Кардиологго көрүнгөн бейтап. Архивдик сүрөт

Кардиологго кайсы учурда тезинен кайрылуу керек. 7 белгиси

344
(жаңыланган 12:54 21.08.2021)
Дарыгер кардиологиялык эки илдетке убагында көңүл буруу керек экенин айтты. Алар башка жүрөк ооруларынын башаты болуп саналат.

БИШКЕК, 21-авг. — Sputnik. Жүрөк оорунун кайсы белгилери байкалганда дарыгерге кайрылуу зарыл экенин Санкт-Петербургдагы кардиолог-терапевт Сергей Кадин айтып берди.

Анын айтымында, гипертония менен атеросклерозду убагында аныктаса айыктырып калууга же кесепеттерин алдын алууга болот. Адис ушул эки оору XXI кылымда бардык кардиологиялык илдеттердин башаты экенин белгилеген.

Кайсы сипмтомдорго көңүл буруу керек:

  • кан басымдын жогорулашы;
  • баш айлануу, баштын ооруп турушу;
  • көкүрөк туш оорлошуп, күйүгүп, сайгылашса;
  • кыймылдаганда бат чарчап же дем алуу кыйындаса;
  • жүрөктүн иштешинин бузулушу же бат-баттан кагышы;
  • үйдөгүлөрдө жүрөк-кан тамыр оорулары эрте аныкталган (50 жашка чейин) учурлар болсо;
  • 40 жаштан кийин спорт менен машыгарда же алыс жакка барарда текшерүүдөн өтүү зарыл.
344
Белгилер:
кардиолог, жүрөк, оору, симптом
Тема боюнча
Адамды өлүмгө кептеген эртең мененки терс адаттар
COVID, ысык. Жүрөк дарты барлар кантип тамактанып, машыгышы керек
Бишкек — Ош автотрассасы. Архив

Шаршембиге карата аба ырайы

22
22-сентябрда күндүз жаан-чачын жаабайт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-сен. — Sputnik. Шаршембиде республиканын кээ бир аймактарында өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй облусунда +22…+27, Талас өрөөнүндө +20…+25, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градус жылыйт.

Күндүн табы Бишкекте +24…+26, Ош шаарында +28…+30 градусту көрсөтөт.

22
Белгилер:
аба ырайы, сентябрь, Кыргызстан
Тема боюнча
Жаан-чачындуу күндөр башталабы? Бир жумага карата аба ырайы
Түндүк электрдин кызматкери оңдоо иштер учурунда. Архив

Эртең Бишкектин 29 көчөсүндө жарык өчөт. График

60
Электр жарыгы шаардын борбордук бөлүгүнөн тышкары жаңы конуштарда дагы өчүрүлөт. Буга пландык оңдоолор себеп болууда.

БИШКЕК, 21-сен. — Sputnik. Эртең, 22-сентябрда, Бишкектин 29 көчөсүндө жарык өчөт. Бул тууралуу "Түндүк электр" ишканасы кабарлады.

Жарык берүү үзгүлтүккө учурай турган аймактар:

  • 9:00-13:00 — Ак-Босого конушунда;
  • 9:00-18:00 — Манас проспектисинин бир бөлүгүндө, Абдумомунов, Фурманов, Севастопольский, Шота Руставели, Целинное, Сухомлинов, Московский көчөлөрүнүн бир бөлүгүндө;
  • 9:30-14:00 — Широкий, Томск, Зайсанский, Львов көчөлөрүнүн бир бөлүгүндө, Тушинский туюк көчөсүндө;
  • 9:30-19:00 — Саратовский, Пархоменко, Фрунзе, Комсомольский, Буденный, Салиева, Шайыр, Тульский, Сводобный, 8-Март, Элебесов, Семипалатинский, Арычный, Токтоналиев көчөлөрүнүн бөлүктөрүндө, Манас проспектисинде жана Грозненский туюк көчөсүндө.
60
Белгилер:
Бишкек, жарык өчүрүү, көчө, 'Түндүк Электр' ишканасы
Тема боюнча
Жаан-чачындуу күндөр башталабы? Бир жумага карата аба ырайы
Президент Садыр Жапаров встретился с председателем Сената Олий Мажлиса Узбекистана Танзилой Нарбаевой, прибывшей в страну с официальным визитом. 21 сентября 2021 года

Садыр Жапаров Өзбекстан парламентинин төрайымы менен жолукту

0
(жаңыланган 22:23 21.09.2021)
Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты.

БИШКЕК, 21-сен. — Sputnik. Президент Садыр Жапаров Өзбекстандын Олий Мажлисинин Сенатынын төрайымы Танзила Нарбаева менен жолукту. Бул туурасында мамлекет башчынын маалымат кызматы билдирди.

Тараптар парламент аралык жана регионалдык эки тараптуу кызматташуунун актуалдуу маселелери боюнча пикир алмашышты.

Мамлекет башчы Өзбекстандын парламентине парламент аралык жана регионалдык кызматташтыкты өнүктүрүүгө, ошондой эле үстүбүздөгү жылдын мартында президент Шавкат Мирзиёев менен сүйлөшүүлөрдүн жүрүшүндө жетишилген макулдашууларды ишке ашырууга ар тараптуу көмөгү үчүн ыраазычылык билдирген.

"Олий Мажлис сенатынын төрайымы Кыргызстанда Садыр Жапаровдун бардык тармактарда жүргүзүп жаткан реформаларынын натыйжасында болгон жакшы өзгөрүүлөрдү белгиледи. Ошондой эле Өзбекстандын президенти Шавкат Мирзиёевдин жалпы кыргыз элине чын дилден бакубатчылык тилеген каалоосун жеткирди. Өзбекстандын парламенти Жапаровдун Ташкентке болгон мамлекеттик сапарынын жүрүшүндө жетишилген макулдашуулардын ишке ашуусуна ар тараптуу көмөк көрсөтөрүнө ишендирди", — деп айтылат маалыматта.

Жолугушуу соңунда Жапаров кесиптеши Мирзиёевге жылуу салам айтууну өтүнүп, ошондой эле боордош өзбек элине тынчтык, бакубатчылык жана мындан аркы гүлдөп өнүгүүнү каалаган.

0
Белгилер:
Өзбекстан, Садыр Жапаров, жолугушуу, Танзила Нарбаева