Балдар ооруканасынын онкология бөлүмүндө дарыланып жаткан бейтаптар. Архивдик сүрөт

Кыргызстанда рактан жабыркаган балдар улуттук протокол боюнча дарыланат

125
(жаңыланган 11:19 21.08.2021)
ДССУнун өлкөдөгү өкүлүнүн билдиришинче, ушул кезге чейин балдарды кайсы протокол менен дарылоо керек деген маселе болуп келген. Азыр жумушчу топ үч протоколду иштеп чыгып, талкууга койду.

БИШКЕК, 21-авг. — Sputnik. Кыргызстанда рактан жабыркаган балдар улуттук протокол боюнча дарыланат. Бул тууралуу Дүйнөлүк саламаттык сактоо уюмунун КРдеги өкүлчүлүгүнүн башчысы Назира Артыкова билдирди.

Ал Чолпон-Ата шаарында өткөн "Кыргызстандагы балдар онкологиясы кызматынын өнүгүшү жана оптимизациясы" аталышындагы талкууга катышты.

Артыкова белгилегендей, ДССУ 2030-жылы өзүнө онкологияга чалдыккан 1 миллион баланын өмүрүн сактап калуу тапшырмасын койгон. Себеби оору кеч аныкталып, ага чалдыккандардын 80 пайызы жашап кете албай калат.

"Ушуга байланыштуу 20-августта биз балдар онкологиясынын эң курч көйгөйлөрүн талкуулап, жакын арада чечүү жолдорун табуу үчүн тегерек столго чогулдук. Биз өлкөнүн булуң-бурчунан эксперттерди, ошондой эле коңшу өлкөлөрдүн алдыңкы адистерин чакырдык. Жакында Франциядан эксперттер келишет. Алдыда чоң иш турат", — деди ДССУнун өлкөдөгү өкүлү.

Анын айтымында, ушул кезге чейин балдарды кайсы протокол менен дарылоо керек деген маселе болуп келген. Азыр ДССУнун сунуштары менен жумушчу топ түзүлүп, үч протокол иштелип чыгып талкууга коюлду.

"Эмнеге биз улуттук протокол деп жатабыз? Анткени протоколдун тизмесине киргизиле турган дары-дармектер биринчи кезекте мамлекеттик сатып алуулар жана жеке сатып алуулар үчүн жеткиликтүү болот жана калкка кепилденген кызмат көрсөтүүлөрдүн мамлекеттик пакетине кошулат", — деди Артыкова.

ДССУнун маалыматы боюнча, жыл сайын дүйнөдө онкологиялык ооруга чалдыккан 5 миллион бала көз жумат.

125
Белгилер:
Кыргызстан, Дүйнөлүк саламаттыкты сактоо уюму, балдар, рак, онкология, протокол, дарылоо
Тема боюнча
Онкологиялык оорусу барлар вакцина алса болобу? Адистин жообу
Онкологиялык борбордо көптөн күткөн аппарат ишке киргизилди. Сүрөт
Элчи Тотуяев этникалык кыргыздар менен жолугушуусу

Элчи Тотуяев Пакистанда жашаган этникалык кыргыздар менен жолукту. Сүрөт

3
(жаңыланган 17:17 20.09.2021)
Элчи боордоштордун Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген.

БИШКЕК, 20-сен. — Sputnik. Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту. Бул тууралуу Тышкы иштер министрлигинин маалымат кызматы билдирди.

Жолугушуунун алкагында элчи этникалык кыргыздардын Кыргызстан менен Пакистандын ортосундагы маданий жана тарыхый байланыштарды өнүктүрүүдөгү маанилүү ролун белгилеген. Ошондой эле ар кандай укуктук, социалдык жана күнүмдүк маселелерди чечүүдө ар тараптуу жардам көрсөтүүгө даярдыгын айткан.

Встреча посла КР в Пакистане Уланбека Тотуяева с представителями этнических кыргызов, проживающими в Пакистане. 20 сентября 2021 года
© Фото / пресс-служба МИД КР
Кыргызстандын Пакистандагы элчиси Уланбек Тотуяев Исламабад шаарында аталган өлкөдө жашаган этникалык кыргыздардын өкүлдөрү менен жолукту

Өз кезегинде этникалык кыргыздар Кыргыз-Пакистан мамилесин өнүктүрүүгө жана Пакистанда Кыргызстандын имиджин бекемдөөгө багытталган мындан аркы биргелешкен иштерге кызыкдар экенин билдиришкен.

Тараптар Пакистандагы кыргыздардын жана Ала-Тоого көчүп кетүүнү каалаган кайрылмандардын укуктук сабаттуулугун жогорулатуу максатында жашаган жерлерине элчинин жакын арада баруусун макулдашты.

3
Белгилер:
Пакистан, этникалык кыргыздар, элчи, жолугушуу, Уланбек Тотуяев
Тема боюнча
Өзбекстанда канча этникалык кыргыз жашаары айтылды
Кыргыздардын Памирде жашашы Афганистанга пайда. Кандаштарды эмне үчүн көчүрбөө керек
Милиция кызматкерлери Бишкектеги Фрунзе заводунун аймагынан бомба издөө учурунда

Бишкекте Фрунзе заводунун аймагынан бомба издеп жатышат

18
(жаңыланган 17:18 20.09.2021)
Милицияга бомба тууралуу эки саат мурун чалуу түшкөн. Учурда заводдун аймагында издөө иштери жүрүп жатат.

БИШКЕК, 20-сен. — Sputnik. Борбор калаадагы Фрунзе заводунун аймагынан бомба изделип жатат. Бул тууралуу Ленин райондук милициянын маалымат кызматы билдирди.

Жарылуучу зат коюлганы тууралуу жашыруун билдирүү милицияга саат 14:50дө түшкөн.

Сотрудники милиции во время поисков бомбы, на территории завода имени Фрунзе в Бишкеке. 20 сентября 2021 года
Жарылуучу зат коюлганы тууралуу жашыруун билдирүү милицияга саат 14:50дө түшкөн

Жерине ыкчам-тергөө тобу, Ленин райондук жана Бишкек шаардык милициянын жетекчилиги чыгып кеткен.

Жарандардын коопсуздугун камсыздоо жана эвакуациялоо максатында заводдун аймагы курчоого алынган. Ошондой эле УКМКнын кызматкерлери дагы келген.

Учурда издөө жана текшерүү иштери жүрүп жатат. Кенен маалымат кийинчерээк берилет.

18
Белгилер:
Бишкек, завод, бомба, издөө
Тема боюнча
ЦУМ менен ГУМда бомба бар деп кабарлоого шектелген аял камакка алынды