүн каза болуп жатканы коркунучтуу. Бирок биздин бейтаптар кичинекей болгону менен абдан күчтүү экенин эстен чыгарбаш керек. Диагноз менен жашоо бүтүп калбайт", — деген Жапарова.

Министр Бейшеналиев Айгүл Жапарованын россиялык адистер менен тегерек стол өткөрүү боюнча демилге көтөргөнүнө ыраазычылык билдирген.

"Ракка кабылган бөбөктөргө кызмат көрсөтүү үчүн болгон аракетти жумшап жатабыз. Быйыл Эне жана баланы коргоо улуттук борборундагы бөлүмгө көчүү пландалууда. Дароо керектүү жабдуулар сатып алынып, фонд кеңейет. Россиялык кесиптештерге да келип бергенине ыраазычылык билдирем. Биргелешип кичинекей бөбөктөргө жардам берип, балдар онкологиясында жаңы тарых жаратабыз деп ишенем" — деди Бейшеналиев.

Тегерек столдон кийин кыргызстандык адистер балдар онкологиясын дарылоо боюнча россиялык кесиптештери менен тажрыйба алмаша турганы кошумчаланды.

93
Белгилер:
Кыргызстан, Ысык-Көл облусу, Чолпон-Ата, Айгүл Жапарова, балдар, онкология, тегерек стол
Тема боюнча
Көргөндүн көзүн кубантып. Канайым Айгүл Жапарованын сапардагы сүрөттөрү
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

19
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

19
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

35
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

35
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды