Вакцина. Архивдик сүрөт

Германия Кыргызстанга 110 миң доза вакцина жиберет

46
(жаңыланган 11:05 21.08.2021)
Кайсы өндүрүштөн чыккан вакцина келери азырынча белгисиз. Тараптар логистика маселесин кошумча дагы талкуулайт.

БИШКЕК, 21-авг. — Sputnik. Германия өкмөтү COVAX глобалдык механизми аркылуу Кыргызстанга коронавируска каршы 110 миң доза вакцина берүүнү чечти. Бул тууралуу Германиянын КРдеги элчиси Габриэлла Геллил билдирди.

ТИМдин маалымат кызматы билдиргендей, жаңы дайындалган элчи ишеним грамотанын көчүрмөсүн Кыргызстандын тышкы иштер министри Руслан Казакбаевге тапшырган.

Кайсы өндүрүштөн чыккан вакцина келери айтылган эмес. Тараптар логистика маселесин кошумча дагы талкуулоону чечишкен.

Мындан сырткары, алдыдагы эки тараптуу иш-чаралар боюнча пикир алышкан. Министр 2022-жылы эки өлкөнүн дипломатиялык мамилеси орногонунун 30 жылдыгын белгилөөгө, жогорку деңгээлдеги иш сапарларды уюштурууга көңүл бурган.

Ошондой эле маданий-билим берүү тармагында кызматташтыкты кеңейтүү жана бекемдөө максатында пландалып жаткан француз-герман институтун ачуу тууралуу талкуу болгон.

Казакбаев элчини Кыргызстандын көз карандысыздыгынын 30 жылдыгына карата 30-31-августта өтө турган майрамдык иш-чарага чакырган.

COVAX — бул Вакциналар жана иммунизация боюнча дүйнөлүк альянс жана Эпидемияларга карата даярдыкты камсыздоо жаатындагы инновация боюнча коалициясы менен биргеликте ДССУ тарабынан чыгарылган эл аралык механизм.

Программа өндүрүштүк кубаттуулуктарды түзүүнү колдойт жана сатып алууларды жүргүзөт. Анын шарттары боюнча, кирешеси жогору өлкөлөр башка мамлекеттерге жардам берүү максатында вакциналардын акчасын төлөшөт.

46
Белгилер:
вакцина, элчи, Кыргызстан, Германия
Тема:
Коронавируска каршы эмдөө (250)
Тема боюнча
Окумуштуу: вакцина COVID-19ду жуктуруп алуудан эмес, өлүмдөн сактайт
Кыргызстанда жарым миллиондон ашуун адам коронавируска каршы вакцина алды
Өлкөдө вакцина алганы тууралуу сертификат электрондук түрдө бериле баштады
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

3
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

3
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды
Чач тарач иш учрунда. Архив

COVID-19дан кийин чачтын түшүшүн кантип токтотсо болот? Трихологдун кеңеши

3
(жаңыланган 11:52 21.09.2021)
Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

БИШКЕК, 21-сен. — Sputnik. COVID-19га чалдыгып сакайгандардын көпчүлүгү чачынын түшүп жатканын айтууда. Аны токтотууга өз алдынча тандап алган каражаттар жардам бере албасын Sputnik радиосунун эфиринде трихолог Юлия Нагайцева айтты.

Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

"Бул процесстин башталышы гана. Менин жарым жылдык байкоомо караганда, чач түшүп эле тим болбой, башка ооруларды дагы пайда кылууда. Албетте, түшсө дагы өзү калыбына келип, мурдагыдай калыңдыкка жеткен учурлар бар. Ал үчүн адам жаш, организми күчтүү болушу керек. Ал эми чачы оголе жукарып кеткендер адиске кайралганы туура", — деди Нагайцева.

Анын айтымында, дарыканадагы бардык эле каражаттар чачтын түшүшүн токтотууга жардам бере бербейт.

"Чач түшүү — бул оору, аны дарылоо керек. Алгач организмге кайсы элемент жетпей жатканын анализдер аркылуу аныктоо зарыл. Ошондо гана дарыгер бейтапка керектүү каражатты сунуштай алат", — деди трихолог.

Ошондой эле адис COVID-19дан сакайган адамдарды медицинадык кароодон өткөрүү маалында айрымдардан андрогенетикалык алопеция илдети табылып жатканын кошумчалады. Бул илдет чачтын өсүшүн толугу менен токтотуп коет.

3
Белгилер:
дарыгер, коронавирус, чач, кесепет
Тема:
Дүйнөгө жайылган коронавирус
Тема боюнча
Окумуштуулар коронавирустун дагы бир олуттуу кесепетин айтышты
Беларуста COVID-19дун төртүнчү толкуну башталганын айтты