UFC уюмунун экс-мушкери Кэт Зингано. Архивдик сүрөт

Актриса Холли Беррини Шевченко катышкан тасма боюнча экс-мушкер сотко берди

682
(жаңыланган 18:01 21.08.2021)
Голливуд жылдызы спортчу кызга өзүнүн "Көгала болгондо" (В синяках) тасмасында роль убада кылган. Бул үчүн мушкер UFC беттешинен баш тартып, промоушенден куулган.

БИШКЕК, 21-авг. — Sputnik. UFC уюмунун экс-мушкери Кэт Зингано актриса Холли Беррини сотко берди. Бул тууралуу жолдонгон арыздын текстине таянып TMZ порталы жазды. 

Зинганонун айтымында, Берри өзүнүн "Көгала болгондо" тасмасында роль убада кылган. Фильмде актриса режиссёрлук кылуу менен кошо башкы ролдо ойногон.

Спортсмен кыздын айтымында, 2019-жылдын июль айында актриса аны менен жолугуп, өзүнүн дебюттук тасмасында роль сунуш кылган.

"Холли андан тасма тартылып бүткөнгө чейин эч кандай спорттук иш-чараларга катышпай турууну өтүнгөн. Ошол маалда спортчуга UFC уюмунан ири сумма төлөнүүчү беттеш сунушталган. Промоушен менен атлеттин ортосунда келишим болгон. Берри мушкерге ар кандай жаракаттан этият болуу үчүн беттешке чыкпай туруу кеңешин берген. Кэт анын өтүнүчүнө макул болуп, беттештен баш тарткан", — деп айтылат маалыматта.

Ошол убакта жеңил салмакта чемпиондукка талапкер болгон Зингано беттешүүдөн баш тарткан соң UFC аны менен келишимди токтоткон.

Кийин Кэт тасма боюнча Берриге кайрылганда, ал UFC уюмундагы мушкерлер менен иштешерин билдирип, аны менен кызматташуудан баш тартканын айткан.

Эми спортчу мушташтан баш тартып, промоушенден куулганда тарткан чыгымынын ордун сот аркылуу толуктоону талап кылат.

39 жаштагы Кэт Зингано UFC лигасынан 2019-жылы четтетилип, кийин Bellator MMA уюму менен кызматташкан. Жаңы промоушенде ал эки беттешти уткан.

"Көгала болгондо" ("Bruised") тасмасында ММА спортундагы Жеки аттуу мушкер кыз (анын ролун Холли Берри ойногон), анын маанилүү беттеште жеңилгенден соң карьерасында ийгиликсиз учур башталганы тууралуу айтылат. Кыйын сыноонун чеңгээлинде калган спортчу бир кезде карьерасы үчүн карабай кеткен алты жаштагы уулу менен мамилесин оңдоону чечет. Бирок ринг менен жеңишти эңсеп, жан дүйнөсүнө тынчтык орнобой коёт. Бир күнү жаш жылдыздардын бири менен беттешүүгө мүмкүнчүлүк жаралат, Жеки каршылашы өзүнөн күчтүү экенине карабай макул болот.

Аралаш мушташтын жылдызы, Жекинин башкы атаандашынын ролун кыргызстандык UFC чемпиону Валентина Шевченко ойнойт. Тасма 2019-жылдын декабрында тартылып бүткөн.

682
Белгилер:
UFC, мушкер, кино тасма, роль, убада, сот, арыз
Тема боюнча
Валентина Шевченко кайрадан World MMA Awards сыйлыгына көрсөтүлдү
Валентина Шевченконун кезектеги атаандашы аныкталды
Нарын шаарынын мэри Самарбек Болотбеков. Архив

Нарындын мэри Болотбеков сыртка чыкпоо тил каты менен бошотулду

4
Шаар башчысы 2020-жылы өткөн паралменттик шайлоо маалында коррупциялык иштерге аралашкан деп шектелүүдө.

БИШКЕК, 21-сен. — Sputnik. Нарын шаарынын мэри Самарбек Болотбеков сыртка чыкпоо тил катынын негизинде бошотулду. Бул туурасында Биринчи май райондук сотунун маалымат кызматы билдирди.

Мындай чечим кечээ, 20-сентябрда, чыккан. Болотбеков шайлоодогу коррупциялык иштерге аралашкан деп шектелүүдө.

УКМК былтыркы парламенттик шайлоодо Жогорку Кеңештин депутаты мандатын убадалап 300 миң доллар алган деген шек менен "Кыргызстан" партиясынын мүчөсү, экс-депутат Руслан Чойбековду 16-сентябрда кармаган. Бул иш боюнча Жазык кодексинин 204-беренесинин 3-бөлүгүнө ("Алдамчылык, өзгөчө ири өлчөмдө жасалган жосун") ылайык өндүрүш ачылып, Чойбеков тергөө абагына киргизилген.

Ал эми 18-сентябрда аталган кылмышка катыштыгы бар деген шек менен шайлоодо "Кыргызстан" партиясынан талапкер болгон, учурда Нарындын мэри Самарбек Болотбеков кармалган болчу.

4
Белгилер:
Самарбек Болотбеков, мэр, кармоо, коррупция, бошотуу
Тема боюнча
500 миң долларлык мүлк. "Кыргызстандын" дагы бир экс-депутаты кармалды
Чач тарач иш учрунда. Архив

COVID-19дан кийин чачтын түшүшүн кантип токтотсо болот? Трихологдун кеңеши

3
(жаңыланган 11:52 21.09.2021)
Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

БИШКЕК, 21-сен. — Sputnik. COVID-19га чалдыгып сакайгандардын көпчүлүгү чачынын түшүп жатканын айтууда. Аны токтотууга өз алдынча тандап алган каражаттар жардам бере албасын Sputnik радиосунун эфиринде трихолог Юлия Нагайцева айтты.

Адистин пикиринде, адам чачтын түшө баштаганын дароо байкабайт. Алгачкы белгилер оору башталгандан 3-4 жума же сакайгандан эки ай өткөн соң билинет.

"Бул процесстин башталышы гана. Менин жарым жылдык байкоомо караганда, чач түшүп эле тим болбой, башка ооруларды дагы пайда кылууда. Албетте, түшсө дагы өзү калыбына келип, мурдагыдай калыңдыкка жеткен учурлар бар. Ал үчүн адам жаш, организми күчтүү болушу керек. Ал эми чачы оголе жукарып кеткендер адиске кайралганы туура", — деди Нагайцева.

Анын айтымында, дарыканадагы бардык эле каражаттар чачтын түшүшүн токтотууга жардам бере бербейт.

"Чач түшүү — бул оору, аны дарылоо керек. Алгач организмге кайсы элемент жетпей жатканын анализдер аркылуу аныктоо зарыл. Ошондо гана дарыгер бейтапка керектүү каражатты сунуштай алат", — деди трихолог.

Ошондой эле адис COVID-19дан сакайган адамдарды медицинадык кароодон өткөрүү маалында айрымдардан андрогенетикалык алопеция илдети табылып жатканын кошумчалады. Бул илдет чачтын өсүшүн толугу менен токтотуп коет.

3
Белгилер:
дарыгер, коронавирус, чач, кесепет
Тема:
Дүйнөгө жайылган коронавирус
Тема боюнча
Окумуштуулар коронавирустун дагы бир олуттуу кесепетин айтышты
Беларуста COVID-19дун төртүнчү толкуну башталганын айтты