Төшөктө отурган аял. Архивдик сүрөт

Жолдошум менен эки бөлөк жатмай адатка айланды... Келиндин даты

28797
Sputnik Кыргызстан купуялуулук шарты менен окурмандардын жеке турмушуна байланышкан көйгөйлөрдү жарыялап келет.

"Психолог менен баарлашуу" рубрикасына күйөөсү менен мамилеси солгундап, эки башка төшөктө жатып калган келин кат жазган.

Саламатсыздарбы, менин үч балам бар. Жолдошум экөөбүздүн баш кошконубузга он жылдан ашты. Мурда ортодо мамилебиз абдан жакшы болчу. Жумуштан келе жатып, бала бакчадан балдарды алып паркта ойнотуп же чайканада отуруп да келчү элек. Азыр үчүнчү балам менен бир жылдан бери декреттемин.

Күйөөм да өзгөрдү. Интернеттен башы чыкпайт. Жумуштан келип эле телефон чукуп жатат. Менин ал-жайымды деле сурап койбойт. Видео көрөт же ар кандай оюндарды ойнойт. Же болбосо ар кимге акыл үйрөтүп, диванды ээлеп жатат. Аял-күйөөсүндөй эркелешүүнү мындай кой, мурункудай сүйлөшүү, баарлашуу деле жок болуп калды. Мен үй оокаты менен балдардан колум бошобойт. Кечки тамакка отурганда да телефон чукуп отурат. Ага жиним келип мен да сүйлөбөй, өз алдымча тамагымды ичип, интернетти карап отура берем. Кечкисин катуу чарчап калам. Кээде балдарды уктатып жатып, алардын жанына уктап калчумун.

Ошентип жүрүп жолдошум экөөбүздүн эки башка жатмайыбыз көнүмүш адатка айланды. Ал өзүнчө диванда жатат, мен балдар менен жатып алам. Ортодо аял-күйөөдөй кызыкчылык деле жок. Урушубуз да көбөйдү. Мен мурда "муну мындай кылалы, тиги жагыбызды оңдойлу" деп тырмыша берчүмүн. Жаман көрүп, тилденип жатып жасачу. Азыр мен да тажап айтпай калдым. Чынында ага сүйлөгүм да келбейт. Мамилебиз ушинтип барып ажырашып кетпейбизби деп ойлончу болдум. Же бирөөнү таап алганбы десем ага деле окшошпойт. Мурдагы мамилени кантип калыбына келтирүүгө болот?

Психолог Гүлнара Жасоолова:

— Бул катта аял-күйөө мамилесинин солгундап бара жаткандыгы баяндалыптыр. Адамдын жаш курагынын да кризистик убагы болот. Ал үй-бүлө кургандан кийин же ага чейин деле болушу мүмкүн. Ортодогу мамилеге анын да таасири тиет.

Негизи аялдар эркекти тирөөч катары көрүп, бизди аяп турса дейбиз. Бирок ошол эле учурда аял да эркектин абалын сурап, "ал жумуштан чарчап келдиби, мен аны түшүнүп жатамбы" деп ойлошу керек. Ошондо гана экөөнүн ортосундагы мамиле алыстабай, кайра калыбына келет. Мурда балдарга көңүл бурса, азыр иши жок экенин жазыптырсыз. Балдар кичине кезинде жардамга көп муктаж болгондугуңуз үчүн каралашса керек. Азыр балдар чоңоюп, өз алдынча болуп калды деп ойлогон чыгар. Негизи айымдар жолдошун "мурункудай болсо, азыр минтпей калды" деп көп айтат. Бирок оюбуздагыдай болуусу үчүн кээде ага жасаган мамилебизди карап, үйдөгү жылуу маанайды түзө билгенди да өздөштүрүшүбүз керек.

Ал эми эки башка жатканыңыздар боюнча айтсак, балким, башында сизге да балдарды карап жатуу ыңгайлуу болгондур. Же күйөөңүздү "өзү биринчи келсин" деп күтүп жаткандырсыз. Андай болсо биринчи кадам жасап, ортодогу мамилени калыптандырууга аракет кылсаңыз жакшы болмок. Психологияда вербалдык жана вербалдык эмес байланыш деген түшүнүк бар. Вербалдык байланышта адам оюн айтып, түшүндүрүп, кайра кайтарым байланыш күтөт. Ал эми вербалдык эмес байланышка жөн гана жакынын жылуу тосуп алып, курсагын тойгузуп, чекесинен сылап, жакшы көрүү сезимин арноо кирет. Негизи мамилени бекемдөөдө эс алууну бирге пландап, түгөйүнүн оюн сурап туруу абдан маанилүү.

Адамга өз катачылыгын изилдегенден көрө бирөөнү күнөөлөгөн оңой. "Балдарды карап отурсам, менде кайдагы катачылык" деп айтарсыз. Бирок психологиялык жактан жылуулуктун жетишпестиги да кемчилик болот. Мүмкүн жолдошуңузга мээрим бере албай жаткандырсыз.

Кээде аялдар үйдө отурганда мени ким карайт же мени ушул бойдон кабыл алсын деген ойдо жүрө беребиз. Айрым учурда жубайы экенибизди унутуп, өтө эле камкордукка алып, жолдошубуздун апасынын ролуна кирип кетебиз. Ушундай кезде эркек жубайынан аялдык сезимди издейт.

Түгөйүңүз да сизди мурункудай болсо деп кыялданып жаткандыр. Ушул жагынан да анализ жүргүзүп көрүңүз.

28797
Белгилер:
аял, күйөө бала, мамиле, төшөк, интернет, телефон
Тема:
Психолог менен баарлашуу (166)
Тема боюнча
Ажырашсаң балдарды таштайсың... Жигитинин апасы коркуткан кыздын каты
Кайнатам эжемди экинчи аялым бол деп жанын койбой... Ызаланган келиндин каты
Бишкектеги Ала-Тоо аянтындагы унаалар

Шейшембиге карата аба ырайы

91
28-сентябрда республика аймагында жаан-чачын күтүлбөйт. Батыштан соккон шамалдын ылдамдыгы 4-9 метрге жетет.

БИШКЕК, 27-сен. — Sputnik. Шейшембиде кээ бир райондордо өткүн өтүп, күн күркүрөйт. Бул тууралуу Кыргызгидромет билдирди.

Абанын температурасы Чүй, Талас өрөөндөрүндө +23…+28, Ош, Жалал-Абад, Баткен облустарында +25…+30, Ысык-Көл, Нарын аймактарында +20…+25 градусту көрсөтөт.

Бишкек жана Ош шаарларында жаан жаабайт. Күндүн табы борбордо +26…+28, Ош шаарында +28…+30 градусту көрсөтөт.

91
Белгилер:
аба ырайы, сентябрь, Кыргызстан
Тема боюнча
Келерки жуманын этеги жаан-чачындуу болот. Бир жумага карата аба ырайы
Ош мэриясы China Road компаниясы менен меморандумга кол коюу

Оштун мэри China Road менен жол куруу боюнча меморандумга кол койду

224
(жаңыланган 20:15 27.09.2021)
Компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишти.

БИШКЕК, 27-сен. — Sputnik. Ош шаарынын мэриясы China Road компаниясы менен эки тараптуу кызматташуу боюнча меморандумга кол койду. Бул тууралуу аталган муниципалитет кабарлады.

Мэр города Ош Алмаз Мамбетов во время подписания меморандума о двустороннем сотрудничестве с компанией Чайна Роад. 27 сентября 2021 года
© Фото / пресс-служба мэрии города Ош
Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан

Бүгүн, 27-сентябрда, кытайлык корпорациянын Кыргызстандагы жолдорду жана көпүрөлөрдү куруу боюнча өкүлчүлүгүнүн башкы директору Хоу Хусян баштаган жумушчу топту Ош шаарынын биринчи вице-мэри Марс Исаев кабыл алган.

Жолугушуунун алкагында калаа мэри Алмаз Мамбетов жана компания өкүлү Хоу Хусян жолдорду оңдоп-түзөөдөн өткөрүү жана куруу, таштандыларды кайра иштетүүчү заводдорду куруу боюнча меморандумга кол коюшкан.

Андан соң компаниянын өкүлдөрү Алмаз Мамбетов менен биргеликте жолдорду, көпүрөлөрдү, тыгын учурдагы абалдарды, таштанды талаасын жана башка жерлерди жеринен көрүп келишкен.

224
Белгилер:
Ош мэриясы, Алмаз Мамбетов, China Road
Тема боюнча
Мэр Мамбетов Ош шаарынын туристтик брендин түзүү ниетин билдирди
165 млн. бөлүнгөн. Марипов Төө-Ашуудагы жолдун оңдолуп жатканын көрдү. Сүрөт
Кыргызстандык жөө күлүк Гүлшаной Сатарова Astana Marathon 2021 Нур-Султан шаарында

Кыргызстандык кыз казакстандык жөө күлүктөрдү артка таштап, алтын алып келди

0
(жаңыланган 22:00 27.09.2021)
Кыргызстандан эки спортчу — Гүлшаной Сатарова жана Илья Тяпкин барган. Алар алтын жана коло медаль менен кайтышты.

БИШКЕК, 27-сен. — Sputnik. Кыргызстандык жөө күлүк Гүлшаной Сатарова Нур-Султан калаасында өткөн Astana Marathon 2021 иш-чарасында алтын медаль утуп алды. Бул тууралуу аталган борбор калаанын акимчилигинин сайтында кабарланган.

Сатаров аялдар арасында 42,2 чакырымды 2 саат 35 мүнөттө чуркап өткөн. Атаандашы андан 21 мүнөт артта калган.

Эске сала кетсек, Сатарова быйыл июнда Алматыдагы жарым марафондо да жеңүүчү болгон эле.

Жарышка катышкандагы бир кыргызстандык спортчу Илья Тяпкин эркектер арасында 02:24:23 убакытта келип, коло медалга ээ болду.

  • Участники марафона Astana Marathon 2021 в Нур-Султане. 26 сентября 2021 года
    Акимчилик баш-аягы Казакстандын 45 шаарынан үч миңге жакын киши чуркагандыгын билдирди
    © Фото / пресс-служба акимата города Нур-Султан
  • Участники марафона Astana Marathon 2021 в Нур-Султане. 26 сентября 2021 года
    Марафон Казакстандын 30 жылдык эгемендүүлүгүнө арналган
    © Фото / пресс-служба акимата города Нур-Султан
1 / 2
© Фото / пресс-служба акимата города Нур-Султан
Акимчилик баш-аягы Казакстандын 45 шаарынан үч миңге жакын киши чуркагандыгын билдирди

Акимчилик баш-аягы Казакстандын 45 шаарынан үч миңге жакын киши чуркагандыгын билдирди. Марафон Казакстандын 30 жылдык эгемендүүлүгүнө арналган.

Финишке жеткен ар бир марафончуга эстелик медаль тапшырылып, ал эми чогултулган 37 миллион теңге кайрымдуулукка жумшалары айтылды.

0
Белгилер:
Казакстан, Кыргызстан, Илья Тяпкин, жөө күлүк, марафон, медаль, Гүлшаной Сатарова
Тема боюнча
Бишкекте мүмкүнчүлүгү чектелген жарандар катышкан жарым марафон аяктады. Сүрөт
Ошто COVID баштаган ооруларды алдын алууга арналган марафон өттү. Сүрөттөр